<p><span style="color: #000000;"><strong>(ភ្នំពេញ)៖</strong> នាថ្មីៗនេះសារមន្ទីរហ្គីម៉េប្រទេសបារាំង បានបញ្ជូនព្រះកេសរូបបដិមាព្រះហិរហរ មកឱ្យប្រទេសកម្ពុជាវិញ បន្ទាប់ពីព្រះកេសនេះ បានបាត់ពីដងខ្លួន អស់រយៈពេលជាង១៣០ឆ្នាំ។ ប្រទេសកម្ពុជា គ្រោងនឹងរៀបចំតភ្ជាប់ ព្រះកេសទៅនឹងដងខ្លួន រូបបដិមាខាងលើ នៅថ្ងៃទី២១ ខែមករា ឆ្នាំ២០១៦ ខាងមុខនេះ។</span></p>
<p><span style="color: #000000;">កាលពីម្សិលមិញ AKP បានដកស្រង់សម្តី អ្នកនាំពាក្យក្រសួងវប្បធម៌ លោក ថៃ នរៈសត្យា លើកឡើងថា ការជួបគ្នាវិញរវាងព្រះកេស និងដងខ្លួននេះ គឺជាការនាំយកមកវិញ នូវព្រលឹងរបស់ជាតិ ព្រលឹង វប្បធម៌ ព្រលឹងអាទិទេព ព្រលឹងវត្ថុបុរាណ ដែលបានបែកគ្នា រយៈកាលដ៏យូរអង្វែងមួយ។</span></p>
<p><span style="color: #000000;">ពិធីប្រគល់-ទទួល និងពិធីតភ្ជាប់ជាមួយដងខ្លួន ព្រះហរិហរឡើងវិញ គ្រោងធ្វើជាផ្លូវការនៅសារមន្ទីរជាតិ ក្រោមអធិបតីភាព ឧបនាយករដ្ឋមន្រ្តី សុខ អាន រដ្ឋមន្ត្រីទីស្តីការគណៈរដ្ឋមន្ត្រី នៅថ្ងៃទី២១ ខែមករា ឆ្នាំ២០១៦ខាងមុខនេះ៕</span></p>
<p><span style="color: #000000;"><a class="thickbox" title="" href="/FileManager/Commons/2016/1/19/9-21-2015-3-18-03-pm-19-01-2016--11-13-20.png"><span style="color: #000000;"><img src="/FileManager/Articles/mce/2016/1/19/9-21-2015-3-18-03-pm-19-01-2016--11-13-20.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្រ្វេសញ៉ូវអាស៊ី</span></p>