<div>
<p><span style="color: #000000;"><strong>(ភ្នំពេញ)៖</strong> សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានសម្តែងក្តីសប្បាយរីករាយ ព្រមទាំងអបអរសាទរ ដល់ក្រុមកី ឡាករបាល់ទាត់ Cambodia All Star របស់កម្ពុជា ដែលបានយកឈ្នះនៅក្នុងការប្រកួតបាល់ទាត់មិត្តភាព ជាមួយក្រុម Buriram United របស់ថៃ ដោយលទ្ធផល ៦-៥ នៅយប់នេះ។</span></p>
<p><span style="color: #000000;">សម្តេចតេជោ ហ៊ុន សែន បានលើកឡើងនៅលើ Facebook នៅយប់ថ្ងៃទី២៣ ខែមករា ឆ្នាំ២០១៦ថា<strong> «ខ្ញុំសូមកោតសរសើរ និងអបអរសាទរ ដល់កីឡាករបាល់ទាត់កម្ពុជា ដែលបានប្រកួតឈ្នះកីឡាករប្រទេសថៃ នៅក្នុងការប្រកួតអបអរសាទររំលឹកខួបលើកទី៦៥ មិត្តភាពនិងទំនាក់ទំនងការទូត កម្ពុជា-ថៃ ដែលមាន ឯកឧត្តម Tanasak Patimapragorn ឧបនាយករដ្ឋមន្រ្តីថៃ និង ឯកឧត្តម ហោ ណាំហុង ឧបនាយករដ្ឋមន្រ្តីកម្ពុជាតំណាងប្រទេសទាំងពីរចូលរួមនៅរាជធានីភ្នំពេញថ្ងៃនេះ»</strong>។</span></p>
<p><span style="color: #000000;">ជាមួយគ្នានេះ សម្តេចក៏បានថ្លែងអំណរគុណដល់កីឡាករបាល់ទាត់ប្រទេសថៃ ដែលបានមកចូលរួមប្រកួតក្នុងលក្ខណៈមិត្តភាពថ្ងៃនេះ។ សម្តេចបានជូនពរដល់កីឡាករបាល់ទាត់នៃប្រទេសទាំងពីរជួបតែសំណាងល្អ និងទទួលបានជ័យជំនះថ្មីៗថែមទៀតនៅក្នុងការប្រកួតលក្ខណៈមិត្តភាពលើកក្រោយ។</span></p>
<p><span style="color: #000000;">សម្តេចតេជោ ហ៊ុនសែន ក៏បានអរគុណចំពោះបងប្អូនជនរួមជាតិដែលបានចូលរួមគាំទ្រការប្រកួតដែលបង្ហាញពីការគាំទ្រដល់ការពង្រឹង ពង្រីកចំណងមិត្តភាព និងកិច្ចសហប្រត្តិការរវាងប្រទេសទាំងពីរ កម្ពុជា-ថៃអោយល្អរឹងមាំថែមទៀត៕</span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpa1/v/t1.0-9/11215735_1549203782060654_8748324336631175287_n.jpg?oh=edafe15d8018870cf7091efb8267ded4&oe=573D58DB" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xap1/v/t1.0-9/12540577_1549198488727850_8818488568257918063_n.jpg?oh=53576f990d7d37f951aa66d0ae4dcd95&oe=573F3097" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfp1/v/t1.0-9/12552872_1549198492061183_4735429656214973870_n.jpg?oh=a8aaa91c7b47c6c440e9e4ed9fd623fd&oe=572F453E" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtf1/v/t1.0-9/12541078_943104529071378_4142106040424754150_n.jpg?oh=6189ebcd72fdfcd4a87ffe62a9f005f4&oe=5735011D" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xft1/v/t1.0-9/12523000_943104532404711_5828094352758320426_n.jpg?oh=cb8d90ff389d3af157081bb94d21e8c0&oe=57462F96" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>