<p><span style="color: #000000;"><strong>(ភ្នំពេញ)៖</strong> អតីតតារាចម្រៀងធ្លាក់ខ្លួនពិការ ដោយសារខ្មាន់កាំភ្លើងប៉ងផ្តាច់ជីវិត កាលពីជាង១០ឆ្នាំមុន កញ្ញា ពៅ បញ្ញាពេជ្រ ថ្មីៗនេះបានបង្ហោះរូបថត នៅលើបណ្តាញសង្គមហ្វេសប៊ុក បង្ហាញប្រាប់អារម្មណ៍ពិតក្រោយធ្លាក់ខ្លួន ក្លាយជាជនពិការ ធ្វើចលនាទៅណាមកណា គឺពឹងផ្អែកលើរទេះរុញ រស់នៅដោយក្តីអាម៉ាស និងការសើចចំអក មើលងាយពីមជ្ឈដ្ឋាន មនុស្សមួយចំនួន នៅជុំវិញខ្លួន។</span></p>
<p><span style="color: #000000;">នៅលើបណ្តាញសង្គមហ្វេសប៊ុក របស់អតីតតារាចម្រៀងបាត់បង់ សមត្ថភាព ព្រោះតែត្រូវខ្មាន់កាំភ្លើង តាមប្រម៉ាញ់ប្រហាជីវិត ហើយសំណាងល្អជីវិតរបស់នាងថ្លៃ ពុំត្រូវស្លាប់ កញ្ញា ពៅ បញ្ញាពេជ្រ ប៉ុន្មានម៉ោងមុននេះ បានសរសេរថា «កាលពីមុននាងខ្ញុំ ទៅណាមកណាតែងតែខ្មាសគេណាស់ ដោយសារខ្ញុំត្រូវអង្គុយ លើរទេះពិការមួយនេះ នាងខ្ញុំមិនចង់ចេញពីផ្ទះទេ ដោយនាងខ្ញុំគិតថា ខ្លួនឯងដូចជាសត្វចម្លែក ខុសពីគេ។ ដោយក្រឡេកមើលទៅកែវភ្នែក អ្នកជុំវិញខ្លួន គេសំឡឹងមកខ្ញុំ មានគ្រប់អត្ថន័យ ក្នុងការគិតរបស់ពួកគេ តែពេលនេះនាងខ្ញុំបានទទួលស្គាល់ ការពិតហើយ ហើយក៏ឈប់ខ្មាសគេទៀតដែរថា ខ្ញុំជាជនពិការត្រូវតែរៀនរស់ ទទួលស្គាល់ខ្លួនឯង!»។</span></p>
<p><span style="color: #000000;">អតីតតារាចម្រៀងសំឡេងផ្អែម កញ្ញា ពៅ បញ្ញាពេជ្រ បានបន្តថា «នៅលើលោកនេះ គ្មាននរណាម្នាក់ចង់ឲ្យខ្លួនឯង ទៅជាបែបនេះទេ មិនថាខ្ញុំ និងអ្នកដែលគាត់ពិការផ្សេងៗទៀត នាងខ្ញុំសុំឲ្យបងប្អូនមួយចំនួនខ្លះ គ្រប់ឋាន: មិនមែនមានន័យថាទាំងអស់នោះទេ ព្រោះបងបងប្អូនខ្លះគាត់យល់ ដូចនេះសូមបងប្អូនខ្លះ មេត្តាបើកចិត្តទូលាយ កុំមានចិត្តស្អប់ខ្ពើមសើចយំ ទៅលើអ្នកពិការអី បើអាចផ្តល់ការងារណា ដែលគាត់ ឬខ្ញុំផ្ទាល់ធ្វើបានសូមមេត្តាបើកឱកាស ឲ្យពួកយើងផង!»។</span></p>
<p><span style="color: #000000;">កញ្ញា ពៅ បញ្ញាពេជ្រ បានបន្ថែមថា «រឿងទាំងអស់ ដែលបានកើតឡើង គឺសុទ្ធតែជារឿងអកុសល សំរាប់មនុស្សក្នុងលោក ដែលយើងមិនអាចដឹងថា វានឹងកើតឡើងនៅពេលណា វេលាណា នៅពេលដែលកម្មយើងមកដល់។ តើនៅមានបងប្អូនណាខ្លះ ដែលឃើញនាងខ្ញុំបែបនេះ នៅមានចិត្តរើសអើងខ្លះ សូមប្រាប់ការពិតមក នេះជាអារម្មណ៍ពិតសរសេរចេញ ពីបេះដូង!»។</span></p>
