<p><span style="color: #000000;"><strong>ភ្នំពេញ ៖</strong> មេខ្លោងចោរប្លន់ ប្រដាប់អាវុធ និងមុខសញ្ញាប្លន់ ចំនួន៣នាក់ ដែលធ្វើសកម្មភាពក្នុងភូមិ សាស្ដ្រ រាជធានីភ្នំពេញ ខេត្ដព្រៃ វែង និងខេត្ដកំពង់ស្ពឺ ត្រូវបានកម្លាំងនគរបាល ធ្វើការបង្ក្រាបជា បន្ដបន្ទាប់ ព្រមទាំងដក ហូតវត្ថុតាងមួយចំនួនផងដែរ ក្រោយពីពួក គេបានធ្វើសកម្មភាពតាមមូលដ្ឋាន នាពេលកន្លងទៅ ។</span></p>
<p><span style="color: #000000;">ក្នុងចំណោមជនសង្ស័យទាំង៣នាក់ មុខ សញ្ញាដែលត្រូវចាប់ខ្លួននៅខេត្ដព្រៃវែង គឺជា មេខ្លោងចោរ ប្លន់ដ៏ធំម្នាក់ ប្រចាំខេត្ដដែល ធ្លាប់ធ្វើសកម្មភាពបាញ់សម្លាប់ ហើយជាប់ គុកជាច្រើនលើករហូត តុលាការចេញដីកា តាមចាប់ខ្លួនជាបន្ដបន្ទាប់ទៀតផង ។</span></p>
<p><span style="color: #000000;">ស្នងការរងនគរបាលនិងជាប្រធានការិ យាល័យកណ្ដាលនគរបាលព្រហ្មទណ្ឌនៃស្នង ការដ្ឋាននគរបាល ខេត្ដព្រៃវែង លោកសេង សុភក្ដ្រ បានប្រាប់មជ្ឈមណ្ឌលព័ត៌មានដើម អម្ពិលឱ្យដឹងថា ប្រតិបត្ដិការ បង្ក្រាបមេខ្លោង ចោរប្លន់រូបនេះ បានធ្វើឡើងតាំងពីម៉ោង១ រំលងអាធ្រាត្ររហូតដល់ម៉ោង៦និង១០នាទី ព្រឹកព្រលឹមថ្ងៃទី៨ ខែតុលា ឆ្នាំ២០១៥ ស្ថិត នៅភូមិមានជ័យ ឃុំទឹកថ្លា ស្រុកស្វាយអន្ទរ ខេត្ដព្រៃវែង ដោយកម្លាំងសមត្ថកិច្ចបានប្រើ វិធានការជំនាញរហូតដល់អូសបានមុខសញ្ញា មួយនេះដោយជោគជ័យ ។</span></p>
<p><span style="color: #000000;">លោកសេង សុភក្ដ្រ បានបញ្ជាក់ថា មុខ សញ្ញាដែលមានឈ្មោះខែ អុល អាយុ៤១ឆ្នាំ រស់នៅភូមិមានជ័យ គឺជាមេខ្លោងចោរប្ងន់ ប្រដាប់អាវុធដ៏ធំ ធ្លាប់ធ្វើសកម្មភាពជាច្រើនដង និងធ្លាប់ជាប់ពន្ធនាគារ ជាច្រើនលើកទៀត ផង ។</span></p>
<p><span style="color: #000000;">ក្នុងនោះមុខសញ្ញានេះ កាលពីចុងឆ្នាំ ២០១៣បានបាញ់សម្លាប់មនុស្សនៅភូមិព្រៃ កំពែង ឃុំព្រៃកណ្ឌៀង ស្រុកពាមរ៍ ខេត្ដព្រៃ វែង ហើយធ្លាប់បានប្លន់ទ្រព្យសម្បត្ដិអាជីវករ នៅផ្សារព្រែកតាស ឃុំព្រែកតាស ស្រុក ពោធិ៍រៀង ជាមួយបក្ខពួករបស់ខ្លួន រួចហើយ រត់គេចខ្លួនរហូតមក ។</span></p>
<p><span style="color: #000000;">ស្នងការរងរូបនេះ បានបន្ដថា ក្រោយពី មានសកម្មភាពប្លន់ប្រដាប់អាវុធខាងលើនេះ កើតឡើង ស្នងការនគរបាលខេត្ដព្រៃវែង លោកឧត្ដមសេនីយ៍ ស្រេង ជា បានបញ្ជាឱ្យ កម្លាំងជំនាញ បើកការស៊ើបអង្កេតយ៉ាង យកចិត្ដទុកដាក់ ដើម្បីតាមបង្ក្រាបក្រុមចោរ ប្លន់ខាងលើរហូតធ្វើសម្រេចដោយជោគជ័យ រវាងកិច្ចសហការកម្លាំងនគរបាលការិយាល័យ កណ្ដាលនគរបាលព្រហ្មទណ្ឌនៃស្នងការដ្ឋាន ខេត្ដនិងកម្លាំងនគរបាលស្រុកស្វាយអន្ទរ ។</span></p>
