<p><span style="color: #000000;">កម្មវិធីប្រណាំងស៊ីក្លូនឹងត្រូវប្រារព្ធធ្វើនៅរាជធានីភ្នំពេញ នៅខែក្រោយក្នុងគោលបំណងផ្សព្វផ្សាយ និងលើកកម្ពស់ជីវភាពអ្នកធាក់ស៊ីក្លូ។</span></p>
<p><span style="color: #000000;">លោក អ៊ីម សម្បត្តិ នាយកប្រតិបត្តិនៃសមាគមន៍អភិរក្សស៊ីក្លូ បាននិយាយថា អ្នកធាក់ស៊ីក្លូរាប់រយនាក់ត្រូវបានគេរំពឹងថា នឹងចូលរួមក្នុងការប្រណាំងនៅមជ្ឈមណ្ឌលកោះពេជ្រ ចាប់ពីថ្ងៃទី ២៣ ដល់ថ្ងៃទី ២៤ ខែមិថុនា។</span></p>
<p><span style="color: #000000;">យើងនឹងរៀបចំពិធីនៅថ្ងៃ ២៣ ដល់ ២៤ ខែមិថុនា។ យើងមានពេលមួយខែដើម្បីរៀបកម្មវិធីនេះ។ យើងចង់ប្រើប្រាស់ព្រឹត្តិការណ៍នេះ សម្រាប់សាធារណជនដើម្បីជួយអភិរក្សស៊ីក្លូប្រពៃណីរបស់យើង ហើយយើងក៏ចង់លើកកម្ពស់ជីវភាពអ្នកធាក់ស៊ីក្លូផងដែរ ”។</span></p>
<p><span style="color: #000000;"><a class="thickbox" title="" href="/FileManager/Commons/2019/5/7/10-07-05-2019--10-48-41.PNG"><img src="/FileManager/Articles/mce/2019/5/7/10-07-05-2019--10-48-41.PNG" alt="" /></a><br /><span style="font-size: 12px;">លោកតា ហុក វ៉ាន់ អ្នកធាក់ស៊ីក្លូអាយុ ៥៥ ឆ្នាំនៅផ្សារកណ្តាល បាននិយាយកាលពីថ្ងៃចន្ទថា គាត់នឹងចូលរួមប្រណាំង។</span></span></p>
<p><span style="color: #000000;">”ខ្ញុំចង់សាកល្បង។ ទោះបីជាខ្ញុំចាស់បន្តិចតែខ្ញុំចង់ចូលរួមប្រកួតនេះ។</span></p>
<p><span style="color: #000000;">មូលនិធិស៊ីក្លូដែលត្រូវបានបង្កើតឡើងកាលពីឆ្នាំមុនមានសមាជិកប្រមាណ ៣២០ នាក់ ដោយលោកនាយករដ្ឋមន្រ្តី ហ៊ុន សែន ជាប្រធានកិត្តិយស។</span></p>
<p><span style="color: #000000;">លោក ហ៊ុន សែន បាននិយាយកាលពីខែមីនានៅឯការជួបជុំអ្នកជិះកង់ស៊ីក្លូ នៅមជ្ឈមណ្ឌលកោះពេជ្រថា មូលនិធិស៊ីក្លូបានបង្ហាញពីអត្ថប្រយោជន៍ដល់អ្នកធាក់ស៊ីក្លូ។</span></p>
<p><span style="color: #000000;">កាយវិការសប្បុរសធម៌នេះ បានផ្តល់ឱ្យអ្នកធាក់ស៊ីក្លូនូវប្រាក់ឧបត្ថម្ភសមរម្យ និងផ្តល់ការថែទាំសុខភាពដោយឥតគិតថ្លៃ។</span></p>
<p><span style="color: #000000;">លោកមើលឃើញថា នេះមិនមែនគ្រាន់តែជាមធ្យោបាយដើម្បីរក្សាតម្លៃរបស់ពួកគេ សម្រាប់ឧស្សាហកម្មទេសចរនោះទេ ប៉ុន្តែវាគឺជាទម្រង់នៃការការពារសង្គម ដែលជាគោលនយោបាយអាទិភាពរបស់រដ្ឋាភិបាល ៕</span></p>
<p><span style="color: #000000;"><a class="c_tab" href="https://www.khmertimeskh.com/" target="_blank"><img src="/FileManager/Articles/mce/2019/5/6/khmertime-06-05-2019--16-41-32.png" alt="" /></a><br /></span></p>
<p style="text-align: right;"><span style="color: #000000;">ប្រភព ៖ khmertimes </span></p>
<div class="widget_text awac-wrapper">
<div class="widget_text awac widget custom_html-37">
<div class="textwidget custom-html-widget"><ins class="adsbygoogle" data-ad-client="ca-pub-7981514788931893" data-ad-slot="4059842397" data-ad-format="auto" data-full-width-responsive="true" data-adsbygoogle-status="done"><ins id="aswift_3_expand"></ins></ins></div>
</div>
</div>