<p><span style="color: #000000;"><strong>(កំពង់ស្ពឺ)៖</strong> លោកឧត្តមសេនីយ៍ត្រី សម សាមួន ស្នងការនគរបាលខេត្តកំពង់ស្ពឺ បានបញ្ជាក់នៅថ្ងៃទី២៩ ខែមករា ឆ្នាំ២០១៧ថា ជនដែលប្រើសម្តីមើលងាយ មកសមត្ថកិច្ចនៅស្រុកគងពិសី ក្នុងករណីបើកសង្វៀនជល់មាន់ខុសច្បាប់ ត្រូវបាននាយឧត្តមសេនីយ៍ នេត សាវឿន អគ្គស្នងការនគរបាល បញ្ជាទៅស្នងការនគរបាល រាជធានីភ្នំពេញ ឲ្យដកបញ្ឈរជើងហើយ។</span></p>
<p><span style="color: #000000;">លោកស្នងការបានលើកឡើងទៀតថា ក្នុងករណីចាប់ល្បែងជល់មាន់នោះដែរ ស្នងការដ្ឋាននគរបាលខេត្តកំពង់ស្ពឺ និងលោកព្រៈរាជ្ញា កែវ សុធា នឹងកោះបញ្ជាឲ្យចូលខ្លួនមនុស្ស ៥នាក់ផ្សេង ដែលជាប់ពាក់ពន្ធ័រឿងនេះ។</span></p>
<p><span style="color: #000000;">សូមជម្រាបថា ករណីបង្ក្រាបសង្វៀនជល់មាន់ ក្នុងភូមិក្រសាំងជីមែ ឃុំវាល ស្រុកគងពិសី នាពេលកន្លងទៅថ្មីៗនេះ ពីសំណាក់មន្ត្រីនគរបាល ស្រុកគងពិសី ឃាត់បានម៉ូតូ៩គ្រឿង មាន់ជល់៤ក្បាល និងសម្ភារជាច្រើនទៀត។</span></p>
<p><span style="color: #000000;">ក្នុងពេលដែលបង្ក្រាបនោះ មានការប្រឈមមុខដាក់គ្នា រវាងសមត្ថកិច្ច និងម្ចាស់សង្វៀន ព្រោះអ្នកបើកកន្លែងខាងលើអះអាងថា ខ្លួនក៏ជាមន្ត្រីនគរបាល ព្រហ្មទណ្ឌក្រុងភ្នំពេញ ហើយការបង្ក្រាបស្ទើរផ្ទុះអាវុធទៀតផង។</span></p>
<p><span style="color: #000000;">អ្នកបើកសង្វៀនមាន់នោះ ត្រូវបានគេស្គាល់ថា ជាស្ត្រីម្នាក់ ឈ្មោះ ចាន់ ណារ៉ា ភេទស្រី រស់នៅខណ្ឌចំការមន ក្រុងភ្នំពេញ និងបុរសអ្នកកាងជាប៉ូលិសក្រុងភ្នំពេញ ដែលអះអាងថា ឈ្មោះ ខេង សុខា៕</span></p>
<p><span style="color: #000000;"><img src="http://image.freshnewsasia.com/2017/006/01/fn-2017-01-29-15-24-59-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/006/01/fn-2017-01-29-15-27-24-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>