<p><span style="color: #000000;"><strong>ភ្នំពេញ៖</strong> ទស្សនិកជននៅចាំបានថា កាលពីដើមឆ្នាំ២០១៥នេះ ធ្លាប់មាន ព័ត៌មានលេចឮ ជាសាធារណៈថាបុរសសម្បូរ ទ្រព្យស្ដុកស្ដម្ភ និង ជាមហាសេដ្ឋីស្រុកខ្មែរ អ្នកឧកញ៉ា គិត ម៉េង ត្រៀមខ្លួនចូលរោងការ ជាមួយភរិយារូបស្រស់ អតីត តារាសម្តែងល្បី ឈ្មោះ អ្នកនាង ម៉ៅ ចំណាន ហៅ ស្រីតូច ចំណាន ប៉ុន្តែរឿងគ្រប់យ៉ាង បានស្ងប់ស្ងាត់ ខណៈមង្គលការ របស់អភិជនទាំងពីរនេះ គ្មានទាល់តែសោះ ។</span></p>
<p><span style="color: #000000;">តែថ្មីៗនេះស្រាប់តែលេចឮ ព័ត៌មានច្បាស់ការថ្មីថា គូស្នេហ៍មួយគូនេះ កំពុងតែត្រៀមខ្លួន ធ្វើជាកូនក្រមុំ កូនកំលោះដឹក ដៃគ្នាចូលរោងការតាមប្រពៃណី នៅពេលឆាប់ៗខាងមុខនេះ ដោយគ្រោងចាយលុយប្រមាណ១លានដុល្លារ ដើម្បីរៀប ចំ ។</span></p>
<p><span style="color: #000000;">នៅក្នុងពេលឆាប់ៗខាងមុខនេះ នឹងមានពិធីមង្គលការលំដាប់ មហាសេដ្ឋី គឺអ្នកឧកញ៉ា គិត ម៉េង និង អ្នកនាង ស្រីតូច ចំណាន ដែលពិធីមង្គលការនេះនឹងប្រារព្ធទៅនៅថ្ងៃទី២០ ខែមីនា ខាងមុខនេះដោយលោកឧកញ៉ារៀបចំពិធីជប់លៀង ពេលល្ងាច នៅមជ្ឈមណ្ឌលសន្និបាត និងពិព័រណ៍កោះពេជ្រ ចំនួន៥អាគារជាប់គ្នា ( L,k,J,I,H) ហើយមង្គលការនេះ មានវត្តមានភ្ញៀវកិត្តិយស អ្នកមុខអ្នកការរាប់ពាន់នាក់ អញ្ជើញចូលរួមអបអរសាទរ ថ្ងៃមង្គលការជូនពរជ័យដល់គូស្វាមី ភរិយាមួយគូនេះក្នុងនោះក៏មានថ្នាក់ដឹកនាំកំពូលៗ របស់រាជរដ្ឋាភិបាលអញ្ជើញជាកិត្តិយសចូលរួមដ៏ខ្ពង់ខ្ពស់ផងដែរ។</span></p>
<p><span style="color: #000000;">ប្រភពព័ត៌មានពីមន្រ្តីធំៗមួយចំនួន បានបង្ហើបថា បើតាមគម្រោងមង្គលការ ត្រៀមរៀបចំឡើងយ៉ាងល្អប្រណិតបំផុត ចាយលុយមិនក្រោម លានដុល្លារនោះទេ ហើយសូម្បីតែឈុតកូនក្រមុំ ក៏មានការច្នៃម៉ូដពីជាង លំដាប់អន្តរជាតិក្នុង តម្លៃប្រមាណ១០ម៉ឺនដុល្លារ ។ មង្គលការរបស់អ្នកឧកញ៉ា គិតម៉េង នេះ ត្រូវបានមហាជន ទស្សនិកជនចាត់ទុកថា ជាមង្គលការដែលអធឹកអធ័ម និងចំណាយច្រើនជាងគេ ក្នុងចំណោមមង្គលការអ្នកធំ នៅស្រុកខ្មែរ ៕ </span></p>
<p><span style="color: #000000;"><a class="thickbox" title="" href="/FileManager/Commons/2015/3/5/50-05-03-2015--09-56-53.jpg"><img src="/FileManager/Articles/mce/2015/3/5/50-05-03-2015--09-56-53.jpg" alt="" /></a></span></p>
<p><a class="thickbox" title="" href="/FileManager/Commons/2015/3/5/51-05-03-2015--09-57-01.jpg"><img src="/FileManager/Articles/mce/2015/3/5/51-05-03-2015--09-57-01.jpg" alt="" /></a></p>
<p><a class="thickbox" title="" href="/FileManager/Commons/2015/3/5/52-05-03-2015--09-57-07.jpg"><img src="/FileManager/Articles/mce/2015/3/5/52-05-03-2015--09-57-07.jpg" alt="" /></a></p>
<p><a class="thickbox" title="" href="/FileManager/Commons/2015/3/5/53-05-03-2015--09-57-16.jpg"><img src="/FileManager/Articles/mce/2015/3/5/53-05-03-2015--09-57-16.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>