<p><span style="color: #000000;"><strong>(ក្រុងឡុងដ៍)៖</strong> អ្នកចាំទីលេខ១នៅ Premier League របស់អង់គ្លេស Petr Cech បានលើកឡើងថា កីឡាករជើង ខ្លាំង Lionel Messi មិនដែលស៊ុតគាត់ចូល១គ្រាប់ណានោះទេ ពេលក្រុមតោខៀវ Chelsea ប៉ះជាមួយនឹងក្រុម FC Barcelona ចំនួន៨ប្រកួតនាពេលកន្លងមក ។</span></p>
<p><span style="color: #000000;">អ្នកចាំទីវ័យ៣៣ឆ្នាំ Cech បានអួតប្រាប់សារព័ត៌មាន Dailymail ថា រូបគេជាអ្នកចាំទីតែមួយគត់ ដែលជួយរារាំងបាល់ពីការស៊ុតរបស់កីឡាករ ជនជាតិអាហ្សង់ទីន Lionel Messi មិនឲ្យចូលទីសូម្បីតែ១គ្រាប់ ក្នុងការប៉ះគ្នាក្នុងក្របខណ្ឌធំ UEFA Champions League រយៈពេលជាង១០ឆ្នាំមកនេះ ក្នុងខណៈដែល Cech បានលេងឲ្យ Chelsea មុនផ្លាស់ចេញមកចាប់ឲ្យ Arsenal វិញនៅរដូវក្តៅមុន ។</span></p>
<p><span style="color: #000000;">កីឡាកររបស់សាធារណរដ្ឋឆេកខាងលើបានសង្កត់ធ្ងន់ថា “ខ្ញុំមិនដែលតក់ស្លុតក្នុងការជួបប្រកួតទល់នឹង Messi ឡើយ ហើយក៏រីករាយផងដែរ ពេល Arsenal ប៉ះ FC Barcelona ក្នុងវគ្គ១៦ក្រុមក្នុង Champions League រដូវកាលឆ្នាំ ២០១៥-២០១៦នេះ” ។</span></p>
<p><span style="color: #000000;">សូមបញ្ជាក់ដែរថា អ្នកចាំទីដែលទើបតែបំបែកកំណត់ត្រានៅ Premier League ក្នុងនាមជាអ្នកចាំទីដែលសង្រ្គោះបាល់បានច្រើនជាងគេ (Clean Sheet) កាលពីសប្តាហ៍មុននោះ បានជួយឲ្យកាំភ្លើងធំ Arsenal ឡើងទៅឈរនៅកំពូលតារាង Premier League បន្ទាប់ពីដណ្តើមចំណាត់ថ្នាក់លេខ១ បានពីក្រុមចំណូលថ្មី Leicester City វិញនោះ ៕</span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/01/01/11/2FA821B200000578-0-image-a-22_1451646900865.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/01/01/11/2FB8F4EB00000578-0-image-a-32_1451648642702.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/01/01/11/2FB0B73E00000578-0-image-a-33_1451648735145.jpg" alt="" width="730" /></span></p>
<p style="text-align: center;"><span style="color: #000000;"><object width="500" height="428" data="http://www.youtube.com/v/bw6KHEtNtCU&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/bw6KHEtNtCU&rel=1" /></object><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>