<p><span style="color: #000000;"><strong>(ភ្នំពេញ)៖</strong> សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានចាត់ទុកលោក ប៉ាក់គីអាវ សមាជិកព្រឹទ្ធសភាហ្វីលីពីន និងជាស្តេចកីឡាប្រដាល់ពិភពលោកថា ជាមនុស្សសាមញ្ញ និងសុភាពរាបសារ គួរឱ្យស្រឡាញ់រាប់អានយ៉ាងខ្លាំង។</span></p>
<p><span style="color: #000000;">សម្តេចតេជោ ហ៊ុន សែន បានមានប្រសាសន៍បែបនេះ ក្រោយពីសម្តេចបានជួបចរចាផ្លូវការ ជាមួយប្រធានាធិបតីហ្វីលីពីន ក្នុងឱកាសនោះ សម្តេចតេជោបានមានប្រសាសន៍ទៅកាន់ លោក ប៉ាក់គីអាវ ដោយស្នើឲ្យលោកវិលត្រឡប់មកកាន់កម្ពុជាសារជាថ្មីម្តងទៀត ដើម្បីជួយដល់វិស័យកីឡាផង និងជួយដល់ការអប់រំទប់ស្កាត់គ្រឿងញៀន និងបញ្ហាចរាចរណ៍ ដោយការថតស្ពតអប់រំខ្លីៗ។ នេះបើយោងតាម Facebook Page ផ្លូវការរបស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បង្ហោះឲ្យដឹងនៅមុននេះបន្តិច។</span></p>
<p><span style="color: #000000;">Facebook Page ផ្លូវការរបស់សម្តេចតេជោ ហ៊ុន សែនបាន បញ្ជាក់យ៉ាងដូច្នេះថា៖ <strong>«ខ្ញុំបាននិយាយទៅកាន់ ប៉ាក់គីអាវ សមាជិកព្រឹទ្ធសភាហ្វីលីពីន និងជាស្តេច កីឡាប្រដាល់ពិភពលោកថា សូមឯកឧត្តមវិលត្រឡប់មកកាន់កម្ពុជា សារជាថ្មីម្តងទៀត ដើម្បីជួយដល់វិស័យកីឡាផង និងជួយដល់ការអប់រំទប់ស្កាត់ គ្រឿងញៀន និងបញ្ហាចរាចរណ៍ផង។ ការអប់រំទប់ស្កាត់បទល្មើសគ្រឿងញៀន និងសុវត្ថិភាពចរាចរណ៍ ខ្ញុំចង់ឱ្យថតជាស្ពតអប់រំខ្លីៗ ដោយសុំឱ្យប៉ាកគីអាវ និយាយជាភាសា ខ្មែរ។ក្រោយពិធីជប់លៀងនៅព្រះបរមរាជវាំងមុនចេញចេញដំណើរត្រឡប់ទៅវិញ ខ្ញុំបាននិយាយជាមួយ ប៉ាកគីអាវ ម្តងទៀត គាត់ពិតជាសប្បាយរីករាយទទួល យកការជួយតាមសំណូមពរកម្ពុជា។ ព្រឹទ្ធសមាជិកនិងជាអ្នកប្រដាល់ លំដាប់ពិភពលោករូបនេះពិតជាមនុស្សសាមញ្ញ និងសុភាពរាបសារគួរឱ្យស្រឡាញ់ រាប់អានខ្លាំងណាស់»</strong>។</span></p>
<p><span style="color: #000000;">គួរបញ្ជាក់ថា នៅថ្ងៃទី១៣-១៤ ខែធ្នូ ឆ្នាំ២០១៦នេះ លោក រ៉ូឌ្រីហ្គោ ឌូតឺតេ ប្រធានាធិបតីហ្វីលីពីន បានដឹកដៃលោក ប៉ាក់គីអាវ សមាជិកព្រឹទ្ធសភាហ្វីលីពីន និង ជាស្តេចកីឡាប្រដាល់ពិភពលោក រួមនឹងមន្រ្តីជាន់ខ្ពស់ជាច្រើនរូបទៀត ធ្វើទស្សនកិច្ច ជាលើកដំបូងមកដល់ប្រទេសកម្ពុជា ក្នុងនាមប្រធានាធិបតីរបស់ហ្វីលីពីន៕</span></p>
<p><span style="color: #000000;"><br /></span></p>
<p><img src="https://scontent-kul1-1.xx.fbcdn.net/v/t1.0-9/15590322_1187184551330040_5209056780943624774_n.jpg?oh=a0c07c2c976779c924de1f83a9c7440b&oe=58E88F88" alt="" width="730" /></p>
<p><img src="https://scontent-kul1-1.xx.fbcdn.net/v/t1.0-9/15578840_1187184544663374_3961986542915946551_n.jpg?oh=81583aa40add42072567ec57020464e9&oe=58F9EA5D" alt="" width="730" /></p>
<p><img src="https://fb-s-c-a.akamaihd.net/h-ak-xaf1/v/t1.0-9/15590589_1187184567996705_7491844729682949126_n.jpg?oh=a4df28f16d52b2c546901a1eeec275e4&oe=58FC8A05&__gda__=1487889061_562d32e68e16d0c93c1ef33ba955b937" alt="" width="730" /></p>
<p><img src="https://fb-s-d-a.akamaihd.net/h-ak-xpl1/v/t1.0-9/15578577_1187184621330033_1703628237219816238_n.jpg?oh=3347abe6d47f4774910a6f2dd053d0c5&oe=58ED0520&__gda__=1492666771_3e806643c3c2970444a044be8a9ef003" alt="" width="730" /></p>
<p><span style="color: #000000;"><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>