<p><span style="color: #000000;"><strong>ភ្នំពេញ៖</strong> នេះមិនមែនទើបតែ ជាលើទីនោះទេ សម្រាប់តារាសម្តែងវ័យក្មេងកំពុងទាញ បានទីផ្សារសម្តែងល្បី ឈ្មោះ កញ្ញា សោភ័ណ្ឌ លីនដា ដែលបានរៀបចំពិធី ជួបលៀងខួបកំណើតបង្គ្រប់ អាយុ២២ឆ្នាំ យកលេខហុងស៊ុយ ខណៈកាលពីឆ្នាំមុន នាងបានរៀបចំធ្វើពិធីនេះ ម្តងរួចមកហើយ តែ</span></p>
<p><span style="color: #000000;">កាលនោះ នាងមិនបានធ្វើធំដុំដូចឆ្នាំនេះឡើយ ពោលគឺឆ្នាំនេះ នាងហៅភ្ញៀវនឹងចំណាយលុយច្រើនជាងឆ្នាំ កន្លងមក។</span><br /><span style="color: #000000;">ប្រាប់គេហទំព័រ LookingTODAY តាមទូរស័ព្ទ កាលពីរសៀលថ្ងៃទី០៧ ខែសីហា ឆ្នាំ២០១៥កញ្ញា សោភ័ណ្ឌ លីនដា បាននិយាយថា នេះជាឆ្នាំទី២ហើយ ដែលនាងបានរៀបចំធ្វើពិធី ជប់លៀងខួបកំណើត គ្រប់អាយុ២២ឆ្នាំ។ ប៉ុន្តែឆ្នាំនេះ រៀបចំធ្វើមានលក្ខណៈធំជាងឆ្នាំមុន ព្រោះម្តងនេះការចំណាយលុយ ក៏ច្រើន ជាពិសេសចំនួនភ្ញៀវ ដែលនឹងត្រូវអញ្ជើញចូលរួមក៏មានច្រើនផងដែរ គឺមានរហូតជាង២០តុឯណោះ។</span></p>
<p><span style="color: #000000;">កញ្ញា សោភ័ណ្ឌ លីនដា បាននិយាយទៀតថា ពិធីខួបកំណើតរបស់នាង នៅយប់ថ្ងៃទី៨ ខែសីហា នេះគឺរៀបចំធ្វើឡើងនៅទីតាំងកន្លែងចាស់ កាលពីឆ្នាំទៅ គឺហាងរបស់តារាសម្តែងអ្នកនាង សារ៉ាយ សក្ខណា ស្ថិតនៅម្តុំទួលគោកហើយ ក្នុងពិធីនេះ នាងក៏បានអញ្ជើញតារាសម្តែង និង ចម្រៀងចូលរួមច្រើន ជាងឆ្នាំមុនផងដែរ។</span></p>
<p><span style="color: #000000;">តារាសម្តែងកញ្ញា សោភ័ណ្ឌ លីនដា បានបន្ថែមថា សម្រាប់ឆ្នាំនេះ នាងបានចំណាយលុយជាង៣ពាន់ដុល្លារ ជាលុយផ្ទាល់ខ្លួន នឹងបានមកពីគ្រួសារខ្លះ ដើម្បីរៀបចំធ្វើពិធីនេះ ឲ្យមានបរិយាកាសអ៊ូអរ សប្បាយរីករាយខ្លាំងជាងឆ្នាំមុន។</span></p>
<p><span style="color: #000000;">ទោះបីជាយ៉ាងណា សម្រាប់កញ្ញា សោភ័ណ្ឌ លីដា ថ្មីៗនេះ ត្រូវបានគេដឹងថា ទើបតែជួបស្នេហ៍បែបបាក់ជាមួយនឹងគូស្នេហ៍បណ្ដូលចិត្ត លោក មករា ដែលជាអ្នកដឹកនាំសម្ដែង បទចម្រៀងនៅក្នុងផលិតកម្ម សាន់ដេ ដោយសារតែពួកគេទាំងពីរអះអាងថា សុទ្ធតែគ្មានវេលាសម្រាប់ស្នេហាដូចៗគ្នា ។ ប៉ុន្តែអ្វីដែលគេសង្ស័យ ក្នុងរឿងបែកបាក់នេះ គឺអាចមានអ្នកទី៣ ចូលជ្រែកបំបែកស្នេហ៍ ខណៈដែលកញ្ញា សោភ័ណ្ឌ លីដា នាពេលកន្លងមក តែងតែលេចឮថា មានបុរសសម្បូរទ្រព្យ តាមស្រឡាញ់ហួងហែងជាហូរហែ ទើបធ្វើឲ្យស្នេហាបែបភ្លើងចំបើងមួយនេះ ជួបនូវភាពផុយស្រួយ ក្នុងរយៈពេលដ៏ខ្លី៕</span></p>
<p><span style="color: #000000;"><a class="thickbox" title="" href="/FileManager/Commons/2015/8/9/10-09-08-2015--09-45-55.jpg"><img src="/FileManager/Articles/mce/2015/8/9/10-09-08-2015--09-45-55.jpg" alt="" /></a></span></p>
<p><a class="thickbox" title="" href="/FileManager/Commons/2015/8/9/11-09-08-2015--09-46-05.jpg"><img src="/FileManager/Articles/mce/2015/8/9/11-09-08-2015--09-46-05.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/8/9/10-09-08-2015--09-45-55.jpg"></a></span></p>
<p><a class="thickbox" title="" href="/FileManager/Commons/2015/8/9/12-09-08-2015--09-46-12.jpg"><img src="/FileManager/Articles/mce/2015/8/9/12-09-08-2015--09-46-12.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>