<p><span style="color: #000000; font-size: 12px;">គិលានុប្បដ្ឋាយិកាអូស្រ្តាលីម្នាក់ត្រូវបានជាប់គុករយៈពេល 18 ខែ ពីបទផ្តល់សេវាពពោះជំនួសដោយខុសច្បាប់នៅកម្ពុជា។</span></p>
<p><span style="color: #000000;">អ្នកនាង Tammy Davis-Charles ត្រូវបានចាប់ខ្លួននៅក្នុងទីក្រុងភ្នំពេញកាលពីខែវិច្ឆិកាឆ្នាំមុន ក្រោយពេលដែលរដ្ឋាភិបាលកម្ពុជាហាមឃាត់ចំពោះសេវាពពោះជំនួស។</span></p>
<p><span style="color: #000000;">កំឡុងពេលជំនុំជម្រះក្តី ពេទ្យស្រីអាយុ ៤៩ ឆ្នាំរូបនេះបានបដិសេធការចោទប្រកាន់ ដោយនិយាយថានាងគ្រាន់តែផ្តល់ការថែទាំផ្នែកវិជ្ជសាស្រ្ត ចំពោះម្តាយដែលពពោះឲ្យគេតែប៉ុណ្ណោះ។</span></p>
<p><span style="color: #000000;"><br /><a class="thickbox" title="" href="/FileManager/Commons/2017/8/4/1-04-08-2017--16-35-08.png"><img src="/FileManager/Articles/mce/2017/8/4/1-04-08-2017--16-35-08.png" alt="" /></a><br /></span></p>
<p><span style="color: #000000;">សេវាពពោះជំនួស បានរីកលូតលាស់ក្នុងតំបន់អាស៊ីអាគ្នេយ៍ប៉ុន្មានឆ្នាំចុងក្រោយនេះ ដែលប្រទេសផ្សេងៗទៀតកំពុងចាត់វិធានការហាមឃាត់។</span></p>
<p><span style="color: #000000;">កាលពីថ្ងៃព្រហស្បតិ៍ អ្នកនាង Tammy Davis-Charles ដែលបានជាប់ឃុំឃាំង ៩ខែមកហើយ ត្រូវបានកាត់ទោសពីបទ ធ្វើជាអ្នកកណ្តាលរវាងឳពុកម្តាយដែលចង់ចិញ្ចឹមកូន និងស្រ្តីពពោះ។</span></p>
<p><span style="color: #000000;"><br /><a class="thickbox" title="" href="/FileManager/Commons/2017/8/4/2-04-08-2017--16-35-20.png"><img src="/FileManager/Articles/mce/2017/8/4/2-04-08-2017--16-35-20.png" alt="" /></a><br /></span></p>
<p><span style="color: #000000;">ការរាយការណ៍ថ្មីៗនេះ បានឲ្យដឹងថាពេទ្យស្រីនេះ បានបើកគ្លីនិកមួយដែលណាត់ជួបឪពុកម្តាយបរទេស ជាមួយនឹង ស្រ្តីពពោះជនជាតិខ្មែរ។</span></p>
<p><span style="color: #000000;">នាងបាននិយាយនៅក្នុងតុលាការថា នាងពុំបានប្រកាសរកម្តាយទាំងនោះទេ នាងគ្រាន់តែជួយមើលថែរក្សាម្តាយទាំងនោះ ឲ្យពួកគេមានសុវត្ថិភាពប៉ុណ្ណោះ។</span></p>
<p><span style="color: #000000;">គួរបញ្ជាក់ផងដែរថា ក្រៅពីការពពោះជំនួស ប្រទេសកម្ពុជាក៏បានហាមឃាត់ចំពោះទង្វើផ្សេងទៀតដូចជា ការជួញដូរសរីរាង្គមនុស្ស និងទឹកដោះម្តាយផងដែរ ៕</span></p>
<p><span style="color: #000000;"><br /><a class="c_tab" href="https://goo.gl/Kac8TY" target="_blank"><img src="/FileManager/Articles/mce/2017/8/4/mkn-04-08-2017--16-10-41.png" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល៖ High</span></p>
<p style="text-align: right;"><span style="color: #000000;">ប្រភព៖ BBC</span></p>