<p><span style="color: #000000;">សូមបញ្ជាក់ថា កញ្ញា ពៅ បញ្ញាពេជ្រ គឺជាតារាចម្រៀងសម័យ ដ៏ល្បីឈ្មោះ និងមានប្រជាប្រិយភាពមួយរូប ក្នុងដើមទសវត្សរ៍ឆ្នាំ២០០០។ កញ្ញា បញ្ញាពេជ្រ ត្រូវបានទទួលរងការបាញ់ប្រហារ ប៉ងផ្តាច់ជីវិត លើរូបនាង ដោយគ្មានត្រាប្រណី កាលពីប្រមាណ១០ឆ្នាំមុន នៅចំកណ្តាលរាជធានីភ្នំពេញ។ រហូតមកទល់ពេលនេះ ការបាញ់ប្រហារលើតារាចម្រៀង កញ្ញា ពៅ បញ្ញាពេជ្រ ហាក់នៅតែស្ថិតក្នុងអាថ៌កំបាំង នៅឡើយ។</span></p>
<p><span style="color: #000000;">អ្នកច្រៀងស្រីរូបស្រស់ កញ្ញា ពៅ បញ្ញាពេជ្រ នៅព្រឹកថ្ងៃទី២៣ ខែកុម្ភៈ ឆ្នាំ២០០៧ ត្រូវបានឧក្រិដ្ឋជនពីរនាក់ តាមបាញ់ប្រហារ ពេលនាងចេញពីរថយន្ត នៅចំកណ្តាលទីក្រុងភ្នំពេញ។ ក្រៅពីទទួលទុក្ខធំដោយធ្លាក់ខ្លួនពិការ និងរស់ជាមួយជំងឺមិនអាចព្យាបាលបាន អស់រយៈពេលជិត១០ឆ្នាំ តារាចម្រៀងដែលកំពុងរស់ នៅក្នុងពិការភាពរូបនេះ លែងនឹកនាដល់ការស្វែងរកយុត្តិធម៌ទៀតហើយ ដោយសារអ្វីដែលនាងចង់បាននៅពេលនេះ គឺចង់រស់នៅសុំតែសុខប៉ុណ្ណោះ៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14199653_1553947167964921_4826635563560366726_n.jpg?oh=76184e3aa4f73847446d9a13442009b9&oe=58865A0F" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14291891_1553946911298280_6020422251877750642_n.jpg?oh=aeb218e2d8ef45bb60954df1fb3d04ae&oe=587FF13C" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14199200_1553946907964947_7863334645578903652_n.jpg?oh=0eb914bee43ad5144b75ef4cb4382631&oe=584E3ABE" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14237705_1553946901298281_8142770490118809130_n.jpg?oh=35274373c1e225d0002d113d03c8850b&oe=5842E5E4" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14203231_1553947027964935_196852450236937924_n.jpg?oh=1767feb6e53cdef7e3b16188e936eab4&oe=587C1A69" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14264988_1553947024631602_352847467647858018_n.jpg?oh=68d0cde98f2c682255efeac971095050&oe=5879E394" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14184521_1553947174631587_6755019200416098875_n.jpg?oh=24472d16cd3e9ea29abd0c9d0121b03e&oe=5880D876" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>