<p><span style="color: #000000;"><strong>(ម៉ាឌ្រីដ)៖</strong> ក្រុមយក្ស FC Barcelona បានឡើងទៅឈរចាំមុនហើយនៅវគ្គផ្តាច់ព្រ័ត្រនៃព្រឹត្តិការណ៍ពានរង្វាន់លំដាប់ទី២អេស្ប៉ាញ Copa del Rey បន្ទាប់ពីទម្លាក់គូប្រជែង ៨-១ ទាំងពីរជើង ខណៈដែលយប់មិញទប់បានស្មើ ១-១ នៅ ក្នុងទឹកដី Valencia ទៀតនោះ នៅមុខអ្នកទស្សនាតែជាង ១ម៉ឺននាក់ប៉ុណ្ណោះ ។</span></p>
<p><span style="color: #000000;">ការឈ្នះដោយលទ្ធផល ៧-០ ក្នុងទឹកដី Camp Nou របស់ខ្លួនកាលពីសប្តាហ៍មុន បានធ្វើឲ្យក្រុមរបស់លោក Luis Enrique ហាក់ដូចជាឈ្នះកៅអីមួយឡើង ទៅវគ្គផា្តច់ព្រ័ត្របាត់ទៅហើយ ដោយរង់ចាំបញ្ចប់ជើងទី២យប់មិញទៀត ប៉ុណ្ណោះ ដែលបន្តលេងមិនចាញ់ក្រុមម្ចាស់ផ្ទះ Valencia រក្សាបានលទ្ធផល ១-១ ទៀតនៅកីឡដ្ឋាន Mestalla បើទោះ បីជាកីឡាករ Alvaro Negredo រកបាន១គ្រាប់នៅនាទីទី៣៩ និងត្រូវបាន Wilfrid Kaptoum រកគ្រាប់តាមបានស្មើវិញ នៅនាទិទី៨៤ បញ្ចប់ក្តីស្រម៉ៃរបស់លោក Gary Neville ដើម្បីឡើងទៅវគ្គផ្តាច់ព្រ័ត្រ ។</span></p>
<p><span style="color: #000000;">ទន្ទឹមនឹងនោះដែរ គ្រូបង្វឹក Luis Enrique ក៏បានបំបែកកំណត់ត្រាចាស់របស់លោក Pep Guardiola ដែលបានដឹកនាំ ក្រុម FC Barcelona ២៩ប្រកួតមិនដែល ចាញ់ឡើយក្នុងរដូវកាលឆ្នាំ២០១៥-២០១៦ នេះ ពោលគឺចាញ់តែម្តងគត់ ក្រោមថ្វីជើងរបស់ Sevilla កាលពីខែតុលា ឆ្នាំ២០១៥ មកម្ល៉េះ ។</span></p>
<p><span style="color: #000000;">ក្រុមការពារតំណែងជើងឯក Barcelona ត្រូវរង់ចាំគូប្រជែង១ទៀត Celta Vigo ឬក៏ Sevilla ដែលប្រកួតបញ្ចប់ជើងទី២ នាម៉ោង ២៖៣០នាទីរំលងអធ្រាត្រ យប់នេះដែរ (ម៉ោងនៅកម្ពុជា) ក្រោយពេលជើងទី១ Sevilla បានបំបាក់ក្រុមភ្ញៀវ Celta Vigo រហូតដល់ទៅ ៤-០ ឯណោះ ៕</span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/02/10/22/3111664F00000578-3441320-image-a-52_1455144776866.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/02/10/22/31110D6700000578-3441320-Alvaro_Negredo_found_himself_in_acres_of_space_to_round_Marc_And-a-51_1455144776865.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/02/10/22/311122CB00000578-3441320-image-a-53_1455144776867.jpg" alt="" width="730" /></span></p>
<p style="text-align: center;"><span style="color: #000000;">គ្រូបង្វឹក Valencia លោក Gary Neville</span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/02/10/22/3110EF0F00000578-3441320-image-a-55_1455144776868.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/02/10/22/311154AD00000578-3441320-Fans_jeered_Neville_as_he_arrived_at_the_stadium_with_the_squad_-a-54_1455144776868.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/02/10/22/3110F87100000578-3441320-Former_Arsenal_defender_Thomas_Vermaelen_left_is_fouled_by_Santi-a-57_1455144776870.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/02/10/23/31112F6E00000578-0-image-m-16_1455148557543.jpg" alt="" width="730" /></span></p>
<p style="text-align: center;"><span style="color: #000000;">គ្រូបង្វឹក FC Barcelona លោក Luis Enrique</span></p>
<p style="text-align: center;"><span style="color: #000000;"><object width="422" height="362" data="http://www.youtube.com/v/OLEEtMqSC5E&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/OLEEtMqSC5E&rel=1" /></object><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>