<p>ទួល ផ្ដាច់ព្រលឹងនេះ ស្ថិតនៅក្នុងភូមិឈើខ្មៅ ឃុំឈើខ្មៅ ស្រុកកោះធំ ខេត្ដកណ្ដាល ដែលមាន<br />ទីតាំងជាប់ផ្លូវរទេះ។ តាមសម្ដីអ្នកស្រុកក្នុងភូមិម្តុំនេះ បានឱ្យដឹងថា តាំងពីដើមរៀងមក គេយក<br />ទីទួលព្រៃនេះ សម្រាប់កប់ខ្មោច ម្ល៉ោះហើយ មិនសូវ មាននរណាហ៊ានដើរកាត់ ទីនោះទេ លុះ<br />ត្រាតែមានគ្នាច្រើន។ ទួលកប់ខ្មោចនេះមានចម្ងាយប្រហែល៣០០ម៉ែត្រពីភូមិ។ អ្នកភូមិទីនោះ<br />តែងបន្លាចតៗគ្នាថា ទីនេះមានខ្មោចលង សាហាវបំផុត។ បើអ្នកណាត្រូវខ្មោចព្រៃនោះលង<br />ហើយ កម្រមានសំណាងបានរស់រានមានជីវិតណាស់។ <br /> <a class="thickbox" title="" href="/FileManager/Commons/2012/6/7/marenanews8327-07-06-2012--11-33-46.jpg"><img style="display: block; margin-left: auto; margin-right: auto;" src="/FileManager/Articles/mce/2012/6/7/marenanews8327-07-06-2012--11-33-46.jpg" alt="" /></a><br /> កាលពីចុងឆ្នាំ២០០៧ កន្លងទៅ មានបុរសម្នាក់ត្រូវខ្មោចលង សណ្ដំព្រលឹង នាំផ្លូវទៅកាន់ទីនោះ<br /> រួចក៏បាត់បង់ជីវិតទៅ។ កាលពីពីរឆ្នាំកន្លងទៅនេះ មានបុរសម្នាក់ឈ្មោះវុន អាយុ ២៧ឆ្នាំ ស្ពាយ<br />បាយមួយបង្វេច ដើរសំដៅទីស្រែរបស់ខ្លួន ដែលនៅខាងកើតភូមិ ដោយកាត់តាមផ្លូវព្រៃខ្មោច <br />ស្រាប់តែត្រូវខ្មោចលងសន្ធប់ នាំយកទៅលើទីទួលនោះ ច្រៀងរាំតែម្នាក់ឯងតាំងពីព្រឹកទល់ល្ងាច<br /> ទាល់តែបងប្អូនញាតិមិត្ត លើកគ្នាទៅតាមអូសដៃ អូសជើងទើបដឹងខ្លួន។ ប៉ុន្តែ លុះមកដល់ផ្ទះ <br />ក៏ក្ដៅខ្លួន សន្លប់បាត់ស្មារតី បានតែ២ម៉ោងប៉ុណ្ណោះ ក៏ដាច់ខ្យល់ស្លាប់ចោលប្រពន្ធកូនទៅ។ <br />លោកយាយ ហូ ឌឿន ជាអ្នកស្រុកទីនោះ បានបញ្ជាក់ថា មុនពេលស្លាប់ បុរសឈ្មោះ វុន នោះ<br />ប្រាប់បងប្អូនថា គេដើរទៅស្រែ លុះមកដល់ព្រៃខ្មោច ក៏មានអ្វីមកសន្ធប់ នាំដើរទៅតាមផ្លូវមួយ<br /> ឃើញសុទ្ធតែមនុស្សយ៉ាងច្រើនកុះករ ហើយក៏ឃើញអ្នកដែលស្លាប់ពីមុនៗ រស់វិញមកបបួលគេ<br />ស៊ីផឹក។ គ្រាន់តែនិយាយចប់ បុរសឈ្មោះ វុន នោះក៏ដាច់ខ្យល់ស្លាប់ ដោយគ្មានរោគសញ្ញាអ្វី ធំដុំ<br />សោះ។ ជាមួយគ្នានេះដែរ លោកតា ណេង ផាន អាយុ៦២ឆ្នាំ ជាព្រឹទ្ធាចារ្យប្រចាំភូមិ បានឱ្យដឹង<br />ថាខ្មោចនៅទួលព្រៃផ្ដាច់ព្រលឹងនេះ តែងកាឡាខ្លួនធ្វើជាមនុស្ស ជួនកាលវានិម្មិតទីព្រៃ ឱ្យក្លាយ<br />ជាភូមិឋាន មានបុណ្យទាន ជប់លៀងស៊ីផឹក រាំច្រៀង ហើយក៏មានអសុរកាយ ចាំរាំងផ្លូវ សណ្ដំ<br />ព្រលឹងមនុស្ស ដែលមានក្រយៅខ្មោចលង យកទៅធ្វើជាបរិវាស្ដេចខ្មោច។ លោកតាអះអាង ថា<br /> រូបគាត់ធ្លាប់ត្រូវខ្មោច នៅ ទួលផ្ដាច់ព្រលឹងនេះ លងមួយដងជាពីរដងដែរ ប៉ុន្តែគាត់ជាមនុស្សធ្លាប់<br />បានបួសរៀន ចេះបាលីដេញខ្មោច សូត្រឱ្យខ្មោចខ្លាច ទើបគាត់អាចឈានជើងដើរ ចេញពីភព<br />កាឡៃ បំភ័ណ្ឌនេះ ទាំងព្រឺក្បាលប៉ុនល្អី។ ពូ ម្នាក់ទៀតឈ្មោះ សន គី អាយុ៤៩ឆ្នាំ បាននិយាយថា<br /> អ្នកភូមិដាក់ឈ្មោះ ទួលផ្តាច់ព្រលឹង តាំងឆ្នាំ១៩៧៩ម្ល៉េះ ដើមឡើយទួលកប់ខ្មោចនេះ មិនមានខ្មោច<br />លង ដូចសព្វថ្ងៃនេះទេ ប៉ុន្តែដោយសារមានមនុស្សខ្លះដែលស្លាប់ដោយប្រការឆក់ប្លន់គេ ហើយពុំ<br />មានសាច់ញាតិ ធ្វើបុណ្យបញ្ជូនកុសល ក៏ក្លាយទៅជាខ្មោចលងដ៏សាហាវៗ ទើបទីទួលនេះក្លាយ <br />ទៅជាទួលលំនៅនៃវិញ្ញាណអសុរកាយដូច្នេះ។ ខាងលើនេះ ជាសម្ដីរបស់អ្នកភូមិឈើខ្មៅ គ្រប់ៗ<br />គ្នា។ <br /> ពាក្យចាស់ផ្តាំថា ឮ១០០ដង មិនមានតម្លៃស្មើនឹងឃើញត្រឹមមួយដង ដូច្នេះ សូមមិត្ដអ្នកអាន<br />ពិចារណាតាមទស្សនៈ រៀងៗខ្លួន ហើយធ្វើការពិនិត្យស្រាវជ្រាវ ដោយផ្ទាល់ចុះ។</p>
<p style="text-align: right;">ប្រភព៖ world-ghosts blogspot</p>