<p><span style="color: #000000;">លោកប្រធានាធិបតី Donald Trump បាននិយាយថា ការបោះឆ្នោត គឺជាការបន្លំសន្លឹកឆ្នោត ចំពោះសាធារជនអាមេរិក។</span></p>
<p><span style="color: #000000;">លោកបាននិយាយ ស្របពេលលទ្ធផលឆ្នោតរបស់គូបដិបក្ខលោកគឺលោក Joe Biden មានចំនួនប្រកៀកប្រកិតគ្នាជាមួយនឹងលោកថា៖ “យើងនឹងប្ដឹងទៅតុលាការកំពូល ។ យើងចង់ឱ្យការបោះឆ្នោតទាំងមូលត្រូវបញ្ឈប់” ។ </span></p>
<p><span style="color: #000000;"><a class="thickbox" title="" href="/FileManager/Commons/2020/11/5/screenshot-2020-11-05-111520-05-11-2020--11-17-34.jpg"><img src="/FileManager/Articles/mce/2020/11/5/screenshot-2020-11-05-111520-05-11-2020--11-17-34.jpg" alt="" /></a><br /><br /></span></p>
<p><span style="color: #000000;">ដំបូងឡើយ មានសន្លឹកឆ្នោតស្របច្បាប់ជាច្រើនសន្លឹក នៅក្នុងបណ្ដារដ្ឋប្រកួតប្រជែង ដែលមិនបានរាប់ ដែលនឹងអាចធ្វើឱ្យសម្លេងឆ្នោតមានការផ្លាស់ប្ដូរ ។</span></p>
<p><span style="color: #000000;">ចំពោះការចោទប្រកាន់រឿងបន្លំសន្លឹកឆ្នោត លោកត្រាំពុំបានផ្ដល់ឧទាហរណ៍ជាក់លាក់ឡើយ ហើយការសិក្សា ដែលធ្វើឡើងចំពោះការបោះឆ្នោតលើកមុនៗបង្ហាញថា ការបន្លំសន្លឹកឆ្នោត គឺកម្រនឹងកើតមានខ្លាំងណាស់ ។</span></p>
<p><span style="color: #000000;">ជារឿយៗ លោកត្រាំតែងធ្វើការអះអាងថា សន្លឹកឆ្នោតផ្ញើតាមប្រៃសណីយ៍ ដែលត្រូវបានបញ្ជូនមកយ៉ាងគគ្រឹកគគ្រេងនាពេលនេះ ដោយតែការវិបត្ដិរាលដាលជំងឺខូវិដ ១៩ គឺជាកម្មវត្ថុនៃការបន្លំសន្លឹកឆ្នោតទ្រង់ទ្រាយធំ ។</span></p>
<p><span style="color: #000000;"><br /><a class="thickbox" title="" href="/FileManager/Commons/2020/11/5/d585e2e7-6fea-482e-9330-4d6f1e941ed1-05-11-2020--11-11-01.jpg"><img src="/FileManager/Articles/mce/2020/11/5/d585e2e7-6fea-482e-9330-4d6f1e941ed1-05-11-2020--11-11-01.jpg" alt="" /></a><br /></span></p>
<p><span style="color: #000000;">ពាក្យបណ្ដឹងនៃការបន្លំសន្លឹកឆ្នោត ដែលយើងបានឃើញសម្រាប់ការបោះឆ្នោតលើកនេះ បានបង្កើតជាពាក្យចចាមអារាមដោយគ្មានភស្ដុតាង នៅក្នុងបណ្ដាញសង្គម ។</span></p>
<p><span style="color: #000000;">នៅចុងខែកញ្ញា នាយកស៊ើបអង្កេតរបស់ FBI លោក Christopher Wray បាននិយាយថា ពួកលោក ពុំបានឃើញ កិច្ចខិតខំប្រឹងប្រែងបន្លំសន្លឹកឆ្នោតថ្នាក់ជាតិណាមួយ ដែលត្រូវបានសម្របស្រួលឡើយ នៅក្នុងការបោះឆ្នោតដ៏ធំនេះ ៕</span></p>
<p><span style="color: #000000;">ប្រែសម្រួល៖ សារ៉ាត</span></p>
<p><span style="color: #000000;">ប្រភព៖ BBC</span></p>