<p><span style="color: #000000;"><strong>(ញូដេលី)៖</strong> រដ្ឋាភិបាលនៃប្រទេសឥណ្ឌា បានប្រកាសឲ្យដឹងជាបឋមថា ចំនួនអ្នកស្លាប់ដោយសាររលកកម្ដៅខ្លាំងនៅភាគខាងត្បូងនៃប្រទេស បានកើនឡើងដល់ ១១១នាក់ ក្នុងនោះភាគច្រើនស្លាប់ដោយសារខ្សោះជាតិទឹកនៅក្នុងខ្លួន និងគាំងបេះដួង នេះបើយោងតាមការចេញផ្សាយរបស់សារព័ត៌មាន India Times ចេញផ្សាយនៅថ្ងៃទី១៨ ខែមេសា។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/4/18/06b-18-04-2016--10-53-36.jpg"><img src="/FileManager/Articles/mce/2016/4/18/06b-18-04-2016--10-53-36.jpg" alt="" /></a><br /></span></p>
<p><span style="color: #000000;">តាមការព្យាករណ៍អាកាសធាតុរបស់គេហទំព័រ Weather បានឲ្យដឹងថា រលកកម្ដៅនៅក្នុងរដ្ឋ Telangana និង Andhra Pradesh ភាគខាងត្បូងនៃប្រទេសឥណ្ឌា បានកើនឡើងដល់ ៤៥អង្សាសេ ដែលបណ្ដាលឲ្យមនុស្សនៅក្នុងរដ្ឋទាំងពីរនេះ ស្លាប់ប្រមាណជា ១១១នាក់ ហើយបើសិនជារលកកម្ដៅនេះ មិនអន់ថយនោះទេ អាចនឹងបណ្ដាលឲ្យមានមនុស្សស្លាប់បន្តទៀត។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/4/18/06c-18-04-2016--10-53-44.jpg"><img src="/FileManager/Articles/mce/2016/4/18/06c-18-04-2016--10-53-44.jpg" alt="" /></a><br /></span></p>
<p><span style="color: #000000;">អាជ្ញាធរ ក៏ដូចជារដ្ឋាភិបាលឥណ្ឌា បានចេញសេចក្ដីប្រកាសឲ្យពលរដ្ឋដែលរស់នៅតំបន់ដែលមានកម្ដៅកើនឡើង មានការប្រុងប្រយ័ត្ន ដោយទទួលទានទឹក និងងូតទឹកឲ្យបានច្រើនដង ហើយបើតាមអ្នកជំនាញបានបញ្ជាក់ថា ការឡើងកម្ដៅនេះ អាចបណ្ដាលមកពីបាតុភូតអាកាសធាតុ El Nino។</span></p>
<p><span style="color: #000000;">គួរបញ្ជាក់ផងដែរថា កាលពីឆ្នាំ២០១៥ កន្លងទៅនេះ ប្រទេសឥណ្ឌា ក៏បានជួបប្រទះនូវបាតុភូតធម្មជាតិរលកកម្ដៅខ្លាំងនេះផងដែរ ដោយបានសម្លាប់មនុស្សជាង ២,០០០នាក់៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/4/18/06a-18-04-2016--10-53-28.jpg"><img src="/FileManager/Articles/mce/2016/4/18/06a-18-04-2016--10-53-28.jpg" alt="" /></a><br /></span></p>
<p style="text-align: right;"><span style="color: #000000;">ប្រភព ៖ Indiatime</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>