<p><strong>ភ្នំពេញ៖</strong>នរណាៗ ក៏ដឹងដែរថា អ្នកឧកញ៉ា គិត ម៉េង គឺជាសេដ្ឋីដ៏ល្បីឈ្មោះ និងលេចធ្លោរជាងគេបំផុតនៅកម្ពុជា ក្នុងចំណោមសេដ្ឋីៗ ជាច្រើនរូបទៀត ដូចជា ឧកញ៉ា បណ្ឌិត កិសកម្ម ម៉ុង ឫទ្ធី ឧកញ៉ា លី យ៉ុងផាត់ ឧកញ៉ា សុខ គង់ ឧកញ៉ា ពុង ឃាសែ ជាដើម។</p>
<p>គិតត្រឹមដំណាច់ឆ្នាំ២០១៣ អ្នកឧកញ៉ា គិត ម៉េង ដែលបច្ចុប្បន្នជា ប្រធានសភាពាណិជ្ជកម្មកម្ពុជា និង ប្រធានក្រុមប្រឹក្សាភិបាល រ៉ូយ៉ាល់គ្រុប ដែលមានក្រុមហ៊ុនចំណុះ យ៉ាងហោចណាស់ ២៣ក្រុមហ៊ុន។ ខាងក្រោមនេះ គឺជាឈ្មោះ ក្រុមហ៊ុនដែលចំណុះឲ្យ Royal Group របស់អ្នកឧកញ៉ា គិត ម៉េង ដោយរាប់ត្រួសៗ ដកស្រង់ចេញ ពីវេបសាយ Wikipedia ៖</p>
<p><strong>-</strong><strong>ផ្នែកគមនាគមន៍ និង ព័ត៌មានវិទ្យា៖</strong> មានក្រុមហ៊ុនទូរស័ព្ទចលត Mobitel (Cellcard) , ក្រុមហ៊ុនអ៊ីធើណែត EZECOM, ក្រុមហ៊ុន NETi Solutions ដែលផ្តល់សេវា IT និងក្រុមហ៊ុនមួយចំនួនទៀត។</p>
<p><strong>-</strong><strong>ផ្នែកហិរញ្ញវត្ថុ និង ធនាគារ</strong> ៖ មានក្រុមហ៊ុនធានារ៉ាប់រង Infinity , ធនាគារ ANZ Royal, ក្រុមហ៊ុន Royal Financial Consultancy (RFC) និង ក្រុមហ៊ុនផ្ទេរប្រាក់ Wing ផងដែរ។</p>
<p><strong>-</strong><strong>ផ្នែកអប់រំ៖</strong> សាលាអន្តរជាតិណបប្រ៊ីជ (Northbridge International School Cambodia)</p>
<p><strong>-</strong><strong>ផ្នែកដឹកជញ្ជូន៖</strong> មានក្រុមហ៊ុន Premium Auto Imports Co., Ltd. (exclusive importer of BMW cars) , Royal Cambodia Limousine Services (limousine services) និងមានក្រុមហ៊ុនអាកាសចរណ៍កម្ពុជា ដែលគ្រោងនឹងហោះហើរចាប់ៗនេះផងដែរ និងក្រុមហ៊ុនអយស្វ័យយាន Toll ។</p>
<p><strong>-</strong><strong>ផ្នែកផ្សព្វផ្សាយ និងកម្សាន្ត ៖</strong> ទូរទស្សន៍ CTN, MyTV, CNC , OneTV , HBO , The Disney, Cinemax ផលិតកម្ម Rock, មជ្ឈមណ្ឌលកម្សាន្ត Rock , ក្រុមហ៊ុនផ្សាយពាណិជ្ជកម្ម ដូចជា Bamboo Media និង BrandSolutions។</p>
<p><strong>-</strong><strong>សណ្ឋាគារ និង </strong><strong>Resorts </strong><strong>ភោជនីយដ្ឋាន ៖</strong>មាន Royal Park Resort ក្នុងខេត្តសៀមរាប, Titan King Casino & Resort នៅក្រុងបាវិត ខេត្តស្វាយរៀង , សណ្ឋាគារ កាំបូឌីយ៉ាន់ណា នៅរាជធានីភ្នំពេញ និង Koh Rong Island Resort ក្នុងខេត្តព្រះសីហនុ , ភោជ្ជនីយដ្ឋាន KFC ។</p>
