<p><span style="color: #000000;"><strong>(ភ្នំពេញ)៖</strong> ក្លឹបអ្នកកាសែតកម្ពុជា និងដៃគូសហការជាច្រើនស្ថាប័នទៀត បានរៀបចំ ទិវាសេរីភាពសារព័ត៌មានឆ្នាំនេះ បានរៀបចំធ្វើក្រោមប្រធានបទ «សិទ្ធិទទួលព័ត៌មានជាសិទ្ធិរបស់អ្នក» នាព្រឹកថ្ងៃទី០៣ ខែឧសភា ឆ្នាំ២០១៦នេះ នៅសណ្ឋាគារកាំបូឌីយ៉ាណា ចាប់ពីវេលាម៉ោង ៨ព្រឹក ដល់ម៉ោង ១២ ថ្ងៃត្រង់។</span></p>
<p><span style="color: #000000;">ទិវាសេរីភាពសារព័ត៌មាន ដែលរៀបចំធ្វើនៅថ្ងៃនេះ ក៏មានការចូលរួមពីលោក ខៀវ កាញារីទ្ធ រដ្ឋមន្រ្តីក្រសួងព័ត៌មាន រួមនឹងអ្នកសារព័ត៌មានជាច្រើនរូប ទៀតចូលរួមផងដែរ។</span></p>
<p><span style="color: #000000;">នៅឆ្នាំ២០១៦នេះ ទិវាសេរីភាពសារព័ត៌មាន ត្រូវបានធ្វើឡើងដើម្បីផ្តល់ជាវេទិកាពិភាក្សា រវាងអ្នកតំណាងស្ថាប័នសារព័ត៌មាន អ្នកសារព័ត៌មានអង្គការ សង្គមស៊ីវិល ដើម្បីពិភាក្សាគ្នាពីបញ្ហាប្រឈម ដែលកំពុងតែជួបប្រទះ និងបញ្ហានានាពាក់ព័ន្ធជាមួយសិទ្ធទទួលបានព័ត៌មាន និងសេរីភាពនៃការ បញ្ចេញមតិ។</span></p>
<p><span style="color: #000000;">ក្រៅពីនោះក៏ជាវេទិការមួយចែករំលែកនូវការយល់ឃើញ និងទស្សនៈវិស័យរបស់ពួកគេទាក់ទងនឹងស្ថានភាព នៃសេរីភាពក្នុងការបញ្ចេញមតិ សេរីភាព សារព័ត៌មាន និងសិទ្ធិទទួលបានព័ត៌មាន ក៏ដូចជាដើម្បីផ្តល់អនុសាសន៍ដើម្បីកែប្រែស្ថានភាពឲ្យកាន់តែប្រសើរ។</span></p>
<p><span style="color: #000000;">កម្មវិធីនៅក្នុងថ្ងៃនេះ ចែកចេញជាពីរវគ្គ៖ វគ្គទីមួយ វាគ្មិនដែលជាអ្នកច្បាប់ និងអ្នកសារព័ត៌មានពីប្រទេសកម្ពុជា និងប្រទេសថៃ នឹងពិភាក្សាពីច្បាប់ស្តី ពីសិទ្ធិទទួលបានព័ត៌មាននៅកម្ពុជា និងក្នុងតំបន់។ នៅវគ្គទីពីរ នឹងមានការពិភាក្សាអំពីដំណើរការ និងបញ្ហាប្រឈមស្តីពីសេរីភាពបញ្ចេញមតិ និងសេរីភាព សារព័ត៌មាននៅប្រទេសកម្ពុជាជាដើម៕</span></p>
<p> </p>
<p><img src="https://scontent-kul1-1.xx.fbcdn.net/v/t1.0-9/13087810_1596127044034994_3075475571367198857_n.jpg?oh=2ae80dd429f5483b4a7f3769453ee12c&oe=57A4CF46" alt="" width="730" /></p>
<p><img src="https://scontent-kul1-1.xx.fbcdn.net/v/t1.0-9/13091965_1596127047368327_5448486856589518580_n.jpg?oh=f7aaa4a7c64edb871ff9eab61ee46b08&oe=57ADAE47" alt="" width="730" /></p>
<p><span style="color: #000000;"><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>