<p><span style="color: #000000;"><strong>(អាមេរិក)៖</strong> របាយការណ៍ថ្មី បានបង្ហាញថា FBI ចំណាយប្រាក់មិនដល់ ១លានដុល្លារអាមេរិកនោះទេ សម្រាប់ជួយក្រុមអ្នកជំនាញឲ្យ Hack ទូរស័ព្ទ iPhone 5C របស់ភេរវករ និងជាមេជួញដូរគ្រឿងញៀន ដ៏ធំ Syed Farook ដែលត្រូវបានស្លាប់ និងប្រតិបត្តិការរបស់ប៉ូលិស។ នេះបើយោងតាមការចេញផ្សាយ របស់សារព័ត៌មាន CNA ចេញផ្សាយនៅថ្ងៃទី២៩ ខែមេសា។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/4/29/27-29-04-2016--15-15-11.jpg"><img src="/FileManager/Articles/mce/2016/4/29/27-29-04-2016--15-15-11.jpg" alt="" /></a><br /></span></p>
<p><span style="color: #000000;">នៅមុននេះ លោក James Comey ប្រធាន FBI បានថ្លែងឲ្យដឹងថា ស្ថាប័ន FBI បានចំណាយលុយ ១,៣លានដុល្លារអាមេរិក ក្នុងការជួយក្រុមជំនាញៗ ឲ្យ Hack នូវ Passcode lock ទូរស័ព្ទ iPhone 5C របស់ភេរវករ Farook ក្រោយពេលដែល Apple បដិសេធមិនព្រម ជួយដោះ Passcode មួយនេះ។</span></p>
<p><span style="color: #000000;">ដោយឡែកនៅពេលនេះ ប្រភពជិតស្និទ្ធនឹងភ្នាក់ងារ FBI បានឲ្យដឹងថា ការសម្រាប់ជួយក្រុមមនុស្សជំនាញៗឲ្យ Hack ទូរស័ព្ទ iPhone 5C មិនត្រូវបានចំណាយប្រាក់ដល់ ១,៣លានដុល្លារអាមេរិក ដូចការលើកឡើងរបស់លោក Comey ពោលគឺចំណាយតិចជាង ១លានដុល្លារអាមេរិក។</span></p>
<p><span style="color: #000000;">គួរបញ្ជាក់ផងដែរថា ក្រោយពេលភេរវករ Syed Farook ត្រូវបានបាញ់សម្លាប់ នៅក្នុងប្រតិបត្តិការរបស់ប៉ូលិស ទីភ្នាក់ងារ FBI បានស្នើឲ្យក្រុមហ៊ុន Apple ជួយដោះ Passcode ទូរស័ព្ទ iPhone 5C ដែលជាកម្មសិទ្ធិរបស់ Syed Farook ប៉ុន្តែសំណើរបស់ FBI ត្រូវបាន Apple ច្រានចោល ដោយបានលើកឡើងថា ការធ្វើបែបនោះ វាបានរំលោភទៅលើសិទ្ធិរបស់អ្នកប្រើប្រាស់ និងល្មើសទៅលើច្បាប់ក្រុមហ៊ុន ដែលបានកំណត់ ហើយការធ្វើបែបនេះ វានាំឲ្យបាត់ទំនុកចិត្តពីអ្នកប្រើប្រាស់៕</span></p>
<p> </p>
<p style="text-align: right;"><span style="color: #000000;">ប្រភព ៖ CNA </span></p>