<p><span style="color: #000000;"><strong>(អាមេរិក)៖</strong> កូរ៉េខាងជើង ជាក់ស្ដែងណាស់ បានដំណើរការរោងចក្ររ៉េអាក់ទ័រក្នុងតំបន់ Yongbyon ចម្ងាយប្រមាន ៩០គីឡូម៉ែត្រពីទីក្រុងព្យុងយ៉ាង ដែលរោងចក្រនេះដំណើរការឡើងវិញដើម្បីផលិតអាវុធនុយក្លេអ៊ែរ ហើយអាចឈានទៅផលិតអាវុធបរមាណូ នេះបើយោងតាមការចេញផ្សាយរបស់ Reuters នៅថ្ងៃទី០៧ ខែមិថុនា។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/6/7/19a-07-06-2016--15-50-21.jpg"><img src="/FileManager/Articles/mce/2016/6/7/19a-07-06-2016--15-50-21.jpg" alt="" /></a><br /></span></p>
<p><span style="color: #000000;">ទីភ្នាក់ងារថាមពលអាតូមិកអន្ដរជាតិ (IAEA) និងក្រុមអ្នកឃ្លាំមើលរបស់អង្គការសហប្រជាជាតិ (UN) បានឲ្យដឹងថា តាមរយៈរូបភាពដែលចាប់បានដោយផ្កាយរណប បានបង្ហាញឲ្យឃើញពីដំណើរការឡើងវិញនៃរោងចក្ររ៉េអាក់ទ័រនៅក្នុងតំបន់ Yongbyon ដែលមើលទៅ កូរ៉េខាងជើងគឺមានគំនិតមិនល្អអ្វីមួយទៀតហើយ ទើបដំណើរការរោងចក្រនេះវិញ។</span></p>
<p><span style="color: #000000;">«រថយន្តធំៗជាច្រើនគ្រឿងបានចេញ-ចូលនៅកន្លែងរោងចក្ររ៉េអាក់ទ័រមួយនេះ ហើយតាមការវិភាគទៅលើរថយន្តទាំងនោះ គេអាចសន្និដ្ឋានបានថា ជារថយន្តដឹកនូវសម្ភារៈផ្សេងៗ ដើម្បីដំណើរការរោងចក្រឡើងវិញ ហើយអ្វីដែលពិសេសជានេះទៅទៀតនោះគឺ គេឃើញមានចំហាយទឹកភាយចេញពីរោងចក្រ ដូច្នេះមានន័យថារោងចក្រគឺពិតជាដំណើរការឡើងវិញមែន»។ នេះជាសំដីរបស់ក្រុមអ្នកឃ្លាំមើល UN បានថ្លែងប្រាប់សារព័ត៌មាន Reuters។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/6/7/19-07-06-2016--15-50-42.jpg"><img src="/FileManager/Articles/mce/2016/6/7/19-07-06-2016--15-50-42.jpg" alt="" /></a><br /></span></p>
<p><span style="color: #000000;">គួរបញ្ជាក់ផងដែរថា រោងចក្ររ៉េអាក់ទ័រខាងលើ ត្រូវបានរដ្ឋាភិបាលក្រុងព្យុងយ៉ាង ផ្អាកដំណើរការតាំងពីឆ្នាំ ២០០៧ ដោយនៅក្នុងនោះគេមិនដឹងពីមូលហេតុឡើយ ប៉ុន្តែប្រភពមួយចំនួនបានបញ្ជាក់ថា អាចមកពីខ្វះធនធានសម្រាប់ផ្គត់ផ្គង់៕</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>