<p><strong>-</strong><strong>អចលនទ្រព្យ៖</strong> ក្រុមហ៊ុន Royal Group មានចលនទ្រព្យច្រើន ដូចជា Royal Tower ការិយាល័យសម្រាប់ជួល នៅភ្នំពេញ, Northbridge Communities នៅភ្នំពេញ ជាដើម។</p>
<p>បើយោងតាមសម្តី របស់លោកឧកញ៉ា គិត ម៉េង ដែលស្រង់ចេញពីគេហទំព័រក្រុមហ៊ុន Royal Group បានឲ្យដឹងថា ឧកញ៉ា គិត ម៉េង បានចំណាយ ភាពយុវវ័យខ្លួន រស់នៅក្នុងប្រទេសអូស្ត្រាលី ហើយបានត្រឡប់មក ប្រទេសកម្ពុជាវិញ នៅក្នុងសម័យ UNTAC ដើមឆ្នាំ១៩៩០។</p>
<p>លោកឧកញ៉ានិយាយថា «ខ្ញុំដឹងថាប្រទេសកម្ពុជាត្រូវការ មេដឹកនាំជំនួញប្រកបដោយការប្តេជ្ញាចិត្ត ដើម្បីធ្វើការអភិវឌ្ឍន៍ជាតិ»។</p>
<p>លោកឧកញ៉ា គិត ម៉េង ជាបុគ្គលដ៏សំខាន់របស់កម្ពុជា ដែលទាក់ទាញ់ បាននូវការវិនិយោគយ៉ាងច្រើននៅកម្ពុជា ក្នុងតួនាទី ជាប្រធានសភាពាណិជ្ជកម្ម ។</p>
<p> លោកជាក្មេងមួយរូប ពោរពេញដោយមោទនភាព និងសុទិដ្ឋិនិយម ហើយបានទទួលការ ជំរុញពីក្រោយ នៃប្រទេសដ៏អស្ចារ្យមួយ ជាមួយនឹងការប្តេជ្ញាចិត្ត របស់រដ្ឋាភិបាល រក្សារស្ថេរភាព ទៅកាន់ទីផ្សារសេរី ដំណើរការស្របទៅតាមផ្លូវច្បាប់ ប្រទេសកម្ពុជា បានក្លាយជាប្រទេស ដ៏មានសក្តានុពលមួយ ក្នុងចំណោមប្រទេស សក្តានុពលជាច្រើនទៀត នៅក្នុងតំបន់អាស៊ី។</p>
<p>អ្នកឧកញ៉ា គិត ម៉េង សរសេរក្នុងវេបសាយក្រុមហ៊ុន ទៀតថា «តាមរយៈការសិក្សារបស់ខ្ញុំ បានយល់ដឹងពីប្រទេស ជាតិជាច្រើន ជាមួយនឹងការចាប់ផ្តើម ដោយស្ទើរតែគ្មានអ្វីទាល់តែសោះ។ ខ្ញុំបានបង្កើតក្រុមហ៊ុន Royal Group ឡើង ស្របទៅតាមយុទ្ធសាស្ត្រសំខាន់ៗ ដើម្បីធ្វើការវិនិយោគនៅក្នុងប្រទេសកម្ពុជា។ អស់រយៈពេលជាង ២ទសវត្សន៍មកហើយ យើងបានបង្កើតនូវ ក្រុមហ៊ុនឈានមុខគេ នៅលើទីផ្សារដោយទទួល បានការគាំទ្រយ៉ាងខ្លាំង នៅក្នុងប្រទេស។ មូលដ្ឋាននៃភាពជោគជ័យ របស់យើង គឺកសាងនូវភាពល្អថ្លៃថ្លា អភិបាលកិច្ចល្អ និងមោនសិកាសង្គម»៕</p>
<p style="text-align: center;"><img src="http://image.lookingtoday.com:81//lookingtoday/looking-images/news/2014/February/id-017/chetha-112.jpg" alt="Photo by LookingTODAY" width="600" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2014/February/id-017/chetha-113.jpg" alt="Photo by LookingTODAY" width="600" /></p>
<p style="text-align: right;">ផ្តល់សិទ្ធដោយ ៖ ដើមអម្ពិល</p>