<p><span style="color: #000000;">សម្រាប់មុខសញ្ញាមេខ្លោងចោរប្លន់ប្រដាប់ អាវុធរូបនេះ ត្រូវបានចៅក្រមស៊ើបសួរសាលា ដំបូងខេត្ដព្រៃវែង លោកសុខ កល្យាណ កាល ពីថ្ងៃទី២៧ ខែសីហា ឆ្នាំ២០១៥ បានចេញ ដីកាបញ្ជាឱ្យសមត្ថកិច្ចតាមចាប់ខ្លួនបុគ្គលរូប នេះ រស់នៅភូមិរបោះផ្ចឹក ឃុំព្រៃឃ្នេសស្រុក មេសាង ក្រោមបទចោទប្រកាន់លួចមាន ស្ថានទម្ងន់ទោស ដោយសារការប្រព្រឹត្ដអំពើ ហិង្សា (ប្លន់ប្រដាប់អាវុធ) ប្រព្រឹត្ដទៅនៅ ភូមិព្រែកឈ្មោះ ឃុំព្រែកតាស ស្រុកពោធិ៍ រៀង ខេត្ដព្រៃវែង កាលពីថ្ងៃទី១៣ ខែមេសា ឆ្នាំ២០១៣ កន្លងទៅ ។</span></p>
<p><span style="color: #000000;">ជាមួយគ្នានេះ មេខ្លោងចោរប្លន់ប្រដាប់ អាវុធខាងលើ ក៏ត្រូវបានលោកអាំង ចិន្ដា ចៅក្រមស៊ើបសួរនៃសាលាដំបូងខេត្ដព្រៃ វែង កាលពីថ្ងៃទី១៩ ខែសីហា ឆ្នាំ២០១៣ ចេញដីកាបង្គាប់ឱ្យចាប់ខ្លួន ក្រោមបទចោទ ប្រកាន់ឃាតកម្ម ប្រព្រឹត្ដនៅភូមិព្រៃកំពែង ឃុំព្រៃកណ្ដៀថ ស្រុកពាមរ៍ ខេត្ដព្រៃវែង កាលពីថ្ងៃទី៨ ខែមីនា ឆ្នាំ២០១៣ផងដែរ។</span></p>
<p><span style="color: #000000;">ក្រោយបើកប្រតិបត្ដិការបង្ក្រាបមុខសញ្ញា មេខ្លោងចោរប្លន់រូបនេះ អស់រយៈពេលពេញ មួយយប់រួចមក ជនសង្ស័យត្រូវបានបញ្ជូន ខ្លួនទៅកាន់ស្នងការដ្ឋាននគរបាលខេត្ដ ដើម្បី បន្ដការសួរនាំកសាងសំណុំរឿងបញ្ជូនទៅកាន់ តុលាការផ្ដន្ទាទោសតាមផ្លូវច្បាប់។</span></p>
<p><span style="color: #000000;"><strong>*កម្លាំងនគរបាលខណ្ឌមានជ័យបង្ក្រាប បក្ខពួកចោរប្លន់ប្រដាប់អាវុធម្នាក់</strong></span></p>
<p><span style="color: #000000;">ដោយឡែកនៅព្រឹកព្រលឹមវេលាម៉ោង៦ថ្ងៃទី៨ ខែតុលា ឆ្នាំ២០១៥នេះ ស្ថិតនៅ លើផ្លូវទី១ ជាប់របង ព្រះវិហារ សាសនាគ្រឹស្ទ ក្រុមទី៦ ភូមិដំណាក់ធំ២ សង្កាត់ស្ទឹងមាន ជ័យ ខណ្ឌមានជ័យ មានករណីប្លន់ ម៉ូតូមួយ បានសម្រេច ប៉ុន្ដែជនសង្ស័យម្នាក់ត្រូវបាន ប្រជាពលរដ្ឋនិងកម្លាំងនគរបាលជួយអន្ដរា គមន៍ឃាត់ខ្លួនបានទាន់ពេលវេលា ដោយ ឡែកបក្ខពួកម្នាក់ទៀត បានបើកម៉ូតូរបស់ ជនរងគ្រោះគេចខ្លួនដោយសុវត្ថិភាព ។</span></p>
