<p>ម្ចាស់កសិដ្ឋានក្នុងផ្ទះមួយកន្លែង នៅប្រទេសជប៉ុន ថ្មីៗនេះ បានប្រកាសថា បច្ចេកទេសដាំបន្លែ<br />របស់ខ្លួន បានផ្ដល់ទិន្នផលច្រើនជាង ១០០ដង ធៀបនឹងបណ្ដាកសិដ្ឋាននៅខាងក្រៅផ្ទះ ដែល<br />ធ្វើតាមរបៀបធម្មតា។</p>
<p style="text-align: center;"><a class="thickbox" title="" href="/FileManager/Commons/2015/1/18/japan-farm-ledjpegkl-18-01-2015--13-40-33.jpg"><img src="/FileManager/Articles/mce/2015/1/18/japan-farm-ledjpegkl-18-01-2015--13-40-33.jpg" alt="" width="485" height="270" /></a></p>
<p style="text-align: center;">កសិដ្ឋានរបស់លោក Shigeharu Shimamura នៅជប៉ុន<br /><br /></p>
<p>កសិដ្ឋានខាងលើនេះ បានផ្ដល់ផលយ៉ាងច្រើន ដល់អ្នកដាំ និងម្ចាស់កសិដ្ឋាន។ កសិដ្ឋាននេះ បញ្ចេញសំណល់តិចជាងកសិដ្ឋានខាងក្រៅដល់ទៅ ៨០% ដោយវាត្រូវបានដាក់នៅក្នុងឃ្លាំង<br />មួយ ក្នុងខែត្រ Miyagi ដែលតំបន់ដែលធ្លាប់រងគ្រោះរញ្ជួយដីដ៏ខ្លាំងក្លាកាលពីឆ្នាំ ២០១១។</p>
<p style="text-align: center;"><a class="thickbox" title="" href="/FileManager/Commons/2015/1/18/japan-farm-ledjpegl-18-01-2015--13-43-18.jpg"><img src="/FileManager/Articles/mce/2015/1/18/japan-farm-ledjpegl-18-01-2015--13-43-18.jpg" alt="" /></a></p>
<p style="text-align: center;">កសិដ្ឋាននេះ ផ្ដល់ទិន្នផលច្រើនជាង ១០០ដង ធៀបនឹងកសិដ្ឋានធម្មតា<br /><br /></p>
<p>ដោយការបំពាក់អំពូលភ្លើងប្រហែល ១៧.០០០អំពូល បន្លែទាំងនេះ នៅតែរីកលូតលាស់ល្អ និងធានាបាននូវសុវត្ថិភាពសម្រាប់សុខភាពមនុស្សផងដែរ។ ពិសេស កសិដ្ឋាននេះ ក៏ត្រូវបាន<br />គ្របជិតដោយដំបូល ដើម្បីឱ្យចំហាយទឹកដែលត្រូវបានបញ្ចេញពីរុក្ខជាតិក្នុងកសិដ្ឋាន ត្រូវបាន<br />បន្តប្រើប្រាស់ឡើងវិញ។</p>
<p style="text-align: center;"><a class="thickbox" title="" href="/FileManager/Commons/2015/1/18/japan1-18-01-2015--13-44-17.jpg"><img src="/FileManager/Articles/mce/2015/1/18/japan1-18-01-2015--13-44-17.jpg" alt="" /></a></p>
<p style="text-align: center;">កសិដ្ឋានបែបនេះ ជួយកាត់បន្ថយទំហំផ្ទៃដី និងផ្ដល់ទិន្នផលបានលឿន<br /><br /></p>
<p>លោក Shigeharu Shimamura អគ្គនាយករបស់ក្រុមហ៊ុន ដែលជាម្ចាស់កសិដ្ឋានខាងលើ ឱ្យដឹង<br />ថា ៖ “យើងខ្ញុំជឿជាក់ថា អំពីបច្ចេកទេស យើងអាចនឹងដាំបាននូវប្រភេទរុក្ខជាតិ និងបន្លែទាំង<br />អស់ ក្នុងកសិដ្ឋាននេះ។ ប្រការដែលសំខាន់សំខាន់សេដ្ឋកិច្ច នោះគឺថា ការដាំដុះបែបនេះ ជួយ<br />ឱ្យយើងប្រមូលផលបានលឿន ដើម្បីបញ្ចេញលក់ក្នុងទីផ្សារ។ អនាគត យើងនឹងពង្រីកការដាំដុះ<br />បែបនេះបន្ថែមទៀត”។</p>
<p style="text-align: center;"><a class="thickbox" title="" href="/FileManager/Commons/2015/1/18/japan-farm-ledjpeglk-18-01-2015--13-45-47.jpg"><img src="/FileManager/Articles/mce/2015/1/18/japan-farm-ledjpeglk-18-01-2015--13-45-47.jpg" alt="" /></a></p>
<p style="text-align: center;">ថ្វីបើកសិដ្ឋាន Gotham Greens នៅក្រុង New York អាមេរិក ត្រូវបានគេបង្កើតឡើងដោយប្រើ<br />បច្ចេកទេសខ្ពស់ ប៉ុន្ដែ គេត្រូវប្រើទំហំផ្ទៃដីដ៏ធំ<br /><br /></p>
<p>បច្ចុប្បន្ន ក្រុមហ៊ុន Mirai កំពុងតែមានគម្រោងសាងសង់កសិដ្ឋានដូចគ្នានេះ នៅក្នុងក្រុង ហុងកុង<br /> ប្រទេសរុស្ស៊ី ចិន និងប្រទេសម៉ុងហ្គូល ក្នុងពេលខាងមុខ។ យោងតាមការអះអាងរបស់ម្ចាស់<br />កសិដ្ឋាន បច្ចេកទេសដាំដុះនេះ អាចផ្គត់ផ្គង់ផលិតផលគ្រប់គ្រាន់ ដល់មនុស្សលោក ប្រសិនវា<br />ត្រូវបានសាងសង់ និងដាំដុះនៅពាសពេញពិភពលោក ពិសេសគឺតំបន់ប្រឈមនឹងគ្រោះធម្មជាតិ<br /> និងតំបន់ខ្វះទឹកជាដើម៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ washingtonpost<br /><br /></p>