<div class="article-content">
<p><strong>កំពង់ចាមៈ</strong> មេធាវីចៅអធិការវត្តប៉ើស២ លោក សុក ជា បានប្រាប់អ្នកកាសែត កាលពីថ្ងៃទី២៥ <br />ខែកញ្ញា នៅសណ្ឋាគារភ្នំប្រុស ខេត្តកំពង់ចាមថា លោកសូមសំណូមពរដល់សម្តេច ហ៊ុន សែន<br /> និងស្ថាប័នតុលាការ ខេត្តកំពង់ចាម សូមធ្វើការស្រាវជ្រាវឡើងវិញ ដើម្បីវែកមុខជនអាក្រក់ <br />ដែលនៅពីក្រោយខ្នងការប្រឌិតរឿង ដោយបានចោទប្រកាន់ ព្រះចៅអធិការវត្តប៉ើស២ ព្រះនាម<br /> ស្រូយ គឹមហ៊ង ថា បានធ្វើឲ្យនេនម្នាក់ ស្លាប់ កាលពីថ្ងៃទី១៣ ខែមេសា ឆ្នាំ២០១២ ។ ដែល<br />ប្រការនេះ ធ្វើឲ្យចៅអធិការវត្ត បាត់បង់កិត្តិយស យ៉ាងធ្ងន់ធ្ងរ នៅក្នុងវិស័យ ព្រះពុទ្ធសាសនា<br />របស់រដ្ឋ ។</p>
<p>តាមឯកសារ របស់អ្នកការពារក្តី ចៅអធិការវត្តប៉ើស២បានឲ្យដឹងថា ចៅអធិការវត្ត ព្រះនាម<br />ស្រូយ គឹមហ៊ង បានស្គាល់ និងរាប់អានជាមួយលោក ខៃ ជីម (បច្ចុប្បន្នជាមន្ត្រីយោធានៅ<br />ក្រុងប៉ោយប៉ែត) ហើយលោក ខៃ ជីម បានយកកូនប្រុស ឈ្មោះ ម៉ាន់ សុខហេង មកបួស<br />ជាសាមណេ ទទួលការអប់រំតាំងពីឆ្នាំ២០១០រហូត មកដល់ឆ្នាំ២០១២កំឡុងខែឧសភា សាម<br />ណេ ម៉ាន់ សុខហេង បានដោះស្បង់ចីវរ រត់ចេញពីវត្ត ថែមទាំង យកកង់ក្មេងស្នាក់នៅក្នុងវត្ត<br /> ជិះយកទៅបាត់ទៅ ។</p>
<p>ឯកសារដដែលបានឲ្យដឹងទៀតថា មកដល់បច្ចុប្បន្ន ត្រូវបានមនុស្សមួយក្រុម បានប្រឌិត<br />រឿងឡើងដោយ និយាយថា សាមណេ ម៉ាន់ សុខហេង ត្រូវបានព្រះសង្ឃព្រះនាម ស្រូយ<br /> គឹមហ៊ង វាយសម្លាប់កាលពីថ្ងៃ ទី១៣ ខែមេសា ឆ្នាំ២០១២ ហើយបានប្រើឈ្មោះ បាន ប៊ុនរី<br /> ភេទស្រី និងឈ្មោះ យាន លាង ទៅជួល រថយន្តពេទ្យដឹកទៅមន្ទីរពេទ្យខេត្តកំពង់ចាម ។ <br />ក្រោយមកឈ្មោះ តាំង ឡូញ ជាអ្នកបើកបររថយន្តពេទ្យ</p>
<p>និងឈ្មោះ ហុង ប៊ូផេង ជាបុគ្គលិកពេទ្យ បានចូលមកអះអាងថា បានដឹកលោកសង្ឃ មក<br />មន្ទីរពេទ្យខេត្ត កំពង់ចាម ហើយបានចុះឈ្មោះ នៅក្នុងបញ្ជីរបស់មន្ទីរពេទ្យខេត្តកំពង់ចាម។<br /> ប៉ុន្តែ នៅក្នុងលិខិតបំភ្លឺរបស់ ប្រធានមន្ទីរសុខាភិបាលខេត្តកំពង់ចាម បានបញ្ជាក់ថា មិន<br />មានឈ្មោះ ម៉ាន់ សុខហេងនោះទេ ។ ហើយ នៅមានសាក្សីបំភ្លឺ រួមជាមួយវត្ថុតាងជាច្រើន<br />បានបញ្ជាក់យ៉ាងច្បាស់ថា ឈ្មោះ សុខហេង មិនត្រូវបាន ឈ្មោះ ស្រូយ គឹមហ៊ង វាយឲ្យ<br />ស្លាប់នោះទេ គឺគ្រាន់តែជាហេតុការណ៍បាត់ខ្លួនតែប៉ុណ្ណោះ ។ ដោយឡែក ចំពោះវត្ថុតាង<br />ដាក់បន្ទុកសំខាន់នោះ គឺគ្មានទាល់តែសោះ ។</p>