<p><span style="color: #000000;">មន្ដ្រីនគរបាលប៉ុស្ដិ៍ស្ទឹងមានជ័យបានឱ្យ ដឹងថា ជនសង្ស័យរូបនេះឈ្មោះផៃ វិត អាយុ ២៣ឆ្នាំ មុខរបរនិង ទីលំនៅមិនពិតប្រាកដរួម ជាមួយបក្ខពួករបស់ខ្លួនម្នាក់ទៀត បានជិះ ម៉ូតូមួយគ្រឿង ម៉ាកហុងដា សេ១២៥ ពណ៌ ខ្មៅ ស៊េរីឆ្នាំ២០០៨ ពាក់ស្លាកលេខ ភ្នំពេញ 1O-5922 ប្រដាប់ដោយពូថៅដៃសម្រាប់ ធ្វើសកម្ម ភាព ដោយឡែកជនរងគ្រោះវិញ ឈ្មោះអ៊ុន ថាន់ អាយុ២២ឆ្នាំ មុខរបររត់ម៉ូតូ ឌុប ស្នាក់នៅបន្ទប់ជួល ភូមិត្រពាំងថ្លឹង សង្កាត់ ចោមចៅ ខណ្ឌពោធិ៍សែនជ័យ ។</span></p>
<p><span style="color: #000000;">តាមមន្ដ្រីនគរបាលប៉ុស្ដិ៍ស្ទឹងមានជ័យ បាន បញ្ជាក់ទៀតថា មុនពេលកើតហេតុជនសង្ស័យ រូបនេះបាន ជួលម៉ូតូឌុបជនរងគ្រោះជិះពីភូមិ ត្រពាំងថ្លឹងតាមបណ្ដោយផ្លូវវ៉េងស្រេង មក កាន់ស្ទឹងមានជ័យ លុះមកដល់ចំណុចកើតហេតុ ស្រាប់តែលេចមុខជនសង្ស័យម្នាក់ទៀត ដែលជាបក្ខពួករបស់ខ្លួនមក រួមធ្វើសកម្មភាពវាយប្លន់យកម៉ូតូរបស់ជនរងគ្រោះទៅបាត់ ម៉ាកហុងដា សេ១២៥ ស៊េរីឆ្នាំ២០០៩ ។</span></p>
<p><span style="color: #000000;">សេចក្ដីរាយការណ៍បានឱ្យដឹងថា ខណៈ ដែលមានអំពើប្លន់ប្រដាប់អាវុធខាងលើនេះ កើតឡើងនិងក្រោយ ពីជនរងគ្រោះស្រែក ឆោឡោនោះ ប្រជាពលរដ្ឋជាច្រើននាក់បាន ជួយអន្ដរាគមន៍ ដោយចាប់បានជន សង្ស័យ ម្នាក់ ហើយព្រួតវាយឡើងហើមមុខហើម មាត់ កុំតែបានសមត្ថកិច្ចមកជួយទាន់ កុំអី ក្ស័យសង្ខាបាត់ទៅហើយ ។</span></p>
<p><span style="color: #000000;">ក្រោយការចាប់ខ្លួនជនសង្ស័យរូបនេះ ត្រូវបានបញ្ជូនទៅសួរនាំបន្ដទៅអធិការដ្ឋាន នគរបាលខណ្ឌមាន ជ័យ ដើម្បីកសាងសំណុំ រឿងចាត់ការតាមនីតិវិធី ។</span></p>
<p><span style="color: #000000;"><strong>កម្លាំងនគរបាលស្រុកសំរោងទង បង្ក្រប ចោរប្លន់ម្នាក់ ក្រោយធ្វើសកម្មភាព</strong></span></p>
<p><span style="color: #000000;"><strong>កំពង់ស្ពឺ ៖</strong> មន្ដ្រីនគរបាលស្រុកសំរោងទង បានឱ្យដឹងថា ជនសង្ស័យម្នាក់ ក្នុងអំពើប្លន់ ត្រូវបានកម្លាំង នគរបាលជំនាញនៃអធិការ ដ្ឋាននិងនគរបាលប៉ុស្ដិ៍តាំងក្រូច បង្ក្រាបនិង ចាប់ខ្លួនបាន ហើយបញ្ជូនទៅ កាន់តុលាការ នៅថ្ងៃទី៨ ខែតុលា ឆ្នាំ២០១៥នេះ ក្រោយ ពីរូបគេបានធ្វើសកម្មភាពតាំងល្ងាចថ្ងៃទី៥ ខែតុលា ស្ថិតនៅចំណុចក្បែរបន្ទប់ទឹករបស់ ជនរងគ្រោះ ក្នុងភូមិរលាំងជ្រៃ ឃុំកាហែង ស្រុកសំរោងទង ។</span></p>
<p><span style="color: #000000;">មន្ដ្រីនគរបាលបានបញ្ជាក់ថា ជនសង្ស័យ រូបនេះឈ្មោះសន សម្បត្ដិ អាយុ២៩ឆ្នាំ រស់ នៅភូមិអណ្ដូងស្លា ឃុំតាំងក្រូច មុខរបរនិង ទីលំនៅមិនពិតប្រាកដ ដោយឡែកជនរង គ្រោះវិញ ឈ្មោះប៉ែន រ៉ាវីន ភេទស្រី អាយុ ២៥ឆ្នាំ រស់នៅភូមិឃុំកើតហេតុខាងលើ។</span></p>
