<div class="item-page">
<p><span style="color: #000000;"><strong>(ភ្នំពេញ)៖</strong> នៅម៉ោង៤៖០០រសៀល ថ្ងៃទី២៥ ខែកញ្ញា ឆ្នាំ២០១៦នេះ សម្តេចម៉ែ មុនីនាថ សីហនុ នឹងយាងគោរពវិញ្ញាណក្ខន្ធសព លោក Christian GAUQUELIN des PALLIERES ស្ថាបនិកនៃអង្គការដើម្បីភាពញញឹមនៃកុមារ (PSE) នៅខណ្ឌមានជ័យ រាជធានីភ្នំពេញ។ នេះបើតាម លោកស្រី ស៊ុក សោភ័ណ្ឌ នាយកផ្នែកទំនាក់ទំនងសាធារណៈរបស់អង្គការ PSE។</span></p>
<p><span style="color: #000000;"><a class="thickbox" title="" href="/FileManager/Commons/2016/9/25/32-25-09-2016--14-35-39.png"><img src="/FileManager/Articles/mce/2016/9/25/32-25-09-2016--14-35-39.png" alt="" /></a><br /></span></p>
<p><span style="color: #000000;">លោក Christian de Pallière ជាជនជាតិបារាំងដែលបានជួយកុមារកម្ពុជា រាប់ពាន់នាក់ពីគំនរសំរាម ឲ្យមានអនាគតភ្លឺស្វាងនោះ បានទទួលមរណភាព នៅវេលាម៉ោង៦៖៥៨នាទីល្ងាច ថ្ងៃទី២៤ ខែកញ្ញា ឆ្នាំ២០១៦ ម្សិលមិញ ដោយជរាភាព។ លោកបានទទួលមរណភាព ក្នុងអាយុ៨២ឆ្នាំ។ ពេលនេះ សពរបស់របស់លោកកំពុងត្រូវបានតម្កល់នៅក្នុង អង្គការដើម្បីភាពញញឹមនៃកុមារ ដែលមានអាសយដ្ឋានផ្ទះលេខ៤០២ ភូមិទ្រា សង្កាត់ស្តឹងមានជ័យ ខណ្ឌមានជ័យ រាជធានីភ្នំពេញ (ក្បែរផ្សាសឡា)។</span></p>
<p><span style="color: #000000;">តាមការប្រកាសរបស់ PSE បានឱ្យដឹងថា សពលោក Christian de Pallière នឹងត្រូវដង្ហែទៅកាន់វត្តឫស្សីសាញ់ នៅថ្ងៃចន្ទ ទី២៦ ខែកញ្ញា ឆ្នាំ២០១៦ វេលាម៉ោង១រសៀល។</span></p>
<p><span style="color: #000000;">សូមជំរាបថា នៅព្រឹកមិញនេះ លោក ហង់ ជួនណារ៉ុង រដ្ឋមន្ដ្រីក្រសួងអបរំ យុវជន និងកីឡា ក៏បានដឹកនាំមន្រ្តីក្រសួងអប់រំ ចូលរួមបុណ្យសព លោក Christian GAUQUELIN des PALLIERES ផងដែរ។ ដោយឡែក នៅម៉ោង៤៖០០រសៀលនេះដែរ លោកស្រី ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ ក៏នឹងអញ្ជើញទៅគោរពវិញ្ញាក្ខន្ធសពស្ថាបនិក PSE នេះថែមទៀត៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-09-25-14-15-08-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-09-25-14-14-38-0.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>