<p>ជាក់ស្តែង ឈ្មោះបាន ប៊ុនរី និងឈ្មោះយាន លាង បានឆ្លើយថា ព្រះចៅអធិការព្រះនាម <br />ស្រូយ គឹមហ៊ង បានវាយនេន ហេង ឲ្យរបួសធ្ងន់រហូតដល់ ស្លាប់ ក៏ប៉ុន្តែបុគ្គលទាំងពីរនាក់<br />នេះ ពុំបានបញ្ជាក់ឲ្យច្បាស់ថា ខ្លួនបានឃើញសកម្មភាព នៃការវាយដំផ្ទាល់ នឹងភ្នែកនោះ<br />ទេ ។ ម្យ៉ាងទៀត រាល់ចម្លើយដែលគាត់បានឆ្លើយទាំងអស់ តាំងពីតំណាក់កាលមន្ត្រីនគរ<br />បាលយុត្តិធម៌ រហូតដល់លោកចៅក្រម ស៊ើបសួរពុំមានការស៊ីសង្វាក់ និងច្បាស់លាស់<br />ដែលអាចយកជា ការ និងជឿជាក់បានថា មានអង្គហេតុនៃការវាយដំនោះឡើយ ។</p>
<p>បន្ទាប់ពីមានការស៊ើបអង្កេត របស់ស្ថាប័នមានសមត្ថកិច្ច ក្នុងរឿងក្តីនេះ អស់រយៈពេលជាង<br /> ១ឆ្នាំមក រហូតដល់ថ្ងៃទី២៤ ខែកញ្ញា ឆ្នាំ២០១៣ ឈ្មោះ ម៉ាន់ សុខហេង ត្រូវបានបង្ហាញមុខ<br /> នៅស្នងការដ្ឋាននគរបាលខេត្តកំពង់ចាម ដោយសមត្ថកិច្ចបានឲ្យដឹងថា សុខហេង ត្រូវបាន<br />រកឃើញនៅខេត្តសៀមរាប ហើយឪពុកឈ្មោះ ម៉ាន់ សុខហេង ក៏បានទទួលស្គាល់ថា កូន<br />របស់ខ្លួនដែរ ។ ដូច្នេះ រឿងដែលចោទប្រកាន់ ព្រះចៅ អធិការ ព្រះនាម ស្រូយ គឹមហ៊ង <br />នោះ វាជារឿងប្រឌិតឡើង ហើយក្នុងការសួរចម្លើយរបស់ស្ថាប័នតុលា ការខេត្តកំពង់ចាម <br />ហាក់លំបាករកចម្លើយពិត ព្រោះចម្លើយជនដែលជាប់ពាក់ព័ន្ធ មានការប្រែប្រួលច្រើន ។ <br />ជាក់ស្តែងរឿងនេះក្នុងសវនាការ នៅសាលាដំបូងខេត្តកំពង់ចាម កាលពីរសៀលថ្ងៃទី២៥ <br />ខែកញ្ញា ឆ្នាំ ២០១៣ ចម្លើយរបស់អ្នកពាក់ព័ន្ធ មានការប្រែប្រួល ហើយសវនាការក្តីនេះ<br /> ត្រូវលើកទៅថ្ងៃក្រោយ។</p>
