<p><span style="color: #000000;"><strong>(ភ្នំពេញ)៖</strong> តារាចម្រៀងរបស់ផលិតកម្ម Diamond ធ្លាប់ល្បីឈ្មោះគួរសម កញ្ញា គង់ ចាន់រដ្ឋា ខណៈដែលសន្ទុះនៃការគាំទ្រ និងប្រជាប្រិយភាពកំពុងតែហក់ឡើង ជាថ្មីសម្រាប់ទីផ្សារចម្រៀងក្នុងស្រុក នាពេលបច្ចុប្បន្ន ស្រាប់តែថ្មីៗនេះ បានលេចធ្លាយដំណឹងនៃការចាកចេញ ពីទ្រនំថ្មី Diamond បន្ទាប់ពីត្រូវបញ្ចប់កុងត្រា អស់រយៈពេល៣ឆ្នាំមកហើយនោះ។ ប៉ុន្តែពេលជាមួយគ្នានេះ ក៏មានប្រភពខ្លះសង្ស័យថា អាចមានហេតុផលផ្សេងពីនេះ ទើបនាងមិនបន្តកុងត្រាជាថ្មី។</span></p>
<p><span style="color: #000000;">ប្រភពពីរង្វង់សិល្បៈស្និទ្ធស្នាល ជាមួយតារាចម្រៀងស្រីកញ្ញា គង់ ចាន់រដ្ឋា បានបង្ហើបថា ការរើបង្វេចដើរចេញពី ផលិតកម្មថ្មី Diamond របស់តារាចម្រៀងរូបនេះ គឺដោយសារតែមានបញ្ហាអាក់អន់ស្រពន់ចិត្តខ្លះៗ ជាមួយភាគីខាងផលិតកម្ម ទើបនាងសម្រេចចាកចេញ ដោយមិនទទួលយកការចុះកុងត្រាបន្តជាថ្មី។ ប៉ុន្ដែកញ្ញា គង់ ចាន់រដ្ឋា បានបដិសេធន៍ ចំពោះរឿងនេះហើយបានបញ្ជាក់ថា ការចាកចេញរបស់នាងនៅពេលនេះ គឺមិនមែនស្ថិតនៅត្រង់ហេតុផលនេះឡើយ ពោលគឺដោយសារនាងត្រូវចប់កិច្ចសន្យា រយៈពេល៣ឆ្នាំជាមួយភាគី ផលិតកម្ម។</span></p>
<p><span style="color: #000000;">តារាចម្រៀង មានដើមកំណើតពីទឹកដីអង្គរ នៃខេត្តសៀមរាប កញ្ញា គង់ ចាន់រដ្ឋា បានថ្លែងប្រាប់ Khmertalking ឲ្យដឹងតាមទូរស័ព្ទ នារសៀលថ្ងៃទី២៧ ខែមីនា ឆ្នាំ២០១៦ថា «នេះជាការសម្រេចចិត្តដ៏ត្រឹមត្រូវមួយ ក្នុងការចាកចេញពីផលិតកម្ម Diamond ដោយគ្មានបង្កបញ្ហា ឬជម្លោះរវាងនាង ជាមួយភាគីផលិតកម្មឡើយ»។ កញ្ញា គង់ ចាន់រដ្ឋាថា ចាប់ពីពេលនេះតទៅនាងលែងជាប់ពាក់ព័ន្ធ កុងត្រាជាមួយផលិតកម្មថ្មីនេះទៀតហើយ ព្រោះកិច្ចសន្យារយៈពេល៣ឆ្នាំ ត្រូវបានបញ្ចប់ជាស្ថាពរ។</span></p>
<p><span style="color: #000000;">កញ្ញា គង់ ចាន់រដ្ឋា និយាយបន្តថា «ខ្ញុំនឹងភាគីម្ចាស់ផលិតកម្ម បានបញ្ចប់កុងត្រា(កិច្ចសន្យា) រយៈពេល៣ឆ្នាំជាមួយគ្នា តាមការកំណត់។ ចាប់ពីពេលនេះតទៅទៀត ខ្ញុំលែងជាប់ពាក់ព័ន្ធមានឈ្មោះ ជាតារាចម្រៀងនៅក្នុងផលិតកម្ម Diamond ទៀតហើយ។ ដូច្នេះរាល់ការសម្រេចចូលច្រៀង ឬមិនច្រៀងឲ្យផលិតកម្មណាមួយនោះ វាជាសិទ្ធសម្រេចរបស់ខ្លួនខ្ញុំផ្ទាល់»។</span></p>
<p><span style="color: #000000;">ជាមួយគ្នានេះ គង់ ចាន់រដ្ឋា បានបន្ថែមថា បច្ចុប្បន្នមានផលិតកម្មក្នុងស្រុកមួយ បានទាក់ទងចង់ឲ្យនាងចុះកុងត្រា ក្លាយជាតារាចម្រៀង នៅក្នុងផលិតកម្មមួយនោះ ប៉ុន្តែជាចម្លើយនាង មិនទាន់ឆ្លើយប្រាប់ថាយ៉ាងណានោះទេ ព្រោះស្ថិតនៅក្នុងការពិចារណានៅឡើយ។ ម្យ៉ាងទៀតបើនាងសម្រេចចិត្ត ពេលណាច្បាស់ជាប្រកាសប្រាប់ ឲ្យមហាជនបានដឹង ជាសាធារណៈជាមិនខាន។</span></p>
<p><span style="color: #000000;">នៅព្រឹកថ្ងៃទី២៨ ខែមីនា ឆ្នាំ២០១៦នេះ Khmertalking មិនអាចសុំការបញ្ជាក់បន្ថែម ពីភាគីម្ចាស់ផលិតកម្ម Diamond ជុំវិញការសម្រេចចិត្តចាកចេញ ពីសំណាក់តារាចម្រៀង កញ្ញា គង់ ចាន់រដ្ឋា បាននៅឡើយទេ ៕</span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xal1/v/t1.0-9/12512791_1043875302353787_2018885372469818244_n.jpg?oh=9223704a68321001a2eba3cbad2d15c5&oe=57844611" alt="" width="730" /></span></p>
