<p><span style="color: #000000;">ព័ត៌មានអន្តរជាតិ ៖ ហោចណាស់ មនុស្ស ១៤៧ នាក់ ភាគច្រើនគឺជាសិស្ស និស្សិតនោះ ត្រូវបានសម្លាប់ ដោយការវាយប្រហារឃោរឃៅបំផុត ពីសំណាក់ក្រុមសកម្មប្រយុទ្ធ al-Shabab ទៅ លើ សំណង់អាគារ សកលវិទ្យាល័យ នាភាគខាងជើង ឆៀងខាងកើត ប្រទេស កេនយ៉ា ។ </span></p>
<p><span style="color: #000000;"><a class="thickbox" title="" href="/FileManager/Commons/2015/4/3/50-03-04-2015--13-47-28.jpg"><img src="/FileManager/Articles/mce/2015/4/3/50-03-04-2015--13-47-28.jpg" alt="" /></a><br /></span></p>
<p><span style="color: #000000;">ក្រុមសកម្មប្រយុទ្ធដៃប្រដាប់ដោយសព្វាវុធនោះ បានសម្រុកចូល សំណង់អាគារសកវិទ្យាល័យ Garissa នាព្រឹកព្រលឹម ថ្ងៃព្រហស្បត្តិ៍ ដោយបានសម្លាប់ មន្រ្តីសន្តិសុខ ២ រូប រួចបន្តធ្វើ ការវាយប្រហារ បាញ់រះ គ្រាប់ពិតទៅលើក្រុមសិស្ស និស្សិតតែម្តង ។ បុរសខ្មាន់កាំភ្លើង ៤ រូប បានឈរហ៊ុមព័ន្ធ ទីកន្លែងស្នាក់ អា ស្រ័យរបស់សិស្សនិស្សិត ហើយពួកគេក្រោយមកបានស្លាប់ បន្ទាប់ពីបំផ្ទុះអាវផ្ទុក ដោយគ្រាប់បែករបស់ ខ្លួន ។ សេចក្តីរាយការណ៍ បញ្ជាក់អោយដឹងថា នេះពុំមែនជាការវាយប្រហារ អាក្រក់ បំផុត របស់ក្រុមស កម្មប្រយុទ្ធខាងលើនោះទេ តួយ៉ាង នៅមានការវាយប្រហារ ដ៏អាក្រក់ និង សាហាវ ជាងនេះទៅទៀត ។ </span></p>
<p><span style="color: #000000;"><a class="thickbox" title="" href="/FileManager/Commons/2015/4/3/51-03-04-2015--13-47-38.jpg"><img src="/FileManager/Articles/mce/2015/4/3/51-03-04-2015--13-47-38.jpg" alt="" /></a><br /></span></p>
<p><span style="color: #000000;">សាក្សីបញ្ជាក់អោយដឹងថា ក្រុមសកម្មប្រយុទ្ធ បាន ជ្រើសយក សិស្សនិស្សិត សាសនា គ្រឹស្តិ រួចបាញ់ សម្លាប់ពួកគេចោលតែម្តង ។ ច្រើនជាង ៥០០ នាក់ នៃ ក្រុមសិស្ស និស្សិត បានរត់គេចខ្លួន ខណៈ ៧៩ នាក់ បានទទួលរងរបួសធ្ងន់ ស្រាល ។ ខ្មាន់កាំភ្លើង ទី ៥ សេច ក្តីរាយការណ៍ បញ្ជាក់បានថា បានចាប់ ឃាត់ខ្លួនបានហើយ ។ </span></p>
<p><span style="color: #000000;">និស្សិតម្នាក់ឈ្មោះ Eric Wekesa ផ្តល់ជាកិច្ចសម្ភាសន៍ ដល់សា រ ព័ត៌មាន Reuters អោយដឹងថា លោក បានចាក់សោរបង្ខាំងទុកខ្លួនឯង រត់ពួននៅក្នុងបន្ទប់របស់លោក មុន នឹងសម្រេចចិត្តធ្វើការរត់ភៀសខ្លូន ហើយអ្វីដែលខ្ញុំបាទ បានលឺពីការប្តេជ្ញារបស់ពួកគេនោះគឺ ៖ ពួក យើង មកទីនេះ គឺដើម្បីសម្លាប់ ទោះជា យ៉ាងណា ចុងបញ្ជប់ត្រូវតែសម្លាប់ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/4/3/52-03-04-2015--13-47-45.jpg"><img src="/FileManager/Articles/mce/2015/4/3/52-03-04-2015--13-47-45.jpg" alt="" /></a><br /></span></p>
<p><span style="color: #000000;">ជាការពិត វាពិតជារន្ធត់ខ្លាំងណាស់ ខណៈមានការបាញ់រះគ្រប់ទីកន្លែងទាំងអស់ នេះបើយោងតាម សម្តី និស្សិតម្នាក់ទៀត ឈ្មោះ Augustine Alanga ស្រាយបំភ្លឺដល់ទំព័រ ប៊ីប៊ីស៊ី ។ លោក បន្តអោយដឹងថា ៖ វា ពិតជាមានបញ្ហាប្រឈមហើយ ខណៈ សំណង់អាគារ សកលវិទ្យាល័យទាំង មូល មានឆ្មាំសន្តិសុខ ត្រឹម តែ ២ នាក់តែប៉ុណ្ណោះ ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី </span></p>