<p><span style="color: #000000;"><strong>(ភ្នំពេញ)៖</strong> ដោយសារតែទ្រាំ និងពាក្យមាក់ងាយឈឺចាប់ លែងបាន ធ្វើឲ្យតារាពហុជំនាញ លោក ដួង សុខគា បញ្ចេញកំហឹងផ្ញើសារជះទៅលើ មនុស្សមួយចំនួន ដែលបានមើលងាយរូបលោក ព្រមទាំងបោះសំដីថា កម្មវិធី ផ្ទះលោកតា និងកម្មវិធី សំណើចតាមភូមិ លែងមានរូបលោកធ្វើជា ពិធីករទៀតហើយ ពោលទុកឲ្យអ្នកដែលមានសមត្ថភាព ពូកែជាងលោកធ្វើចុះ។</span></p>
<p><span style="color: #000000;">ពិធីករល្បីឈ្មោះ ប្រចាំស្ថានីយ៍ទូរទស្សន៍ CTN លោក ដួង សុខគា ថ្មីៗនេះ បានបញ្ចេញសារគួឲ្យភ្ញាកផ្អើល ខណៈដែលលេចឮដំណឹងថា ត្រូវបានចាកចេញពីកម្មវិធី «ផ្ទះលោកតា»និង«សំណើចតាមភូមិ» របស់ទូរទស្សន៍ CTN ដោយត្រូវបានគេសន្និដ្ឋានថា អាចមានជម្លោះផ្ទៃក្នុងកើតឡើង។</span></p>
<p><span style="color: #000000;">បើផ្អែកតាមការសរសេរបង្ហោះ នៅលើបណ្តាញសង្គមហ្វេសប៊ុក របស់ពិធីករប្រុសសម្បូរវោហាស័ព្ទ លោក ដួង សុខគា បានលើកឡើងថា «ខឹងណាស់គេមើលងាយ! មនុស្សដែលខ្ញុំធ្លាប់អប់រំ បែរជាមកមើលងាយខ្ញុំ ហើយមើលងាយទាំងពិធីហោមរោង សំពះគ្រូទៅទៀត ។ យើងអស់និស្ស័យនឹងគ្នាត្រឹមហ្នឹងហើយ ប្អូន! ពីថ្ងៃនេះទៅកម្មវិធី ផ្ទះលោកតា និង កម្មវិធី សំណើចតាមភូមិ លែងមានខ្ញុំហើយ! នៅសល់តែស្តុកចាស់ ប៉ុណ្ណឹង! ទុកឲ្យជើងខ្លាំងគេធ្វើចុះ!»។</span></p>
<p><span style="color: #000000;">ទន្ទឹមគ្នានឹងការបង្ហោះយ៉ាងដូច្នេះ លោក ដួង សុខគា ក៏បានបញ្ជាក់បន្ថែម នៅលើបណ្តាញសង្គមហ្វេសប៊ុករបស់ខ្លួន ឆ្លើយតបនឹងការជជីកសួរនាំពីមហាជនទៀតថា «ចង់បានយកចុះ ខ្ញុំឲ្យហើយ !»។</span></p>
<p><span style="color: #000000;">ការទម្លាយកំហឹងគួរឲ្យភ្ញាក់ផ្អើល ពុំធ្លាប់មាននេះ ត្រូវបានគេសន្និដ្ឋានបានយ៉ាងច្បាស់ថា លោក ដួង សុខគា កំពុងតែមានកំហឹងជាមួយនឹង ក្រុមការងារណាម្នាក់ ក្នុងកម្មវិធីទាំងពីរខាងលើ ខណៈដែលកម្មវិធីទាំងអស់នេះ មានពិធីករ និងពិធីការិនី ដូចជា កញ្ញា ថន លក្ខិណា, កញ្ញា កែវ នីសា, លោក ប៊ីអាយជី,កញ្ញា លីឡា និងរូបលោកផ្ទាល់។ ប៉ុន្តែការបញ្ចេញកំហឹងនេះ លោក ដួង សុខគា មិនបានសំដៅចំឈ្មោះ ដល់សមាជិករួមក្រុម ណាម្នាក់ឡើយ។</span></p>
<p><span style="color: #000000;">យ៉ាងណាមិញ Khmertalking នៅរសៀលថ្ងៃទី១១ ខែវិច្ឆិកា ឆ្នាំ២០១៦នេះ បានព្យាយាមទំនាក់ទំនង ដើម្បីសុំការសួរនាំបន្ថែម ពីពិធីករលោក ដួង សុខគា ប៉ុន្តែលេខទូរស័ព្ទ ដែលលោកធ្លាប់ប្រើមិនអាចភ្ជាប់ ទំនាក់ទំនងបានទេ៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/15037073_1638113109548326_3236022598727703216_n.png?oh=93180de3c0efb5d7ef468b47106b0fc5&oe=58CCDF17" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xla1/v/t1.0-9/15036553_609276372608246_1170399638555586344_n.jpg?oh=a70dd9d51f900f1c483231f58e3699b8&oe=58C70F0B&__gda__=1489530022_4140f5634b1d6bb0cb0a52f1e914c546" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14900579_605446939657856_3923246435018765362_n.jpg?oh=cbe3c8a471113ddbe60c1c4d1d17233b&oe=58C73463" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14469558_590488071153743_1250375039686581804_n.jpg?oh=58bb1439506609b0c23f35e52534016d&oe=58D2C06A" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14523031_590484701154080_1404519538723803830_n.jpg?oh=263e224cd39bbaa1f27338942067db0a&oe=58C24805" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/s960x960/14524373_590051991197351_8631861543262839781_o.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>