<p><span style="color: #000000;"><img src="https://fbcdn-sphotos-h-a.akamaihd.net/hphotos-ak-xpt1/v/t1.0-9/12143226_1042425602498757_4407126559286792598_n.jpg?oh=fe02be79e80d05b9474bc7c72f00eeb2&oe=5791CA91&__gda__=1469658385_ac456a88e609c271c52d9c5581ced194" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xft1/v/t1.0-9/12814271_1032185283522789_7930725210647204565_n.jpg?oh=fc9ea3f5e70fbf39062f4825cac26a24&oe=5778338F&__gda__=1469256174_5ccb7ecbf1e3dfe1f2df89f8d879249e" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xla1/v/t1.0-9/12316344_971986369542681_4177407727985414282_n.jpg?oh=bfb9515a2e80eb3b4d378649bb0c415c&oe=57835700" alt="" width="730" /></span></p>
<p><span style="color: #000000;"><img src="https://fbcdn-sphotos-d-a.akamaihd.net/hphotos-ak-xla1/v/t1.0-9/12308301_966032496804735_2391135021552916949_n.jpg?oh=7163873146b748dd2fb3910497037c5c&oe=57802F5F&__gda__=1468824306_6ca85a7ec671a5ad38793b4b4df434f0" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xaf1/v/t1.0-9/11039104_890140761060576_2895073426498136456_n.jpg?oh=f9e8b16e3995de89d1671452eb61ea97&oe=577B7D07" alt="" width="730" /></span></p>
<p><span style="color: #000000;"><img src="https://fbcdn-sphotos-h-a.akamaihd.net/hphotos-ak-xft1/v/t1.0-9/11392986_877380759003243_243332196600889269_n.jpg?oh=b0f58e5ba2da267c54c1e0de8ad9719c&oe=57968673&__gda__=1469197141_e671a69de82fa1327bc9660a68f7eebf" alt="" width="730" /></span></p>
<p><span style="color: #000000;"><img src="https://fbcdn-sphotos-b-a.akamaihd.net/hphotos-ak-xtp1/t31.0-8/p960x960/11334055_877079129033406_5441182559806352131_o.jpg" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xap1/v/t1.0-9/10632852_857950484279604_5751953787834306666_n.jpg?oh=0d50e9b7e2074d4043ba82197d6eaa4a&oe=578F81E8&__gda__=1464554292_96a9205f40b689d0983a6d2ba77b6642" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xfa1/v/t1.0-9/10645295_711376695603651_6001472224449289624_n.jpg?oh=a6d31f0bbe8130873522cfdedd2e59bf&oe=57820D8E" alt="" width="730" /></span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
</div>
<div class="detail_bottom_function">
<div class="facebook_like"></div>
</div>