<p><span style="color: #000000;"><strong>(អាស៊ី)៖</strong> រយៈពេលពីរសប្តាហ៍មកហើយ ដែល Fresh News បាននាំយកនូវព័ត៌មានពាក់ព័ន្ធ ប្រទេសនៅលើពិភពលោក ដែលមានយោធាច្រើនជាងគេ និងប្រទេសដែលមាន អាវុធនុយក្លែអ៊ែរប្រើប្រាស់ នៅថ្ងៃអាទិត្យសប្តាហ៍វិញ យើងនឹងមិនទៅណាឆ្ងាយ ពីវិស័យយោធាឡើយ ដោយយើងខ្ញុំនឹងលើកយកនូវអត្ថបទមួយ ដែលនិយាយពី មហាអំណាចយោធានៅតំបន់អាស៊ីវិញម្តង។</span></p>
<p><span style="color: #000000;">Global Firepower គឺជាអង្គការមួយ ដែលជាអ្នកវាយតម្លៃ និងផ្ដល់ពិន្ទុ ដែលគេហៅកាត់ថា Power Index ឬ PwrIndx សម្រាប់បណ្ដាប្រទេសទាំងអស់ នៅលើពិភពលោក ដើម្បីបញ្ជាក់ថា ប្រទេសនោះជាមហាអំណាច គឺត្រូវអាស្រ័យទៅលើពិន្ទុនេះហើយ។</span></p>
<p><span style="color: #000000;">ការដាក់ពិន្ទុកសន្ទស្សន៍ ថាមពលនៃជាតិសាសន៍មួយ របស់អង្គការ Global firepower គឺបានផ្ដោតទៅលើកត្តាចំនួន៥០ ដែលក្នុងនោះមានកត្តាសំខាន់ៗដូចជា កម្លាំងពលកម្ម ធនធានធម្មជាតិ ការដឹកជញ្ជូន ហិរញ្ញវត្ថុ ភូមិសាស្ដ្រ កម្លាំងយោធាជើងគោក អាកាស និងទឹក។</span></p>
<p><span style="color: #000000;">ខាងក្រោមនេះ ជាមហាអំណាចយោធាទាំង១០ ក្នុងតំបន់អាស៊ីប្រចាំឆ្នាំ២០១៥៖</span></p>
<p><span style="color: #000000;"><strong>១. យោធាប្រទេសចិន៖</strong> ជាមួយនឹងទាហានសកម្មចំនួនជាង ២,៣ លាននាក់ បានធ្វើឲ្យគេទទួលស្គាល់ថា ប្រទេសនេះ មានចំនួនកងកម្លាំងយោធាដ៏ច្រើនបំផុត ក្នុងពិភពលោក។ ប្រទេសចិន ជាមហាអំណាចយោធាមួយ ដែលបានអភិវឌ្ឍប្រព័ន្ធមីស៊ីលកម្រិតខ្ពស់ និង អាវុធនុយក្លេអ៊ែរ ព្រមទាំងមានពិន្ទុកសន្ទស្សន៍ថាមពល (Power Index)ចំនួន ០.២៥៩៤។</span></p>
<p><span style="color: #000000;"><img src="http://www.richestlifestyle.com/wp-content/uploads/2014/06/People-Liberation-Army-China.jpg" alt="" width="730" /></span></p>
<p><span style="color: #000000;"><strong>២. យោធាប្រទេសឥណ្ឌា៖</strong> ជារដ្ឋមួយមានអាវុធនុយក្លេអ៊ែរ ដែលស្ថិតនៅលេងរៀងទី៣ ក្នុងចំណោមកងកម្លាំងប្រដាប់អាវុធ ដ៏បំផុតរបស់ពិភពលោក និងជាមហាអំណាចយោធាទី២ ក្នុងតំបន់អាស៊ី ជាមួយនឹងពិន្ទុកសន្ទស្សន៍ថាមពល (Power Index) ចំនួន ០.៣៨៧២។</span></p>
<p><span style="color: #000000;"><img src="http://www.richestlifestyle.com/wp-content/uploads/2015/01/Indian-Army-Madras-regiment.jpg" alt="" width="730" /></span></p>
<p><span style="color: #000000;"><strong>៣. យោធាប្រទេសតួកគី៖</strong> ប្រទេសតួកគី មានកងកម្លាំងប្រដាប់អាវុធដ៏ធំបំផុតលំដាប់ទី២ ដែលបានឈរជើងនៅអង្គការ NATO ។ ជាមួយនឹងពិន្ទុកសន្ទស្សន៍ថាមពលចំនួន ០.៥១៧១ បានធ្វើឲ្យប្រទេសមួយនេះ ស្ថិតនៅលេខរៀងទី៣ ក្នុងចំណោមមហាអំណាចយោធាក្នុងតំបន់អាស៊ី។</span></p>
<p><span style="color: #000000;"><img src="http://www.richestlifestyle.com/wp-content/uploads/2015/01/Turkish-Armed-Forces.jpg" alt="" width="730" /></span></p>
<p><span style="color: #000000;"><strong>៤. យោធាប្រទេសកូរ៉េខាងត្បូង៖</strong> ប្រទេសកូរ៉េខាងត្បូង បានកំណត់ផលិតផល ក្នុងស្រុកសរុបចំនួន២.៦ភាគរយ និង ១៥ ភាគរយនៃការចំណាយទាំងអស់ របស់រដ្ឋាភិបាល សម្រាប់កងកម្លាំងយោធារបស់ខ្លួន។ ប្រទេសនេះ មានពិន្ទុកសន្ទស្សន៍ថាមពលចំនួន ០.៥៥៣៦។</span></p>
<p><span style="color: #000000;"><img src="http://www.richestlifestyle.com/wp-content/uploads/2015/01/South-Korea-Military.jpg" alt="" width="730" /></span></p>
