<div>
<p><span style="color: #000000;"><strong>(ភ្នំពេញ)៖</strong> តារាចម្រៀងប្រុស របស់ផលិតកម្មសាន់ដេ លោក ឆាយ វិរៈយុទ្ធ ត្រូវបានទស្សនិកជន លេងហ្វេសប៊ុករិះគន់ ជាសាធារណៈថា មានភាពអាត្មានិយម និងមានជំងឺតួឯកខ្លាំងណាស់ គ្រាន់តែរឿងរូបភាពដាក់ផ្សាយ លើផ្តាំងប៉ាណូសោះ មិនគួរតារារូបនេះ បោះបង់មិនចូលរួមកម្មវិធីប្រគំតន្ត្រី មិត្តភាពអន្តរជាតិសប្បុរសធម៌កម្ពុជា-ថៃ ដែលជាព្រឹត្តការណ៍សប្បុរសធម៌ ថ្នាក់ជាតិកាលពីរាត្រីថ្ងៃទី២៤ ខែមករា ម្សិលមិញ នាទីក្រុងភ្នំពេញខណៈដែលថវិកា ដែលប្រមូលបាន គឺសម្រាប់ឧបត្ថម្ភជូនមន្ទីរពេទ្យ គន្ធបុប្ផា។</span></p>
<p><span style="color: #000000;">ពិតជាមានការងឿងឆ្ងល់ណាស់ហើយ សម្រាប់អ្នកដែលបានចូលរួម កម្មវិធីប្រគំតន្ត្រីមិត្តភាព អន្តរជាតិសប្បុរសធម៌ កម្ពុជា-ថៃ ដែលជាព្រឹត្តការណ៍ សប្បុរសធម៌ថ្នាក់ជាតិ ហើយថវិកា ដែលប្រមូលបាន គឺសម្រាប់ឧបត្ថម្ភជូនមន្ទីរពេទ្យ គន្ធបុប្ផា។ រូបភាពរបស់អ្នកចម្រៀង ឆាយ វីរៈយុទ្ធ ត្រូវបានកាត់ចេញពីផ្ទាំងប៉ាណូ ដែលមានទំហំបណ្តោយ១៥ម៉ែត្រ ទទឹង១០ម៉ែត្រ ព្រោះ ឮថា ឆាយ វីរៈយុទ្ធ មានភាពអាត្មានិយម មានជំងឺតួឯកខ្លាំងណាស់... ។ នេះជាការរិះគន់ពីសំណាក់ លេងហ្វេសប៊ុកហើយត្រូវបានបង្ហោះ ជាសាធារណៈ។</span></p>
<p><span style="color: #000000;">នៅលើហ្វេសប៊ុករបស់បុរសម្នាក់មានឈ្មោះថា ឆេង ឌីណូ បានសរសេរទៀតថា «បើយើងមើលរូបភាពនេះ រូបលោក ឆាយ វិរៈយុទ្ធ គឺមានទំហំធំជាងរូបកំពូលតារាចម្រៀង មាស សុខសោភា និងកំពូលតារាចម្រៀង កំពុងពេញនិយមនៅក្នុងស្រទាប់យុវវ័យលោក ខេម ទៅទៀត។ រូប ឆាយវីរៈយុទ្ធ ធំជាងរូបតារាកិត្តិយសថៃ ដល់ទៅ ៣ដងឯណោះ ប៉ុន្តែលោក ឆាយ វិរៈយុទ្ធ នៅតែទាមទារឲ្យរូបខ្លួន ធំជាងនេះទៅទៀត ។ នេះពិតជាអាត្មានិយម និងជំងឺតួឯកខ្លាំងណាស់។ មិនគិតថា ខ្លួនមានកិត្តិយស ដែលបានមកចូលរួមសម្តែង ក្នុងកម្មវិធី សប្បុរសធម៌នោះទេ បែរគិតតែពីផងប្រយោជន៍របស់ខ្លួនឯង ទៅវិញ...»។</span></p>
<p><span style="color: #000000;">ប្រភពដដែលនេះបានបន្ថែមថា «តារាកិត្តិយសរបស់ថៃមកចូលរួមសម្តែងក្នុងកម្មវិធី តន្រ្តីសប្បុរសធម៌ ដើម្បីជួយដល់មន្ទីរពេទ្យគន្ធបុប្ផា ដោយមិនបានគិតតម្លៃខ្លួនមួយរៀលសោះ ប្លែកអីតែលោក ឆាយ វីរៈយុទ្ធ ទាមទារតម្លៃខ្លួនដល់ទៅ១៥០០ដុល្លារ ហើយនៅទាមទារ ឲ្យដាក់រូបភាពខ្លួនធំជាងគេទៅទៀត...ដោយសារតែជំងឺតួឯកនេះ ទើបធ្វើឲ្យគណ:កម្មាការរៀប ចំការប្រគំតន្ត្រីសប្បុរសធម៌ថ្នាក់ជាតិ សម្រេចទម្លាក់រូបលោក ឆាយ វីរៈយុទ្ធ ចោល និងលើកផ្ទាំងប៉ាណូថ្មី មុនថ្ងៃសម្តែង...ពិតជាគួរឲ្យខ្មាសអៀនណាស់ សម្រាប់តារាខ្មែរម្នាក់នេះ..»។</span></p>
<p><span style="color: #000000;">ជុំវិញដំណឹងរិះគន់ ពីសំណាក់អ្នកលេងហ្វេសប៊ុកខាងលើនេះ គេហទំព័រ Khmertalking បានព្យាយាមស្វែងការបកស្រាយ ពីតារាចម្រៀងល្បីលោក ឆាយ វីរៈយុទ្ធ ដែរ ប៉ុន្តែមិនអាចទំនាក់ទំងបានឡើយ នារសៀលថ្ងៃទី២៥ ខែមករា ឆ្នាំ២០១៦នេះ។ ដូច្នេះសង្ឃឹមថា លោក ឆាយ វីរៈយុទ្ធ នឹងចេញមុខបំភ្លឺ ដើម្បីឲ្យទស្សនិកជន បានដឹងការពិតនៅពេលក្រោយ៕</span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfp1/v/t34.0-12/12583823_952761324799630_2117508543_n.jpg?oh=7adfb5e2ba2d6c37b3cb7ae9b1390455&oe=56A89592" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xta1/v/t1.0-9/940938_1328980623794911_8603203010517569715_n.png?oh=8b88e18e66a61dc62756c2a2e45f6180&oe=573B3CA6" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpf1/v/t34.0-12/12606997_952761261466303_1405459211_n.jpg?oh=eecd6be800efe1e93e7ee926b48e59b6&oe=56A8A04E" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xft1/v/t1.0-9/12642657_1039665139408213_3516307159424718323_n.jpg?oh=a95e04218fbdab34c8a47f3b098e4b90&oe=572F6217" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfp1/v/t1.0-9/12644782_1039665312741529_6389182169867423882_n.jpg?oh=599d5f2d74ee03975926176846644999&oe=573D2A08" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xtp1/v/t1.0-9/12642716_1039665362741524_5717126126680660353_n.jpg?oh=e02d53719e43dc23fd5fbd09be0ce94b&oe=573E2D24" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xtp1/v/t1.0-9/12541150_1038098096231584_6887370202493281127_n.jpg?oh=88a2dfa3791835967112d59f94c016f2&oe=5742639B" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>