<p><span style="color: #000000;"><strong>(វ៉ាស៊ីនតោន)៖</strong> រដ្ឋមន្ត្រីរតនាគារជាតិ អាមេរិក Jacob J. Lew បានប្រកាសថា និមិត្តរូបដ៏គួរឲ្យចងចាំមួយ នឹងត្រូវយកមកដាក់នៅក្នុងរូបិយប័ណ្ណ របស់អាមេរិកនៅក្នុងសតវត្សរ៍មួយនេះ ដោយក្នុងនោះគឺ រូបអតីតប្រធានាធិបតីអាមេរិក លោក Andreww Jackson លើក្រដាសប្រាក់ ២០ដុល្លារ នឹងត្រូវជំនួសដោយស្ត្រីទាសករ ឈ្មោះ Harriet Tubman វិញ។ នេះបើតាមការចេញផ្សាយ ដោយកាសែត New York Time នៅថ្ងៃទី២០ ខែមេសា ឆ្នាំ២០១៦។</span></p>
<p><span style="color: #000000;">មិនត្រឹមតែការផ្លាស់ប្តូរ សម្រាប់ក្រដាសប្រាក់ ២០ដុល្លារនោះទេ ប៉ុន្តែសម្រាប់ក្រដាសប្រាក់ ៥ ដុល្លារ និង ១០ដុល្លារ ក៏រតនាគារជាតិមានគម្រោងប្តូរ ទៅដាក់រូបស្ត្រី និងមេដឹកនាំសិទ្ធិស៊ីវិល មួយចំនួនទៀត ផងដែរ។ លោក Lew ធ្លាប់បានប្តេជ្ញា តាំងពីឆ្នាំមុនមកម្ល៉េះថា នឹងធ្វើឲ្យមានរូបភាពស្ត្រី នៅលើក្រដាសប្រាក់ ១០ដុល្លារ។</span></p>
<p><span style="color: #000000;">គួរបញ្ជាក់ថា លោកស្រី Harriet Tubman គឺជាអតីតទាសករ និងជាសកម្មជនប្រឆាំងទាសភាព ដែលត្រូវបានកត់ត្រាទុក ក្នុងប្រវត្តិសាស្ត្រអាមេរិក។ នៅថ្ងៃពុធដដែលនោះលោកប្រធានាធិបតីអាមេរិក បារ៉ាក់ អូបាម៉ា ក៏បានសម្តែងការគាំទ្រ យ៉ាងពេញទំហឹងផងដែរ ចំពោះការសម្រេចរបស់រតនាគារជាតិ ព្រោះវាជាការបង្ហាញពីប្រជាជាតិមួយ ដែលកំពុងបន្តដំណើរដោយសេរី ផ្នែកវប្បធម៌ ជាតិសាសន៍ និង សិទ្ធិ សម្រាប់ដើមសតវត្សរ៍នេះតទៅ៕</span></p>
<p><span style="color: #000000;"><img src="http://static2.politico.com/dims4/default/6efabf0/2147483647/resize/1160x%3E/quality/90/?url=http%3A%2F%2Fs3-origin-images.politico.com%2F2015%2F06%2F10%2F150610-greenberg-jacksontwentybills.jpg" alt="" width="730" /></span></p>
<p><span style="color: #000000;"><img src="https://static01.nyt.com/images/2016/04/21/us/21currency-web2/21currency-web2-popup.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>