<p><span style="color: #000000;">តាមការបញ្ជាក់ពីសមត្ថកិច្ច ខណៈដែល ជនរងគ្រោះកំពុងនៅក្នុងបន្ទប់ ស្រាប់តែជន សង្ស័យរូបនេះ ចូលទៅប្លន់យកក្រវិលបា្លទីន ខ្សែកបា្លទីន រួចគេចខ្លួនដោយសុវត្ថិភាព។ ប៉ុន្ដែក្រោយបើកការ ស្រាវជ្រាវយ៉ាងយក ចិត្ដទុកដាក់នោះ ទីបំផុតជនសង្ស័យរូបនេះ ត្រូវបានចាប់ខ្លួនតែម្ដង ៕</span></p>
<p><span style="color: #000000;"><a class="thickbox" title="" href="/FileManager/Commons/2015/10/8/10-8-2015-11-22-17-am-08-10-2015--15-13-22.png"><span style="color: #000000;"><img src="/FileManager/Articles/mce/2015/10/8/10-8-2015-11-22-17-am-08-10-2015--15-13-22.png" alt="" /></span></a><a class="thickbox" title="" href="/FileManager/Commons/2015/10/8/10-8-2015-3-04-34-pm-08-10-2015--15-13-42.png"><span style="color: #000000;"><img src="/FileManager/Articles/mce/2015/10/8/10-8-2015-3-04-34-pm-08-10-2015--15-13-42.png" alt="" /></span></a><a class="thickbox" title="" href="/FileManager/Commons/2015/10/8/10-8-2015-3-04-19-pm-08-10-2015--15-14-01.png"><span style="color: #000000;"><img src="/FileManager/Articles/mce/2015/10/8/10-8-2015-3-04-19-pm-08-10-2015--15-14-01.png" alt="" /></span></a><a class="thickbox" title="" href="/FileManager/Commons/2015/10/8/10-8-2015-3-03-55-pm-08-10-2015--15-14-21.png"><span style="color: #000000;"><img src="/FileManager/Articles/mce/2015/10/8/10-8-2015-3-03-55-pm-08-10-2015--15-14-21.png" alt="" /></span></a><a class="thickbox" title="" href="/FileManager/Commons/2015/10/8/10-8-2015-3-03-11-pm-08-10-2015--15-14-46.png"><span style="color: #000000;"><img src="/FileManager/Articles/mce/2015/10/8/10-8-2015-3-03-11-pm-08-10-2015--15-14-46.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/10/8/10-8-2015-3-03-32-pm-08-10-2015--15-15-05.png"><span style="color: #000000;"><img src="/FileManager/Articles/mce/2015/10/8/10-8-2015-3-03-32-pm-08-10-2015--15-15-05.