<p>កម្លាំងសមត្ថកិច្ចកម្ពុជា កំពុងតាមចាប់មេខ្លោងគ្រឿងញៀនធំជាជនជាតិឡាវ ដែលនៅពី<br />ក្រោយជនសង្ស័យឧត្តមសេនីយ៍ទោយោធា អតីតផ្កាយពីរ លោក ចាន់ ឬទ្ធីឌី និងបក្ខពួក<br />ផ្សេងទៀត ក្រោយពីបានកំណត់មុខសញ្ញាពីជនសង្ស័យដែលបានចាប់ខ្លួន។</p>
<p>យោងតាមវេបសាយរបស់ស្នងការដ្ឋាននគរបាលជាតិ ចេញផ្សាយនៅថ្ងៃទី២៧ ខែសីហានេះ<br />អោយដឹងថា សមត្ថកិច្ចកំពុងតាមចាប់មេខ្លោងធំគ្រឿងញៀនជាជន ជាតិឡាវ បន្ទាប់ពីមុខ<br />សញ្ញាគ្រឿងញៀន២នាក់ ត្រូវចាប់ខ្លួននៅទីតាំងថ្មីបន្ថែមទៀត កាលពីថ្ងៃអាទិត្យ ទី២៦ ខែ<br />សីហា២០១២ នៅភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។</p>
<p style="text-align: center;"><a class="thickbox" title="" href="/FileManager/Commons/2012/8/27/pp-drug-015-300x225-27-08-2012--17-45-39.jpg"><img src="/FileManager/Articles/mce/2012/8/27/pp-drug-015-300x225-27-08-2012--17-45-39.jpg" alt="" width="396" height="296" /></a></p>
<p style="text-align: center;">រូបថត police.gov</p>
<p>កាលពីថ្ងៃទី២៤ ខែសីហា សមត្ថកិច្ចបានចុះទៅឆែកឆេរ នៅភូមិគ្រឹះជនសង្ស័យ អតីតឧត្តម<br />សេនីយ៍ទោផ្កាយពីរ លោក ចាន់ ឬទ្ធីឌី ដោយបានរកឃើញ ថ្នាំញៀនប្រភេទម៉ាទឹកកកទម្ងន់<br />ជិត១គីឡូក្រាម រួមទាំងថ្នាំញៀនប្រភេទ WY ប្រមាណ ៤ម៉ឺនគ្រាប់ ដែលនាំចូលពីប្រទេសឡាវ <br />សម្រាប់ធ្វើការចែកចាយ នៅក្នុងប្រទេសរួមទាំងនាំចេញទៅក្រៅប្រទេស។ នៅថ្ងៃទី២៤ ខែ<br />សីហា ដដែលនោះ សមត្ថកិច្ចបន្តឆែកឆេរភោជនីយដ្ឋានរស្មីបឹងកេងកង ក្នុងខណ្ឌចំការមន <br />ដែលជាហាងរបស់ជនសង្ស័យជួញដូរគ្រឿងញៀន គឺលោក ចាន់ ឬទ្ធីឌី តែមិនបានរកឃើញ<br />ថ្នាំញៀនណាមួយនៅហាងនេះទេ។</p>
<p style="text-align: center;"><a class="thickbox" title="" href="/FileManager/Commons/2012/8/27/pp-drug-03-300x225-27-08-2012--17-45-58.jpg"><img style="display: block; margin-left: auto; margin-right: auto;" src="/FileManager/Articles/mce/2012/8/27/pp-drug-03-300x225-27-08-2012--17-45-58.jpg" alt="" width="408" height="306" /></a><br />រូបថត police.gov</p>
<p>វេបសាយរបស់ស្នងការដ្ឋាននគរបាលជាតិ បានដកស្រង់សម្តីជនសង្ស័យឈ្មោះ ឌៀប ស៊ុន<br />ឡាយ ដែលបានចាប់ខ្លួនកាលពីថ្ងៃទី២៦ខែសីហា ហើយសារភាពចំពោះមន្រ្តីប៉ូលិសថា គាត់<br />បានរកស៊ីគ្រឿងញៀននេះយូរមកហើយ ហើយប្រមាណជាង១ខែចុងក្រោយនេះ គាត់ធ្លាប់<br />យកថ្នាំញៀនពីជនជាតិឡាវ តាមច្រកស្ទឹងត្រែងភាគឦសាននៃប្រទេសកម្ពុជា មកលក់ឲ្យ<br />ឧត្តមសេនីយ៍ទោយោធា ចាន់ ឬទ្ធីឌី ១គីឡូក្រាមម៉ាទឹកកក ដោយលក់ចេញក្នុងតម្លៃ ៣៥០០០<br />ដុល្លារអាមេរិក។ ជនសង្ស័យនោះ បានសារភាពបន្តថា គាត់នាំថ្នាំនេះមកពីឡាវ១គីឡូក្រាម <br />តម្លៃ ៣២០០០ដុល្លារអាមេរិក ហើយមន្រ្តីផ្កាយពីរ លក់បន្តទៀត ១គីឡូក្រាម ក្នុងតម្លៃ ៤២០០០<br />ដុល្លារអាមេរិក។</p>
<p style="text-align: center;"><a class="thickbox" title="" href="/FileManager/Commons/2012/8/27/pp-drug-05-300x175-27-08-2012--17-46-27.jpg"><img style="display: block; margin-left: auto; margin-right: auto;" src="/FileManager/Articles/mce/2012/8/27/pp-drug-05-300x175-27-08-2012--17-46-27.jpg" alt="" width="419" height="244" /></a><br />រូបថត police.gov</p>
<p>គួរបញ្ជាក់ថា ក្នុងរយៈពេលចុងក្រោយនេះ មានការបង្រ្កាបគ្រឿងញៀនជាច្រើននៅរាជធានី<br />ភ្នំពេញ ដែលក្នុងនោះរួមមានទំាងជនជាតិបរទេស ដែលបានចាប់ខ្លួនផងដែរ៕</p>
<p style="text-align: right;">ដោយ ៖ វិសាល<br />ប្រភព ៖ VOD</p>