<div class="article-content">
<p><strong>ព្រះសីហនុ៖</strong> កាលពីថ្ងៃទី១៨ ខែវិច្ឆិកា ឆ្នាំ២០១៣ ដែលជាថ្ងៃបញ្ចប់ នៃព្រះរាជពិធីបុណ្យអុំទូក<br /> មានគ្រោះថ្នាក់ចរាចរមួយ កើតឡើងនៅវេលា ម៉ោង ៦និង៣០នាទីព្រឹក បង្កឡើងដោយរថយន្ត<br />មួយគ្រឿង បានបុកស្រ្តី២នាក់ បណ្តាលឱ្យស្លាប់ម្នាក់របួសម្នាក់ ខណៈដែលស្រ្តីរងគ្រោះទាំងពីរ<br /> កំពុងដើរហាត់ប្រាណក្បែរផ្ទះ តាមបណ្តោយផ្លូវជាតិលេខ៣ ។</p>
<p>ប្រភពព័ត៌មានពីសាក្សី នៅកន្លែងកើតហេតុ បានឱ្យដឹងថា កាលពីព្រឹកថ្ងៃ១៨ ខែវិច្ឆិកា <br />ឆ្នាំ២០១៣ វេលាម៉ោង៦និង៣០នាទីព្រឹក គេឃើញរថយន្ត មួយគ្រឿងម៉ាក តូយ៉ូតា កូរ៉ូឡា<br /> ស៊េរីឆ្នាំ ១៩៩៨ ពណ៌ស្ករ ពាក់ស្លាកលេខ 2Q-0165 បើកបរដោយឈ្មោះ ណុប សារ៉េត <br />អាយុប្រហែលជាង៤០ឆ្នាំ ឋានន្តរស័ក្តិវរសេនីយ៍ទោ មុខងារនាយការិយាល័យ នគរបាល<br />ចរាចរណ៍ផ្លូវគោក នៃស្នងការដ្ឋាននគរបាលខេត្តកំពត បានដឹកស្រីស្នេហ៍ម្នាក់ ដែលគេដឹងថា<br /> រកស៊ីរបរលក់គ្រឿងកុំព្យូទ័រ យីហោ អេស ភី កុំព្យូទ័រ មានទីតាំងស្ថិតនៅខាងលិចស្ពានចាស់ <br />ឆ្លងព្រែកកំពត ៣០ម៉ែត្រ ក្នុងភូមិ ទ្វីរខាងត្បូង សង្កាត់អណ្តូងខ្មែរ ក្រុងកំពត ខេត្តកំពត ។ បាន<br />ធ្វើដំណើរត្រឡប់ពីដើរលេង ក្នុងខេត្តព្រះសីហនុ ត្រឡប់មកធ្វើការ នៅខេត្តកំពតវិញ ។ ក្នុង<br />ខណៈធ្វើដំណើរ តាមបណ្តោយផ្លូវជាតិលេខ៣ ដ៏ប្រញាប់ប្រញាល់ បើកលឿនដូចហោះនោះ <br />ពេលមកដល់ចំណុចក្រុម៩ ភូមិព្រែកប្រោះ ឃុំទឹកថ្លា ស្រុកព្រៃនប់ ខេត្តព្រះសីហនុ ក្បែរព្រំ<br />ប្រទល់ខេត្តកំពត ក៏ជ្រុលចង្កូតទៅបុកស្រ្តី២នាក់ ដែលកំពុងដើរហាត់ប្រាណ ក្បែរចិញ្ចើមផ្លូវ<br /> បណ្តាលឱ្យស្រ្តីទាំងពីរនាក់ ប៉ើងហោះដូចស្លឹកកណ្តប បណ្តាលឱ្យស្រ្តីម្នាក់បាក់កស្លាប់ភ្លាមៗ <br />និងម្នាក់ទៀតរបួសធ្ងន់ ។</p>
