<p><span style="color: #000000;"><strong>(ភ្នំពេញ)៖</strong> ទន្ទឹមនឹងការប្រកាសផ្ទេរខ្សែប្រយុទ្ធឆ្នើមរបស់ខ្លួន ចាន់ វឌ្ឍនាកា ទៅក្លឹប Fujieda របស់ជប៉ុន ក្លឹប បឹងកេត អង្គរ បានប្រកាសនាំចូលខ្សែប្រយុទ្ធប្រេស៊ីលម្នាក់ភ្លាមៗ គឺកីឡាករ Silva Calijuri Maycon Rogerio មកជំនួសតំណែងរបស់កីឡាករជំនាញជើងឆ្វេងខាងលើ ដើម្បីត្រៀមប្រកួតវគ្គ Play-Off នៃពានរង្វាន់ AFC Cup 2017 និងលីគកំពូលនាពេលខាងមុខ។</span></p>
<p><span style="color: #000000;">គួរបញ្ជាក់ថា មុនផ្លាស់មកលេងឲ្យបឹងកេត ខ្សែប្រយុទ្ធសញ្ជាតិប្រេស៊ីលរូបនេះ ធ្លាប់បានប្រកបអាជីពបាល់ទាត់នៅប្រទេសជាច្រើននៅអឺរ៉ុប និងអាស៊ី ខណៈចុងក្រោយលេងឲ្យក្លឹប Persatuan Balikpapan នៃលីគកំពូលម៉ាឡេស៊ី។ ចំណែកការឈានជើងមកប្រកបអាជីពនៅកម្ពុជាវិញ ក្លឹបបឹងកេតអង្គរ រំពឹងថា គេនឹងធ្វើឲ្យបានល្អ នៅក្នុងយុទ្ធនាការប្រកួតជើងឯកជាតិ និងអន្ដរជាតិ ក្នុងឆ្នាំ២០១៧នេះ។</span></p>
<p><span style="color: #000000;">ក្រោយចូលរួមជាមួយបឹងកេត Calijuri Maycon បាននិយាយថា<strong> «ខ្ញុំរីករាយជាទីបំផុត ដែលបានចុះហត្ថលេខាជាមួយក្លឹបដ៏ល្អនៅកម្ពុជា។ ខ្ញុំសង្ឃឹមថា ពួកយើងនឹងសម្រេចបាននូវលទ្ធផលវិជ្ជមានសម្រាប់រដូវកាលនេះ ហើយខ្ញុំសូមអរគុណដល់ក្លឹប ដែលផ្ដល់សេចក្ដីទុកចិត្តលើរូបខ្ញុំ។ សម្រាប់អ្នកគាំទ្រទាំងអស់គ្នាវិញ ខ្ញុំរំពឹងថា នឹងធ្វើឲ្យអ្នករាល់គ្នារីករាយជាមួយនឹង លទ្ធផលដ៏អស្ចារ្យនៅលើទីលានប្រកួត»</strong>៕</span></p>
<p><span style="color: #000000;"><a class="thickbox" title="" href="/FileManager/Commons/2017/1/16/11-16-01-2017--11-25-00.jpg"><img src="/FileManager/Articles/mce/2017/1/16/11-16-01-2017--11-25-00.jpg" alt="" /></a><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>