<p>ទាក់ទិនទៅនឹងករណីខាងលើ លោក សុក ជា មេធាវីការពារក្តីព្រះចៅអធិការ ស្រូយ <br />គឹមហ៊ង បានប្រាប់អ្នកកាសែតថា បន្ទាប់ពីដឹងយ៉ាងច្បាស់ថា មានការប្រឌិតរឿងនេះឡើង <br />បង្កាច់បង្ខូចកេរ្តិ៍ឈ្មោះ ចៅអធិការវត្តប៉ើស២ លោកសំណូមឲ្យតុលាការខេត្តកំពង់ចាម <br />ធ្វើការស្រាវជ្រាវ និងស៊ើបអង្កេតរកឲ្យឃើញអ្នកដែលបង្កើតរឿងនេះ ពិសេស លោកសូម<br />សំណូមពរដល់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជា ណាចក្រកម្ពុជា សូម<br />ជួយរកយុត្តិធម៌ ជូនព្រះចៅអធិការ ស្រូយ គឹមហ៊ង ផង ព្រោះក្រោយពីមានក្តីក្តាំមិនទាន់<br />ស្រាវជ្រាវ រកការពិតឃើញផង មានសម្តេចព្រះឧត្តមវង្សា មួង រ៉ា លេខាធិការថេរសភា <br />នៃព្រះពុទ្ធសានា បានចុះស៊ើបអង្កេតបានកន្លះថ្ងៃ ហើយមិនបានប្រជុំអង្គថេរសភាទេ គឺព្រះអង្គសម្រេចតែអង្គឯងយកទៅថ្វាយសម្តេចសង្ឃទេព វង្ស ឡាយព្រះហស្ថលេខាចុះ<br />មកផ្សឹកព្រះចៅអធិការ ស្រូយ គឹមហ៊ងតែម្តង ។</p>
<p>លោកមេធាវី សុក ជា បានបន្តថា នោះជាទង្វើផ្ទុយនឹងអនុក្រិត និងមិនស្តាប់តាមគោល<br />ការណ៍របស់ ក្រសួងធម្មការ និងសាសនា ។ ជាមួយគ្នានេះ លោកមេធាវី សំណូមពរដល់<br />គណៈសង្ឃនាយកទាំង៤អង្គ មានសម្តេច នួន ង៉ែត សម្តេច ឡោះ ឡាយ សម្តេច ឱ លឹម<br />ហេង និងសម្តេច ណយ ច្រឹក មានវិធានការ ចំពោះសម្តេច មួង រ៉ា ដោយវិធីណា បើសម្តេច <br />មួង រ៉ា ធ្វើបំពានច្បាប់ដូច្នេះ ។ លោក មេធាវី បានឲ្យដឹង ទៀតថា ការផ្សឹកពិតណាស់ បើ<br />សិនជារកឃើញមានកំហុសពិតប្រាកដ សម្តេច មួង រ៉ា អាចផ្សឹកមួយថ្ងៃ ប៉ុន្មានអង្គក៏បាន<br />ដែរ ប៉ុន្តែ ករណីព្រះចៅអធិការ ស្រូយ គឹមហ៊ង មិនទាន់រកកំហុសឃើញផង ហេតុអ្វីក៏ <br />សម្តេច មួង រ៉ា ប្រញាប់ប្រញាល់ផ្សឹកម៉្លេះ ។ ហើយក្នុងរឿងនេះ លោកមេធាវី បានប្រកាស<br />ប្រាប់អ្នក កាសែតថា លោកសូមប្តឹង សម្តេច មួង រ៉ា ពីបទធ្វើការបំពានច្បាប់ ជូនទៅគណៈ<br />សង្ឃនាយក ដើម្បីមាន វិធានការតាមផ្លូវច្បាប់ និងជាពិសេស សូមប្តឹងទៅសម្តេច ហ៊ុន <br />សែន សូមមេត្តាស្រាវជ្រាវរឿង នេះឡើង វិញទាំងផ្លូវពុទ្ធចក្រ និងអាណាចក្រ ដើម្បីរក<br />យុត្តិធម៌ជូនព្រះចៅអធិការ ស្រូយ គឹមហ៊ង វិញ ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0995.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0996.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>