<p><span style="color: #000000;"><strong>កូរ៉េខាងត្បូង៖</strong> ជាដំណឹងមួយដ៏ក្តៅគគុករវាង គូរស្នេហ៍តារាដ៏ល្បីប្រចាំប្រទេស កូរ៉េពីរដួង បានធ្វើឲ្យអ្នកគាំទ្រ សឹងតែមិនជឿក្រោយពេល គូស្វាមីភរិយាតារាកូរ៉េដ៏មានប្រជាប្រិយភាពមួយគូនេះ គឺ លោក Song Joong Ki និងអ្នកនាង Song Hye Kyo(តួឯកស្រី ក្នុងរឿង បំណុលផ្ទះជំណាក់ស្នេហ៍) បានសម្រេចចិត្តលែងលះគ្នា។</span></p>
<p><span style="color: #000000;"><br /><a class="thickbox" title="" href="/FileManager/Commons/2019/6/27/80744bc1aeda368ecf3133b3d3c9464d38f510a8-27-06-2019--15-29-52.jpg"><img src="/FileManager/Articles/mce/2019/6/27/80744bc1aeda368ecf3133b3d3c9464d38f510a8-27-06-2019--15-29-52.jpg" alt="" /></a><br /></span></p>
<p><span style="color: #000000;">យោងតាមព័ត៌មានក្រៅស្រុកបានឲ្យដឹងថា លោក Park Jae Hyun មេធាវីរបស់លោក Song Joong Ki បានចេញមកប្រកាសថា លោក Song Joong Ki បានដាក់ពាក្យបណ្តឹងសុំលែងលះតារាស្រី Song Hye Kyo ដែលជាភរិយា នៅថ្ងៃទី២៦ ខែមិថុនា ឆ្នាំ២០១៩នេះ។ ប្រភពព័ត៌មានដដែល បានបន្ថែមទៀតថា លោកចង់លែងលះជាមួយភរិយាដោយសន្តិវិធី។</span></p>
<p><span style="color: #000000;"><br /><a class="thickbox" title="" href="/FileManager/Commons/2019/6/27/01dd684b0e8dfb3f9d3f528cc3728e68e88a5f54-27-06-2019--15-30-17.jpg"><img src="/FileManager/Articles/mce/2019/6/27/01dd684b0e8dfb3f9d3f528cc3728e68e88a5f54-27-06-2019--15-30-17.jpg" alt="" /></a><br /></span></p>
<p><span style="color: #000000;">លោក Song Joong Ki បានសរសេររៀបរាប់ថា៖</span></p>
<p><span style="color: #000000;">«សួរស្តីខ្ញុំគឺ Song Joong Ki</span></p>
<p><span style="color: #000000;">ដំបូងខ្ញុំសូមអភ័យទោស ដែលយកព័ត៌មានមិនល្អបែបនេះ មកប្រាប់អ្នកទាំងអស់គ្នាដែលធ្លាប់ស្រលាញ់ និងខ្វល់ខ្វាយពីខ្ញុំកន្លងមក។ ពេលនេះខ្ញុំកំពុងត្រៀមលែងលះគ្នាជាមួយ Song Hye Kyo ហើយក៏សង្ឃឹមថាគ្រប់យ៉ាង នឹងដំណើរការទៅមុខដោយរលូន ដោយមិនមានជម្លោះពីភាគីទាំងសងខាង។ នេះជារឿងផ្ទាល់ខ្លួន ដូច្នេះវាពិបាកបង្ហាញទៅកាន់គ្រប់គ្នាខ្លាំងណាស់ តែចាប់ពីពេលនេះទៅ ខ្ញុំនឹងព្យាយាមឲ្យបានល្អបំផុត ក្នុងនាមជាតារាសម្តែង ដើម្បីតបស្នងអ្នកទាំងអស់គ្នា»។</span></p>
<p><span style="color: #000000;"><br /><a class="thickbox" title="" href="/FileManager/Commons/2019/6/27/1-29-27-06-2019--15-30-27.jpg"><img src="/FileManager/Articles/mce/2019/6/27/1-29-27-06-2019--15-30-27.jpg" alt="" /></a><br /></span></p>
<p> </p>
