<div><span style="color: #000000;">អាមេរិច ៖ លោក Jesse Randall Davidson អាយុ ៥៣ ឆ្នាំ បានចាក់សោរសិស្សរបស់ខ្លួននៅក្នុងសាលធំមួយ ហើយបង្កឲ្យមានការភ្ញាក់ផ្អើលយ៉ាងខ្លាំង ។ នេះបើយោងតាមការចុះផ្សាយរបស់គេហទំព័រផ្លូវការរបស់សហរដ្ឋអាមេរិច ។ </span></div>
<div><span style="color: #000000; font-size: 12px;">ប្រភពដដែលបានបន្តទៀតថា គ្មានសិស្សណាម្នាក់រងរបួសដោយសារតែគ្រាប់កាំភ្លើងនោះទេ តែមានសិស្សស្រីម្នាក់បានគ្រេច ក ជើងរបស់នាង ។ </span></div>
<div><span style="color: #000000;">ឧបទ្ទវហេតុនេះបានកើតឡើងពីរសប្តាហ៍បន្ទាប់ពីសិស្ស ១៧ នាក់ត្រូវបានសម្លាប់នៅក្នុងវិទ្យាល័យ Florida ។ ហើយក្នុងនោះផងដែរ ប្រធានាបតី លោក Trump បានអំពាវនាវឲ្យគ្រូបង្រៀនដាក់អាវុធតាមខ្លួន ដើម្បីការពារខ្លួន ។ </span></div>
<div><span style="color: #000000; font-size: 12px;">លោក Bruce Frazier អ្នកនាំពាក្យប៉ូលិសបាននិយាយថា គ្រូបង្រៀននៅវិទ្យាល័យ Dalton បានរារាំងនៅមុខទ្វារនៅពេលសិស្សរបស់គាត់ព្យាយាមចូលទៅខាងក្នុង ។ ក្រោយមកនៅពេលដែលប្រធានថ្នាក់ លោក Steve Bartoo បានព្យាយាមចាក់សោរទ្វារ គាត់ក៏ស្រាប់តែលឺស្នូរបាញ់កំភ្លើង ។</span></div>
<div><br /><a class="thickbox" title="" href="/FileManager/Commons/2018/3/1/1-01-03-2018--10-07-07.png"><img src="/FileManager/Articles/mce/2018/3/1/1-01-03-2018--10-07-07.png" alt="" /></a><span style="color: #000000; font-size: 12px;"> </span></div>
<div>
<p><span style="color: #000000;">សាលារៀន Dalton ត្រូវបានគេដឹងថា គឺជាទីក្រុងមួយ ដែលមានរយៈចម្ងាយពី ១៤៥ គីឡូមែត្រពីភាគខាងជើងឆៀងខាងលិចនៃអាត្លង់តា ។ ក្រោយហេតុការណ៍បានកើតឡើងប្រហែលជា ៤៥ នាទី លោក Davidson ក៏ត្រូវបានចាប់ខ្លួន ។ </span></p>
<p><span style="color: #000000;">ប៉ូលីសបានប្រកាស កាលពីថ្ងៃទី ពុធ ថា គ្រូបង្រៀនរូបនេះត្រូវបានចាប់ខ្លួនចំពោះករណីធ្ងន់ធ្ងរមួយ ដោយបានកាន់អាវុធនៅក្នុងបរិវេណសាលា ព្រមទាំងគំរាមគំហែង ដល់សិស្សជាច្រើននៅក្នុងសាលាទៀតផង ។ </span></p>
<p><span style="color: #000000;">យោងតាមប៉ូលីសនៅសាល Dalton បានឲ្យដឹងថា គាត់គឺជាគ្រូបង្រៀនសិក្សាផ្នែកសង្គម ដែលបានបង្រៀនតាំងពីឆ្នាំ ២០០៤ និងជាក្រុមកីឡាបាល់ទាត់ម្នាក់ ។ </span></p>
<p><span style="color: #000000;">ទទ្ទឹមនឹងនេះផងដែរ សិស្សស្រីម្នាក់នៅក្នុងសាលា Dalton បានថ្លែងថា ការអនុញិតឲ្យគ្រូបង្រៀនមានសិទ្ធប្រើកាំភ្លើង វាគឺជារឿងដ៏អាក្រក់មួយ ៕</span></p>
<p><a class="thickbox" title="" href="/FileManager/Commons/2018/3/1/2-01-03-2018--10-07-20.png"><img src="/FileManager/Articles/mce/2018/3/1/2-01-03-2018--10-07-20.png" alt="" /></a></p>
<p style="text-align: right;"><span style="color: #000000; font-size: 12px; text-align: right;">ប្រែសម្រួល ៖ គន្ធា</span></p>
<p style="text-align: right;"><span style="color: #000000;">ប្រភព ៖ ប៊ីប៊ីសុី </span></p>
</div>