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/10/8/10-8-2015-3-02-54-pm-08-10-2015--15-15-34.png"><span style="color: #000000;"><img src="/FileManager/Articles/mce/2015/10/8/10-8-2015-3-02-54-pm-08-10-2015--15-15-34.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/10/8/10-8-2015-3-00-29-pm-08-10-2015--15-16-18.png"><span style="color: #000000;"><img src="/FileManager/Articles/mce/2015/10/8/10-8-2015-3-00-29-pm-08-10-2015--15-16-18.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/10/8/10-8-2015-3-01-55-pm-08-10-2015--15-16-35.png"><span style="color: #000000;"><img src="/FileManager/Articles/mce/2015/10/8/10-8-2015-3-01-55-pm-08-10-2015--15-16-35.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/10/8/10-8-2015-3-02-11-pm-08-10-2015--15-16-53.png"><span style="color: #000000;"><img src="/FileManager/Articles/mce/2015/10/8/10-8-2015-3-02-11-pm-08-10-2015--15-16-53.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/10/8/10-8-2015-3-02-34-pm-08-10-2015--15-17-11.png"><span style="color: #000000;"><img src="/FileManager/Articles/mce/2015/10/8/10-8-2015-3-02-34-pm-08-10-2015--15-17-11.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/10/8/10-8-2015-3-05-25-pm-08-10-2015--15-17-33.png"><span style="color: #000000;"><img src="/FileManager/Articles/mce/2015/10/8/10-8-2015-3-05-25-pm-08-10-2015--15-17-33.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/10/8/10-8-2015-3-05-40-pm-08-10-2015--15-17-59.png"><span style="color: #000000;"><img src="/FileManager/Articles/mce/2015/10/8/10-8-2015-3-05-40-pm-08-10-2015--15-17-59.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/10/8/10-8-2015-3-05-05-pm-08-10-2015--15-18-35.png"><span style="color: #000000;"><img src="/FileManager/Articles/mce/2015/10/8/10-8-2015-3-05-05-pm-08-10-2015--15-18-35.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>