<p><span style="color: #000000;">ព័ត៌មានកីឡា៖ លោក Jose Mourinho ដែលជាងថ្នាក់ដឹកនាំក្លឹប Chelsea បានអះអាងប្រាប់អ្នកសារព័ត៌មានថា មនុស្សជាច្រើនសប្បាយចិត្ដនឹងមើលឃើញការបរាជ័យរបស់គាត់ ក្រោយពីត្រូវ Everton ផ្ដួលកាលពីថ្ងៃសៅរ៍ ក្នុងលទ្ធផល ពិន្ទុ ៣-១ ក្នុងពហុកីឡរដ្ឋាន Goodison Park ។ </span></p>
<p><span style="color: #000000;">ក្លឹប Everton កាលពីយប់ថ្ងៃសៅរ៍ បានលត់ Chelsea យ៉ាងចាស់ដៃក្នុងទឹកដីរបស់ខ្លួន ក្រោមលទ្ធផលពិន្ទុ ៣-១ ដោយកីឡាករ Steven Naismith ជាអ្នកស្វែងរកគ្រាប់បាល់ hat-trick ចំនួន ៣គ្រាប់ម្នាក់ឯង។ Everton បានទម្លាក់ Chelsea ឲ្យធ្លាក់មកស្ទើរតែបាតតាង ជាមួយនឹងការចាប់ផ្ដើម រដូវកាល Premier League យ៉ាងរដេបរដុប។ Chelsea បន្ទាប់ពីចាញ់ Everton នឹងត្រូវប្រឈមមុនជាមួយក្លឹប Maccabi Tel Aviv របស់ប្រទេស អ៊ីស្រ្ដាអែល នៅថ្ងៃពុធខាងមុខនេះ ក្នុងព្រឹត្ដិការណ៍ Champions League ដោយទទួចទាំងសង្ឃឹមទុកមុនថា នឹងអាចដណ្ដើមបានជោគជ័យ ស្រងមុខមាត់ឡើងវិញ។ </span></p>
<p><span style="color: #000000;">លោក Jose Mourinho បានថ្លែងប្រាប់អ្នកសារព័ត៌មាន BBC ថា គាត់បានដឹងជាយូរមកហើយ ដែលមានមនុស្សជាច្រើនសប្បាយចិត្ដនឹងលទ្ធផលបរាជ័យរបស់ខ្ញុំ ប៉ុន្ដែ ខ្ញុំមិនតូចចិត្ដនោះទេ ដែលទទួលលទ្ធផលបែបនេះ ខ្ញុំដឹងពីសមត្ថភាពរបស់ក្រុមខ្ញុំព្រោះខ្ញុំតែងតែនៅក្បែពួកគេជានិច្ច ។ នេះគឺជាបទពិសោធន៍លើកទី១ របស់គាត់ ហើយដែលជួបរឿងបែបនេះ ប៉ុន្ដែគាត់នៅតែរំពឹងទុកថាគាត់នឹងអាចពង្រឹងសមត្ថភាពក្រុមឡើងវិញ ហើយខ្លាំងជាមុនទៅទៀត។ </span></p>
<p><span style="color: #000000;">គូសបញ្ជាក់ផងដែរថា Chelsea កាលពីរដូវមុន ធ្លាប់បានផ្ដួល Everton ក្នុងលទ្ធផលពិន្ទុ ៦-៣ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/9/14/9-14-2015-11-27-13-am-14-09-2015--11-34-00.png"><span style="color: #000000;"><img src="/FileManager/Articles/mce/2015/9/14/9-14-2015-11-27-13-am-14-09-2015--11-34-00.png" alt="" /></span></a></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ app.onefootball</span><br /><br /></p>