<p><span style="color: #000000;"><strong>(អាមេរិក)៖ </strong>Angelina Jolie បានសម្តែងការភ្ញាក់ផ្អើល បន្ទាប់ពីអតីតស្វាមីរបស់នាង ដាក់ពាក្យបណ្តឹងស្នើសុំទៅតុលាការជាថ្មី ពាក់ព័ន្ធនឹងការមើលថែកូនៗទាំង៦ ហាក់ដូចចោទនាងថា កំពុងឃុំឃាំងកូនដោយការបិទសេរីភាព មិនឲ្យទៅណាឆ្ងាយពីខ្លួន។</span></p>
<p><span style="color: #000000;">ពាក្យបណ្តឹងបានចូលទៅតុលាការជាន់ខ្ពស់ LA កាលពីថ្ងៃទី២១ ខែធ្នូ ឆ្នាំ២០១៦ ដោយមេធាវីតំណាង Brad Pitt ដោយបញ្ជាក់ថា អតីតភរិយាកំពុងប្រើសិទ្ធិរំលោភភាពឯកជនរបស់កូន និងធ្វើឲ្យពួកគេមានសម្ពាធផ្លូវចិត្ត។</span></p>
<p><span style="color: #000000;">យើងមិនដឹងថា នឹងមានអ្វីកើតឡើងបន្តទៀត រវាងសង្គ្រាមដណ្តើមកូនរបស់អតីតគូស្នេហ៍ ដែលធ្លាប់តែផ្អែមល្ហែមនេះទេ ព្រោះ Angelina និង Pitt ធ្លាប់បាននិយាយរឿងនេះម្តងរួចហើយ នៅតុលាការ និងបានព្រមព្រៀងគ្នាទៀតផង ជាហេតុធ្វើឲ្យមហាជនក៏មានការភ្ញាក់ផ្អើលដែរ ។</span></p>
<p><span style="color: #000000;">អ្នកខ្លះគិតថា ការស្នើសុំជាថ្មីរបស់តារាហូលីវូតប្រុសរូបនេះ មិនស្របច្បាប់ទេ ព្រោះជាករណីដដែល ប៉ុន្តែមនុស្សមួយចំនួនយល់ថា Pitt កំពុងរើកកាយរឿងចាស់ឡើងវិញ ព្រោះតែអតីតភរិយាមិនអនុញ្ញាតឲ្យរូបគាត់ បានជួបមុខកូនសូម្បីតែម្តងបន្ទាប់ពីបែកគ្នាច្រើនខែមកហើយ៕</span></p>
<p><span style="color: #000000;"><a class="thickbox" title="" href="/FileManager/Commons/2016/12/24/10g-24-12-2016--10-59-39.jpg"><img src="/FileManager/Articles/mce/2016/12/24/10g-24-12-2016--10-59-39.jpg" alt="" /></a><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>