<p><span style="color: #000000;"><strong>(សុខភាព)៖</strong> នៅពេលឈានដល់រដូវក្តៅម្តងៗ វាមិនត្រឹមតែធ្វើឲ្យស្បែក អ្នកទទួលរងការប៉ះពាល់ប៉ុណ្ណោះទេ តែវាថែមទាំងនាំជំងឺមួយចំនួន មកឲ្យអ្នកបន្ថែមទៀតផង។ អ្នកជំនាញផ្នែកជំងឺសើស្បែក បានឲ្យដឹងថា នៅរដូវក្តៅគួរប្រយ័ត្នបញ្ហាស្បែក ៤ចំនុច ដូចខាងក្រោមៈ</span></p>
<p><span style="color: #000000;"><strong>១. ស្បែករលាកដោយសារកម្តៅថ្ងៃ៖</strong></span><br /><span style="color: #000000;">កម្តៅថ្ងៃគឺជារឿងមួយ អាចធ្វើឲ្យស្បែករលាក និងអាចបង្កឲ្យក្លាយជាជំងឺមហារីកស្បែក បានផងដែរ។ ជាពិសេសអ្នកដែលចូលចិត្ត លេងទឹកសមុទ្រ ព្រោះទឹកនិងខ្សាច់ធ្វើឲ្យកាំរស្មី UV ជះខ្លំាងជាមុនរហូតដល់ទៅ ៤ដង។ ដូច្នេះនៅពេលដែលអ្នកប៉ះ នឹងកម្តៅថ្ងៃ អ្នកគួរលាបក្រែមការពារកម្តៅថ្ងៃ យ៉ាងតិចឲ្យបានមុនមួយម៉ោង និងលាបក្រែមបន្ថែម ពីលើរាល់ ២ទៅ ៣ម៉ោងម្តង។ ម្យ៉ាងទៀតអ្នកគួរប្រើក្រែមលាបស្បែក ឲ្យសមស្របនិងសភាពស្បែក រួមទាំងការប្រើប្រាស់ផងដែរ។ ជាពិសេសប្រសិនបើបាន PA+ គឺកាន់តែប្រសើរ ព្រោះវាអាចការពារកាំរស្មី UVA បាន។</span></p>
<p><span style="color: #000000;"><strong>២. ចែងថ្ងៃ៖</strong></span><br /><span style="color: #000000;">អ្នកកើតជំងឺនេះ នឹងកើតមានកន្ទួលរមាស់ នៅតាមបរិវេណរាងកាយ ដែលប៉ះនឹងពន្លឺថ្ងៃ។ ពេលខ្លះវាមិនឡើងកន្ទួលភ្លាមៗ នៅពេលប៉ះពន្លឺថ្ងៃឡើយ តែវាអាចកើតមានបន្ទាប់ ពីពេលប៉ះកម្តៅថ្ងៃរួច ប្រហែលកន្លះម៉ោងឬ១ម៉ោង ដោយភាគច្រើន វាកើតមានតែនៅចំពោះរដូវក្តៅ តែប៉ុណ្ណោះ។</span></p>
<p><span style="color: #000000;"><strong>៣. រមាស់ ដោយសារញើស៖</strong></span><br /><span style="color: #000000;">ញើសមានជាតិប្រៃ ទើបវាអាចបណ្តាល ឲ្យកើតមានអាការរមាស់ នៅពេលដែលបែកញើសម្តងៗ។ អ្នកខ្លះកើតមានអាការប្រតិកម្ម ជាមួយនឹងញើសខ្លួនឯង ដោយមានការរមាស់ និងកន្ទួលៗ។ ដូច្នេះអ្នកគួរស្ថិតនៅកន្លែងត្រជាក់ ឬងូតទឹកជម្រះខ្លួនឲ្យបានស្អាត កុំបណ្តោយឲ្យខ្លួនស្អិតៗ ដោយសារញើស។</span></p>
<p><span style="color: #000000;"><strong>៤. ជំងឺរើម៖</strong></span><br /><span style="color: #000000;">នៅពេលដែលអ្នកហាលថ្ងៃយូរពេក វាអាចជំរុញឲ្យមេរោគរីកធំធាត់ និងបង្កឲ្យក្លាយជាជំងឺរើមបាន។ ក្នុងករណីនេះអ្នកអាចបន្ថយអាការ ដោយការទទួលទានថ្នាំ ប៉ុន្តែ ចំពោះតែអ្នកដែលកើតជំងឺរើមប៉ុណ្ណោះ៕</span></p>
<p><span style="color: #000000;"><a class="thickbox" title="" href="/FileManager/Commons/2017/2/22/16b-22-02-2017--14-23-35.jpg"><img src="/FileManager/Articles/mce/2017/2/22/16b-22-02-2017--14-23-35.jpg" alt="" /></a><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>