<p><span style="color: #000000;"><strong>(តួគី)៖</strong> ក្រសួងមហាផ្ទៃប្រទេសតួកគី បានធ្វើសេចក្តីប្រកាសហាម មិនឲ្យមានការរៀប អាពាហ៍ពិពាហ៍ ដែលធ្វើឡើងនៅ ខាងក្រៅទៀតឡើយ ក្នុងគោលបំណងធានាសុវត្ថិភាព បន្ទាប់់ពីកើតមានព្រឹត្តិការណ៍បំផ្ទុះគ្រាប់បែកមួយ ដោយពួក ISIS ដែលបានឆក់យកជិវិតមនុស្ស ប្រមាណ ៥៦នាក់ នៅក្នុងពិធីរៀបអាពាហ៍ពិពាហ៍ នៅភាគខាងត្បូង ខេត្ត Gaziantep។ នេះបើតាមការចេញផ្សាយដោយ ទីភ្នាក់ងារព័ត៌មានចិនស៊ិនហួរ នៅវេលាព្រឹកថៃ្ងសៅរ៍ ទី០៣ ខែកញ្ញា ឆ្នាំ២០១៦។</span></p>
<p><span style="color: #000000;">សារព័ត៌មានក្នុងស្រុកបានប្រាប់ឲ្យដឹងថា វិធានការសន្តិសុខសុវត្ថិភាពថ្មីនេះ គឺហាមមិនឲ្យមាន ពីធីរៀបការ ឬពិធីភ្ជាប់ពាក្យណា ដែលធ្វើឡើងនៅទីវាលឡើយ ទូទាំងផ្ទៃប្រទេសតួកគី។ ផ្ទុយទៅវិញបើអ្នកណានៅតែ មានបំណងចង់រៀបអាពាហ៍ពិពាហ៍នៅខាងក្រៅទៀត ត្រូវជូនដំណឹង ឲ្យអាជ្ញាធរបានជ្រាបជាមុន ដើម្បីធ្វើការប្រុងប្រយ័ត្ន ហើយជនណាដែលមិន គោរពតាមវិធានការថ្មីនេះ នឹងត្រូវទទួលការពិន័យក្រោមបទល្មើសមជ្ឈិម។</span></p>
<p><span style="color: #000000;">គួរបញ្ជាក់ផងដែរថា កាលពីថ្ងៃទី២០ ខែសីហាកន្លងទៅនេះ មានការបំផ្ទុះគ្រាប់បែក ដែលធ្វើឡើងនៅពីធីការមួយនៅខេត្ត Gaziantep ភាគខាងត្បូងប្រទេសតួកគី ដោយបានឆក់យក ជិវិតមនុស្សយ៉ាងហោចណាស់៥៦នាក់ ក្នុងនោះមានក្មេង៣៤នាក់ និងជិត ២០០នាក់ ផ្សេងទៀតរងរបួស៕</span></p>
<p><br /><span style="color: #000000;"><a class="thickbox" title="" href="/FileManager/Commons/2016/9/4/02e-04-09-2016--14-26-02.jpg"><span style="color: #000000;"><img src="/FileManager/Articles/mce/2016/9/4/02e-04-09-2016--14-26-02.jpg" alt="" /></span></a></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>