<div class="article-content">
<p><strong>ភ្នំពេញ ៖</strong> បុគ្គលិកក្រុមហ៊ុនទូរស័ព្ទក្នុង ស្រុកមួយ បានធ្លាក់ពីលើទូកកំសាន្ដចូលទៅ ក្នុងទឹក<br /> នៅពេលដែលជនរងគ្រោះកំពុងចូល រួមកម្មវិធីជប់លាង ផឹកស៊ីសប្បាយ ជាមួយថ្នាក់ដឹកនាំ <br />និងមិត្ដរួមការងារ ហើយទំនងជា ស្រវឹងខ្លាំង ទើបបណ្ដាលឱ្យជនរងគ្រោះដើរ ធ្លាក់ពីលើទូក<br />ចូលទៅក្នុងទឹក ហើយរហូត ដល់ព្រឹកថ្ងៃទី២៨ ខែតុលា ឆ្នាំ២០១៣នេះ ជនរងគ្រោះមិនទាន់<br />ត្រូវបានសាច់ញាតិ និងកម្លាំងសមត្ថកិច្ចរកឃើញនៅឡើយទេ ដោយ គេសង្ស័យថាស្លាប់<br />បាត់ទៅហើយនោះ។</p>
<p>យោងតាមប្រភពព័ត៌មានពីមន្ដ្រីនគរបាល មូលដ្ឋានបានឱ្យដឹងថា ករណីបុគ្គលិកក្រុម ហ៊ុន<br />ទូរស័ព្ទក្នុង ស្រុកមួយ ធ្លាក់ពីលើទូក កំសាន្ដ ចូលទៅក្នុងទន្លេខាងលើនេះ បាន កើតឡើង<br />កាលពីវេលាម៉ោង ប្រមាណ៧និង៥០នាទីយប់ថ្ងៃទី២៧ ខែតុលា ឆ្នាំ២០១៣ ស្ថិតនៅចំណុច<br />មាត់ទន្លេមុខផ្សាររាត្រី សង្កាត់ វត្ដភ្នំ ខណ្ឌដូនពេញ ។</p>
<p>បើតាមមន្ដ្រីនគរបាលមូលដ្ឋាន បានឱ្យ ដឹងទៀតថា ជនរងគ្រោះដែលធ្លាក់ពីលើទូក កំសាន្ដ<br />ចូលទៅក្នុង ទឹកទន្លេ ហើយរកមិន ទាន់ឃើញនោះ ឈ្មោះកែវ វាសនា អាយុ ២៨ឆ្នាំ បុគ្គលិក<br />ផ្នែកអាយធី របស់ក្រុម ហ៊ុន ទូរស័ព្ទ ស្នាក់នៅផ្ទះលេខ២៦៤ ផ្លូវលេខ ១៤៦ សង្កាត់ទឹកល្អក់<br />ទី២ ខណ្ឌទួលគោក ។</p>
<p>សមត្ថកិច្ចបានឱ្យដឹងក្រោយពីសាកសួរ ដំណើររឿងបញ្ជាក់ថា មុនពេលកើតហេតុ ថ្នាក់<br />ដឹកនាំក្រុមហ៊ុន ទូរស័ព្ទមួយនេះ បាន ជួលទូកកំសាន្ដរបស់លោកអ៊ីប្រាហ៊ីម ជន ជាតិខ្មែរ<br />ឥស្លាម អាយុ៦៨ឆ្នាំ ឈ្មោះ ចតុមុខ០៥ ដើម្បីរៀបចំកម្មវិធីជប់លាង ផឹកស៊ី សប្បាយ តាម<br />ដងទន្លេ ដោយមានបុគ្គលិក ចូលរួម ប្រមាណ៧០នាក់ ដោយចងភ្ជាប់ទូក ជាពីរ ។</p>
<p>សមត្ថកិច្ចបានបន្ដទៀតថា នៅពេលដែល កម្មវិធីចាប់ផ្ដើមនៅល្ងាចថ្ងៃទី២៧ ខែតុលា <br />ឆ្នាំ២០១៣ ទូក កំសាន្ដបានធ្វើដំណើរតាមដង ទន្លេ លុះដល់៣ម៉ោងក្រោយ ដែលគ្រប់<br />ម៉ោង ជួល ក៏ត្រឡប់មកច្រាំងវិញ ។ ពេលធ្វើ ដំណើរជិតមកដល់ច្រាំងទន្លេ មុខផ្សាររាត្រី <br />សង្កាត់វត្ដភ្នំ ខណ្ឌដូនពេញ ជនរងគ្រោះកែវ វាសនា ដែលមានអាការៈ ស្រវឹងខ្លាំងផង នោះ <br />បានដើរទៅរកបន្ទប់ទឹក នៅលើទូក ដើម្បីបត់ជើង ប៉ុន្ដែបែរជាដើរ ចូលខុសបន្ទប់ ទឹក<br />បណ្ដាលធ្លាក់ចូលទឹកទន្លេ តែម្ដង បង្កឱ្យ មានការភ្ញាក់ផ្អើលដល់ ថ្នាក់ដឹក នាំនិងមិត្ដ<br /> ភក្ដិរួមការងារទាក់ទងមកសមត្ថកិច្ច ដើម្បី ជួយអន្ដរាគមន៍ ។</p>
<p>ប៉ុន្ដែការខិតខំប្រឹងប្រែងរបស់សមត្ថកិច្ច និងសាច់ញាតិ ដែលជួលគេឱ្យចុះរាវរកនៅ <br />ក្នុងទឹកតាំង ពីម៉ោងកើតហេតុ រហូតដល់ ព្រឹក ទាបភ្លឺនៅតែមិនទាន់ឃើញជនរងគ្រោះ <br />នៅឡើយទេ ហើយរហូតដល់រសៀលថ្ងៃ ដដែលនេះ ក៏មិនទាន់ឃើញជនរងគ្រោះនៅ <br />ឡើយ ដែលគេសង្ស័យថា បានលង់ទឹក ស្លាប់ ហើយសពជនរងគ្រោះទំនងជាអណ្ដែត <br />តាមខ្សែ ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/October/id-067/CH-0668.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/October/id-067/CH-0669.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-067/CH-0670.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-067/CH-0671.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>