<p><span style="color: #000000;">ព័ត៌មានអន្តរជាតិ ៖ ក្រុមអ្នកជម្ងឺមកពីចក្រភពអង់គ្លេស ច្រើនជាង ២០,០០០ នាក់ជារៀងរាល់ឆ្នាំ ដែល បានកើតជម្ងឺមហារីកនោះ គឺបណ្តាលមកពីពួកគេ ធាត់ជ្រុលខ្លាំងពេក ។យោងតាមការសិក្សាស្រាវជ្រាវ គូសបញ្ជាក់អោយដឹងថា ភាពធាត់ជ្រុល បានបណ្តាលអោយមានករណីកើតជម្ងឺមហារីកដល់ទៅ ៤៨១ ០០០ ករណីមកពីជុំវិញពិភពលោកជារៀងរាល់ឆ្នាំ ក្នុងនោះ រួមមាន ស្រ្តីភេទចំនួន ១៣,០៣៧ ករណី និងបុរសមានដល់ទៅ ៧,២១៧ ករណី នៅចក្រភពអង់គ្លេស ។ </span></p>
<p><span style="color: #000000;"><a class="thickbox" title="" href="/FileManager/Commons/2014/11/26/011-26-11-2014--15-57-58.jpg"><img src="/FileManager/Articles/mce/2014/11/26/011-26-11-2014--15-57-58.jpg" alt="" /></a><br /></span></p>
<p><span style="color: #000000;">ទីភ្នាក់ងារស្រាវជ្រាវមហារីកអន្តរជាតិ ឬ The International Agency for Research on Cancer បានធ្វើ ការសិក្សាស្រាវជ្រាវ និងរកទិន្នន័យបញ្ជាក់បានថា បណ្តាប្រទេស ១៨៤ ប្រទេសមកពីជុំវិញពិភពលោក ជម្ងឺមហារីក គឺមានទំនាក់ទំនងជាមួយនឹង ទម្ងន់ នៅអំឡុងឆ្នាំ ២០១២ ។ </span></p>
<p><span style="color: #000000;">World Health Organisation ឬអង្គការសុខភាពពិភពលោក កាលពីពេលកន្លង ទៅនេះ បានចេញសេច ក្តីថ្លែងការណ៍អោយដឹងថា ភាពធាត់លើសទម្ងន់ គឺជាកត្តាលិករ ជម្រុញអោយ មានជម្ងឺមហារីកដែល មិនអាចជៀសវាងបាន រួមមានដូចជា ជម្ងឺមហារីកថ្នាំជក់ មហារីកលំពែង មហារីក តម្រងនោម ក៏ដូចជា មហារីកពោះវៀនជាដើម ។</span></p>
<p><span style="color: #000000;">Tom Stansfeld អ្នកស្រាវជ្រាវខាងរោគមហារីកបញ្ជាក់អោយដឹងថា ជម្ងឺមហារីក ៤ ក្នុងចំណោមជម្ងឺម ហារីក ១០ គឺអាចការពារបាន នៅក្នុងចក្រភពអង់គ្លេស ល្គិកណាមានបំលាស់ប្តូរបែបផែននៃការរស់នៅ ដូចជា ឈប់ជក់បារី ទទួលទានសុរាតិច រក្សាតុល្យភាពទម្ងន់ និងហាត់ប្រាណ អោយបានជាទៀងទាត់ ជាដើម ។ </span></p>
<p><span style="color: #000000;">ទន្ទឹមនឹងគ្នានេះដែរ ករណីសិក្សាដាច់ដោយឡែកពីគ្នា The Lancet បង្ហាញ អោយដឹងថា ចក្រភពអង់ គ្លេសគឺដើរពីក្រោយ តំបន់អឺរ៉ុប ទាក់ទិនអាត្រាភាពរស់រានមានជីវិតនៃជម្ងឺ មហារីក ។ គួររំឮកថា ជម្ងឺម ហារីកក្រពះ ជម្ងឺមហារីកក្រពេញអូវែ និងជម្ងឺមហារីកមាត់ស្បូន មានឱកាស រ ស់រានមានជីវិតតិចតួចបំ ផុត ។ </span></p>
<p><span style="color: #000000;">ផ្អែកលើកទិន្នន័យ នៃករណីជម្ងឺមហារីក មកពី ១៨៤ ប្រទេស ពី ប្រភពដើម GLOBOCAN លោកវេជ្ជ បណ្ឌិត Dr Melina Arnold នៃ ទីភ្នាក់ងារស្រាវជ្រាវមហារីកអន្តរជាតិ ឬ The International Agency for Research on Cancer (IARC) ប៉ាន់ប្រមាណអោយដឹងក្នុងកំឡុងឆ្នាំ ២០១២ អោយដឹងថា ជម្ងឺមហារីក គឺពិតជាមានការប្រាស្រ័យទាក់ទងកើតចេញពី ភាពធាត់លើសទម្ងន់ជ្រុល ។ </span></p>
<p><span style="color: #000000;">បើយោងតាមអង្គការសុខភាពពិភពលោកអោយដឹងថា ភាពធាត់លើសទម្ងន់ គឺជា ពិជឃាតទីពីរបន្ទាប់ ពីថ្នាំជក់ ដែលបណ្តាលអោយកើតមានជម្ងឺមហារីក ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ ដឹមីរ័រ</span></p>