<p>ប្រភពពីសាក្សីដដែល បានបញ្ជាក់បន្ថែមទៀតថា ស្រ្តីដែលស្លាប់បាត់បង់ជីវិត មានឈ្មោះ <br />តេង អ៊រ ភេទស្រី អាយុ ៤៧ឆ្នាំ មានទីលំនៅក្រុម១១ ភូមិព្រែកប្រោះ ឃុំទឹកថ្លា ស្រុកព្រៃនប់ <br />ខេត្តព្រះសីហនុ មុខរបរទទួលទិញផលនេសាទ ហើយត្រូវបានក្រុមគ្រួសារ ធ្វើបុណ្យបញ្ចុះសព<br /> រួចហើយ កាលពីព្រឹកថ្ងៃទី២០ ខែវិច្ឆិកា ឆ្នាំ២០១៣នេះ ដោយឡែកស្ត្រីរងគ្រោះម្នាក់ទៀត<br /> មានឈ្មោះ ជុំ ម៉ាលី ភេទស្រី អាយុ ៤២ឆ្នាំ មុខរបរដូចគ្នា មាន អាសយដ្ឋាន ផ្ទះជាប់និងផ្ទះ<br />ស្រ្តីជនរងគ្រោះ ដែលស្លាប់នោះ រងរបួសធ្ងន់ (ឈាមកកក្នុងខួរក្បាលរង់ចាំការវះកាត់) បច្ចុប្បន្ន<br />កំពុងសម្រាក ព្យាបាលនៅខេត្តគៀងយ៉ាង ប្រទេសវៀតណាម ។</p>
<p>ក្រោយកើតហេតុ គេមិនដឹងថាតើលោកវរសេនីយ៍ទោ ណុប សារ៉េត មានឥទ្ធិពលធំប៉ុណ្ណានោះទេ <br />បានជាបិទមាត់សារព័ត៌មាន និងទូរទស្សន៍ខេត្ត ភូមិភាគមាត់សមុទ្របានទាំងអស់ ។ </p>
<p>ពាក់ព័ន្ធនិងករណីនេះ ភ្នាក់ងារដើមអម្ពិល ប្រចាំខេត្តព្រះសីហនុ បានធ្វើការសាកសួរ ទៅ<br />កាន់លោកវរសេនីយ៍ទោ ព្រំ ពៅ នាយការិយាល័យ នគរបាលចរាចរណ៍ផ្លូវគោក នៃស្នង<br />ការដ្ឋាននគរបាល ខេត្តព្រះសីហនុថា ក្នុងករណីដែលគ្រោះថ្នាក់ចរាចរ បង្កឱ្យមានមនុស្សស្លាប់<br /> តើសមត្ថកិច្ច ត្រូវធ្វើដូចម្តេចចំពោះជនបង្ក ? លោក ព្រំ ពៅ បានឆ្លើយថា ក្នុងករណី ដែលគ្រោះ<br />ថ្នាក់ចរាចរ បណ្តាលឱ្យមានមនុស្សស្លាប់ សមត្ថកិច្ចត្រូវធ្វើ កំណត់ហេតុ និងធ្វើការនាំខ្លួនជនបង្ក<br /> មកកាន់ស្នងការដ្ឋាននគរបាលខេត្ត ដើម្បីរៀបចំសំណុំរឿង បញ្ជូនទៅតុលាការ ដើម្បីវិនិច្ឆ័យ<br />ទោស ទៅតាម ច្បាប់ចរាចរណ៍ផ្លូវគោក ។ តែករណីនេះ ជនបង្កក៏រងរបួសដែរ ហើយលោក<br />សុំទៅព្យាបាលជំងឺសិន ព្រមទាំងមានការធានាពីក្រុមគ្រួសារផងនោះ លោកក៏អនុញ្ញាតឱ្យ<br />ជនបង្ក ទៅព្យាបាលរបួសសិនទៅ ។ បច្ចុប្បន្ននេះ បងប្អូនជនរងគ្រោះទាំង២នាក់ កំពុងរង់ចាំ<br />មើលយ៉ាងអន្ទះសារ ពីចំណាត់ ការរបស់សមត្ថកិច្ច ថាតើនិងត្រូវដោះស្រាយដូចម្តេច? ៕</p>
<p style="text-align: center;"><img src="http://image.dap-news.com:81/dap-news/dap-images/2013/November/id-014/that-0167.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-014/that-0168.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-014/that-0169.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>