<p><span style="color: #000000;"><strong>៥. យោធាប្រទេសជប៉ុន៖</strong> ជប៉ុនជាប្រទេសទី៨ ដែលមានកងកម្លាំងយោធាដ៏ធំបំផុត ក្នុងពិភពលោក ហើយក៏ជាមហាអំណាចយោធាទី៥ ក្នុងតំបន់អាស៊ីផងដែរ ជាមួយនឹងពិន្ទុកសន្ទស្សន៍ថាមពលចំនួន ០.៥៥៨១។</span></p>
<p><span style="color: #000000;"><img src="http://www.richestlifestyle.com/wp-content/uploads/2015/01/Japan-Military.jpg" alt="" width="730" /></span></p>
<p><span style="color: #000000;"><strong>៦. យោធាប្រទេសអ៊ីស្រាអែល</strong>៖ ត្រូវបានគេចាត់ទុកថា ជាប្រទេសមួយ ដែលបានចំណាយផលិតផលក្នុងស្រុកសរុបយ៉ាងច្រើន សម្រាប់ការអភិវឌ្ឍវិស័យយោធា។ ប្រទេសនេះ មានពិន្ទុកសន្ទស្សន៍ថាមពលចំនួន ០.៥៨៨៧។</span></p>
<p><span style="color: #000000;"><img src="http://www.richestlifestyle.com/wp-content/uploads/2015/01/Israel-Military.jpg" alt="" width="730" /></span></p>
<p><span style="color: #000000;"><strong>៧. យោធាប្រទេសប៉ាគីស្ថាន៖</strong> ជាប្រទេសទី៧ ដែលមានកងម្លាំងយោធាដ៏ធំបំផុត ក្នុងពិភពលោក និងក៏ជាមហាអំណាចយោធាទី៧ ក្នុងតំបន់អាស៊ី ជាមួយនឹងពិន្ទុកសន្ទស្សន៍ថាមពលចំនួន ០.៧៣៦៩។</span></p>
<p><span style="color: #000000;"><img src="http://www.richestlifestyle.com/wp-content/uploads/2015/01/Pakistan-Army.jpg" alt="" width="730" /></span></p>
<p><span style="color: #000000;"><strong>៨. យោធាកោះតៃវ៉ាន់៖</strong> ត្រូវបានគេទទួលស្គាល់ថា ជារដ្ឋមួយមានបច្ចេកវិទ្យាយោធាដ៏ទំនើប ដែលមានពិន្ទុកសន្ទស្សន៍ថាមពលចំនួន ០.៧៥៦៤។</span></p>
<p><span style="color: #000000;"><img src="http://www.richestlifestyle.com/wp-content/uploads/2015/01/Taiwanese-Military.jpg" alt="" width="730" /></span></p>
<p><span style="color: #000000;"><strong>៩. យោធាប្រទេសឥណ្ឌូនេស៊ី៖</strong> សម្រាប់ផលិតផលក្នុងស្រុកសរុបប្រមាណជា ៤ ភាគរយរបស់ប្រទេសនេះ ត្រូវបានចំណាយទៅលើវិស័យយោធា។ ប្រទេសឥណ្ឌូនេស៊ី មានទាហានសកម្មចំនួនជាង ៤០០.០០០ លាននាក់ និងមានពិន្ទុកសន្ទស្សន៍ថាមពលចំនួន ០.៨០០៨។</span></p>
<p><span style="color: #000000;"><img src="http://www.richestlifestyle.com/wp-content/uploads/2015/01/Indonesian-army.jpg" alt="" width="730" /></span></p>
<p><span style="color: #000000;"><strong>១០. យោធាប្រទេសអូស្រ្តាលី៖</strong> ជាប្រទេសទី១៣ ដែលមានកងកម្លាំងយោធាដ៏ធំបំផុត ក្នុងពិភពលោក និងក៏ជាមហាអំណាចយោធាទី១០ ក្នុងតំបន់អាស៊ី ជាមួយនឹងពិន្ទុកសន្ទស្សន៍ថាមពលចំនួន ០.៨២៥៣។</span></p>
<p><span style="color: #000000;"><img src="http://www.richestlifestyle.com/wp-content/uploads/2015/01/Australian-Army.jpg" alt="" width="730" /></span></p>
<p><span style="color: #000000;">សូមជម្រាបថា ប្រទេសកូរ៉េខាងជើង ដែលកំពុងដឹកនាំឲ្យ លោក គីម ជុងអ៊ុន មិនមានឈ្មោះក្នុងបញ្ជី ប្រទេសមហាអំណាចយោធាទាំង១០នៅអាស៊ីនោះទេ ដោយសារតែប្រទេសនេះ ព្យាយាមលាក់បាំងនូវព័ត៌មាន ពីវិស័យយោធារបស់ខ្លួន ដែលមិនអាចឲ្យអង្គការ Global firepower ទទួលបានទិន្នន័យ៕</span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>
<div class="detail_bottom_function">
<div class="facebook_like"></div>
</div>