<p><span style="color: #000000;"><strong>(អ៊ីស្លាម៉ាបាដ)៖</strong> យ៉ាងហោចណាស់មនុស្ស ១០នាក់បានស្លាប់ និង ៤០នាក់ទៀតរងរបួស បន្ទាប់ពីជនបំផ្ទុះ គ្រាប់បែកអត្តឃាតម្នាក់ បានចូលទៅលុកលុយ ក្នុងអគារតុលាការមួយកន្លែងក្នុងស្រុកមួយ ដែលស្ថិតនៅ ជិតទីក្រុង Mardan ភាគពាយ័ព្យប្រទេសប៉ាគីស្ថាន។ នេះបើតាមការចេញផ្សាយ នៅមុននេះបន្តិច ដោយទីភ្នាក់ងារព័ត៌មានចិនស៊ិនហួរ នារសៀលថ្ងៃសុក្រ ទី០២ ខែកញ្ញា ឆ្នាំ២០១៦។</span></p>
<p><span style="color: #000000;"><a class="thickbox" title="" href="/FileManager/Commons/2016/9/2/80b-02-09-2016--16-44-40.jpg"><img src="/FileManager/Articles/mce/2016/9/2/80b-02-09-2016--16-44-40.jpg" alt="" /></a><br /></span></p>
<p><span style="color: #000000;">មេបញ្ជាការប៉ូលិសស្រុកលោក Faisal Shehzad បាននិយាយថា ជនបំផ្ទុះគ្រាប់បែកអត្តឃាតម្នាក់ ពីដំបូង បានធ្វើការបំផ្ទុះគ្រាប់ នៅច្រកទ្វារចូលទៅក្នុងអគារតុលាការស្រុក ហើយបន្ទាប់ពីមក រូបគេក៏បានព្យាយាម សម្រុកចូលទៅក្នុងបន្ទប់កាត់ក្តី តែត្រូវបានសមត្ថកិច្ចនៅក្នុងនោះបាញ់កាំភ្លើងដើម្បីបញ្ចប់ តែបែរជាត្រូវនឹង គ្រាប់បែកដែលត្រូវបានបង្កប់ក្នុងអាវធំរបស់ជនសង្ស័យ បាននាំឲ្យផ្ទុះស្លាប់ ទាំងអស់គ្នា ក្នុងនោះមាន មន្ត្រីប៉ូលិសពីររូប មេធាវីពីររូប រួមនឹងជនបង្កៃគ្រាប់បែកម្នាក់ ខណៈ ០៥នាក់ទៀតជាជនស៊ីវិល។</span></p>
<p><span style="color: #000000;"><a class="thickbox" title="" href="/FileManager/Commons/2016/9/2/80c-02-09-2016--16-44-53.jpg"><img src="/FileManager/Articles/mce/2016/9/2/80c-02-09-2016--16-44-53.jpg" alt="" /></a><br /></span></p>
<p><span style="color: #000000;">យោងតាមសម្តីរបស់ មេបញ្ជាការខាងលើនេះ គឺមនុស្សរងរបួស ០៦នាក់ ក្នុងចំណោម ៤០នាក់ កំពុងស្ថិតនៅក្នុងស្ថានភាព ធ្ងន់ធ្ងរបំផុត ដែលអាចនឹងមានអ្នកបាត់បង់ជីវិតបន្ថែមទៀត។ រហូតមកដល់ ពេលនេះ កងកម្លាំងប៉ូលិសសន្តិសុខ ត្រូវបានដាក់ពង្រាយពាសពេញតំបន់ខាងលើ ហើយគ្មានក្រុមណាមួយ ចេញមុខអះអាងថា ជាអ្នកស្ថិតនៅពីក្រោយការវាយប្រហារនេះនៅឡើយទេ៕</span></p>
<p><span style="color: #000000;"><a class="thickbox" title="" href="/FileManager/Commons/2016/9/2/80-02-09-2016--16-43-09.jpg"><img src="/FileManager/Articles/mce/2016/9/2/80-02-09-2016--16-43-09.jpg" alt="" /></a><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>