<p><span style="color: #000000;">បន្ទាប់មក ភ្លាមៗនោះ ភាគីខាងស្រី Song Hye Kyo បានចេញមកបកស្រាយពីមួលហេតុ ដែលធ្វើឲ្យចំណងស្នេហារបស់ពួកគេ ឈានដល់ផ្លូវបំបែក។ ដោយអ្នកតំណាងតារាស្រីរូបនេះ បានរៀបរាប់ថា៖</span></p>
<p><span style="color: #000000;">«ជារឿងមិនគួរសមនោះទេ ដែលយើងមកស្វាគមន៍អ្នកទាំងអស់គ្នាដោយរឿងមិនល្អបែបនេះ គឺតារាសម្តែងស្រី Song Hye Kyo និងតារាសម្តែងប្រុស Song Joong Ki កំពុងតែដំណើរការរឿងក្តីលែងលះគ្នា។</span></p>
<p><span style="color: #000000;"><br /><a class="thickbox" title="" href="/FileManager/Commons/2019/6/27/9f252842ff51d9521d127e952eb1eb8c6e55eeb5-27-06-2019--15-30-47.jpg"><img src="/FileManager/Articles/mce/2019/6/27/9f252842ff51d9521d127e952eb1eb8c6e55eeb5-27-06-2019--15-30-47.jpg" alt="" /></a><br /></span></p>
<p><span style="color: #000000;">មូលហេតុដែលលែងលះគឺ ពួកគេមានភាពមិនចុះសម្រុងគ្នាច្រើន ហើយពួកគេទាំងពីរមិនអាចជំនះរាល់បញ្ហាទាំងនោះបាន ទើបពួកគេត្រូវសម្រេចចិត្តបែបនេះ។ ពួកយើងចង់ឲ្យអ្នកទាំងអស់គ្នាយោគយល់ និងគោរពទៅលើការពិត ដែលពួកយើងមិនអាចយកមកនិយាយលម្អិតជាងនេះ ទាក់ទងទៅនឹងជីវិតឯកជនរបស់តារាសម្តែងទាំងពីររូបនេះបាន។ ក្រៅពីនេះពួកយើងចង់ឲ្យអ្នកទាំងអស់គ្នា ចៀសវាងរាល់ការផុសអ្វីដែលគ្រាន់តែជាការប៉ាន់ស្មានរបស់ខ្លួន នាំឲ្យមានបញ្ហាផ្សេងៗ»។</span></p>
<p><span style="color: #000000;"><br /><a class="thickbox" title="" href="/FileManager/Commons/2019/6/27/760bb6082b12f41539cb689f13cf9dccb524aa3f-27-06-2019--15-31-00.jpg"><img src="/FileManager/Articles/mce/2019/6/27/760bb6082b12f41539cb689f13cf9dccb524aa3f-27-06-2019--15-31-00.jpg" alt="" /></a><br /></span></p>
<p><span style="color: #000000;">ជាមួយគ្នានេះដែរ មានប្រភពព័ត៌មាន ក្រៅស្រុកមួយទៀតបានចេញមករាយការណ៍ថា Song Joong Ki និង Song Hye Kyo បានរើចេញពីផ្ទះដែលរស់នៅជាមួយគ្នា ក្រោយពេលរៀបការតាំងពីខែមុនមកម៉្លេះ។ នេះបង្ហាញឲ្យឃើញថា តាមពិតពួកគេមានបញ្ហាមិនចុះសម្រុងនឹងគ្នាជាយូរណាស់មកហើយ ទើបសម្រេចចិត្តលែងលះគ្នាបែបនេះ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2019/6/27/add2-13-27-06-2019--15-31-17.jpg"><img src="/FileManager/Articles/mce/2019/6/27/add2-13-27-06-2019--15-31-17.jpg" alt="" /></a></span></p>
<p><br /><a class="thickbox" title="" href="/FileManager/Commons/2019/6/27/add3-11-27-06-2019--15-31-28.jpg"><img src="/FileManager/Articles/mce/2019/6/27/add3-11-27-06-2019--15-31-28.jpg" alt="" /></a></p>
<p><br /><span style="color: #000000;">អត្ថបទ៖ ចំរើន</span></p>
<p> </p>
<p> </p>