<div class="item-page">
<p><span style="color: #000000;"><strong>(ភ្នំពេញ)៖</strong> លោកទេសរដ្ឋមន្រ្តី ស៊ុន ចាន់ថុល រដ្ឋមន្រ្តីក្រសួងសាធារណការ និង ដឹកជញ្ជូន បានថ្លែងឲ្យដឹងថា គិតត្រឹមឆ្នាំ២០១៦ ក្រសួងសាធារណការ និង ដឹកជញ្ជូន បានសាងសង់ផ្លូវជាតិ និងផ្លូវខេត្តបានប្រវែងសរុប ១៥,៣៧៦.២៤គីឡូម៉ែត្រ តែការចាក់កៅស៊ូ និងបេតុង បានប្រវែង ៦,៩០១.៤៨គីឡូម៉ែត្រ។</span></p>
<p><span style="color: #000000;">ថ្លែងក្នុងសន្និបាតបូកសរុបលទ្ធផលការងារឆ្នាំ២០១៦ និងលើកទិសដៅសម្រាប់ឆ្នាំ២០១៧ នៅរសៀលថ្ងៃទី២៩ ខែធ្នូ ឆ្នាំ២០១៦នេះ លោកទេសរដ្ឋមន្រ្តី ស៊ុន ចាន់ថុល បានបញ្ជាក់ថា មកដល់បច្ចុប្បន្នេះក្រសួង សាងសងផ្លូវជាតិ ១ខ្ទង់ បានចំនួន ៩ខ្សែ មានប្រវែងសរុប ២,២៥៣.៩៨គីឡូម៉ែត្រ ផ្លូវជាតិ ២ខ្ទង់ មាន ៦៦ខ្សែ ប្រវែងសរុប ៥,០០៧.៣៦គីឡូម៉ែត្រ។</span></p>
<p><span style="color: #000000;">សម្រាប់ផ្លូវខេត្ត មាន ៣ខ្ទង់ និង ៤ខ្ទង់ បានសាងសង់រួចមានចំនួន ៣៣៨ខ្សែ ប្រវែងសរុប ៨,១១៤.៩០គីឡូម៉ែត្រ។ ចាក់កៅស៊ូ និងបេតុងបានប្រវែង ១,៦៣៩.៤១គីឡូម៉ែត្រ ស្មើនឹង ២០.២០ភាគរយ។</span></p>
<p><span style="color: #000000;">លោក ស៊ុន ចាន់ថុល បានបញ្ជាក់ថា ទាំងផ្លូវជាតិ និងផ្លូវខេត្ត មកដល់ពេលនេះ ក្រសួងសាងសងបានប្រវែងសរុប ១៥,៣៧៦.២៤គីឡូម៉ែត្រ ក្នុងនោះចាក់កៅស៊ូ និងបេតុងហើយ បានប្រវែង ៦,៩០១.៤៨គីឡូម៉ែត្រ កើនឡើងប្រវែង ២៧៨.៤១គីឡូម៉ែត្រ ត្រូវនឹង៤៤.៨៨ភាគរយ នៃប្រវែងសរុប។</span></p>
<p><span style="color: #000000;">លោកទេសរដ្ឋមន្រ្តី ស៊ុន ចាន់ថុល ក៏បានបង្ហាញឲ្យដឹងពីការដាក់ទិសដៅអនុវត្តន៍ការងារសម្រាប់ឆ្នាំ២០១៧ ផងដែរ។ ទិសដៅសម្រាប់ឆ្នាំ២០១៧ ដែលក្រសួងបានដាក់ចេញនោះរួមមាន៖</span></p>
<p><span style="color: #000000;">- ក្រសួងនឹងលើកកំពស់ផ្លូវជាតិមួយលេខពី DBST ឲ្យទៅជាកម្រាល AC ឲ្យសមស្របទៅកំណើនចរាចរណ៍។</span><br /><span style="color: #000000;">- ពង្រឹងការងារថែទាំប្រចាំ (លុបសំបុកមាន់ កាត់សៅ គូសគំនូសចរាចរណ៍ ដាក់ស្លាកសញ្ញាចរាចរណ៍)</span><br /><span style="color: #000000;">- បញ្ចប់ការចរចារលើកិច្ចព្រមព្រៀងក្របខណ្ឌការងារសម្រាប់គម្រោងអភិវឌ្ឍន៍ហេដ្ឋារចនាសម្ព័ន្ធផ្លូវល្បឿនលឿនភ្នំពេញ-ខេត្តព្រះសីហនុ រវាងរាជរដ្ឋាភិបាលកម្ពុជា ជាមួយនឹងសាជីវកម្មស្ពានថ្នល់ចិន (គ្រោងបញ្ចប់ការចរចាកិច្ចព្រមព្រៀងសម្បទាន និងចាប់សាងសង់ដើមឆ្នាំ២០១៧)</span><br /><span style="color: #000000;">- សិក្សាលទ្ធភាពសាងសង់ផ្លូវល្បឿនលឿនតភ្ជាប់ពីរាជធានីភ្នំពេញ ទៅក្រុងបារិត</span><br /><span style="color: #000000;">- បើកការដ្ឋានសាងសង់ផ្លូវក្រវ៉ាត់ក្រុងទី២ ដែលមានតភ្ជាប់ពីផ្លូវជាតិលេខ៥ ទៅផ្លូវជាតិលេខ២</span><br /><span style="color: #000000;">- បើកការដ្ឋានសាងសង់ផ្លូវជាតិលេខ៥១ ផ្លូវលេខ១១ និងស្ពានស្ទឹងត្រង់់</span><br /><span style="color: #000000;">- បើកការដ្ឋានស្តារ និងពង្រីកផ្លូវជាតិលេខ៥ ពី២គន្លង ទៅ៤គន្លង ពីបាត់ដំបងទៅស្វាយស៊ីសុផុន</span><br /><span style="color: #000000;">- សម្ពោធ និងដាក់ឲ្យប្រើប្រាស់ស្ពានកោះធំ</span><br /><span style="color: #000000;">- បញ្ចប់ការចរចាតម្លៃផ្លូវក្រវ៉ាត់ក្រុងទី៣ដែលភ្ជាប់ពីផ្លូវជាតិលេខ៥ទៅផ្លូវជាតិលេខ១ </span><br /><span style="color: #000000;">- សិក្សាលទ្ធភាពក្នុងការសាងសង់ផ្លូវជាតិកាត់ ពីបាត់ដំបង ទៅសៀមរាប,បញ្ចប់ការរៀបចំសិក្សាផែនការមេសាងសង់ប្រព័ន្ធ ចម្រោះទឹកកខ្វក់ នៅតាមបណ្តារាជធានី-ខេត្ត</span><br /><span style="color: #000000;">- ពង្រឹងការគ្រប់គ្រងដីចំណីផ្លូវដោយបង្កើតក្រុមចុះត្រួតពិនិត្យជាប្រចាំ និង បន្តដាំបង្គោលដីចំណីផ្លូវ និងចុះផ្សព្វផ្សាយច្បាប់ស្តីពីផ្លូវថ្នល់ និងការគ្រប់គ្រងដីចំណីផ្លូវ </span><br /><span style="color: #000000;">- ពង្រឹងយន្តការត្រួពិនិត្យគម្រោងជួសជុលខួប(លិខិតបដ្ឋាននគតិយុត្ត និងឯកសារដែលពាក់ព័ន្ធជាដើម៕</span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-29-17-45-54-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>
</div>