<p><span style="color: #000000;"><strong>(ភ្នំពេញ)៖</strong> ក្រសួងយុវជនអប់រំ យុវជន និងកីឡា នៅថ្ងៃទី០១ ខែសីហា ឆ្នាំ២០១៦នេះ បានចេញសេចក្តីប្រកាសព័ត៌មានមួយ ដោយអំពាវនាវឲ្យអាណាព្យាបាល មាតាបិតាសិស្ស ដែលត្រៀមប្រឡងសញ្ញាបត្រ មធ្យមសិក្សាទុតិយភូមិ (បាក់ឌុប)ទាំងអស់ កុំឲ្យចាញ់បោកជនខិលខូច ឬជនឱកាសនិយមមួយចំនួន ដែលដើរសន្យាថា ជួយរត់ការឲ្យប្រឡងជាប់ ជាថ្នូរនឹងថវិកាមួយចំនួន។</span></p>
<p><span style="color: #000000;">ក្រសួងអប់រំបានអំពាវនាវថា <strong>«សូមអាណាព្យបាល មាតាបិតា និងបេក្ខជន ប្រឡងសញ្ញាបត្របាក់ឌុបទាំងអស់ កុំឲ្យចាញ់បោកពាក្យភូតកុហក របស់ជនឆ្លៀតឱកាសណាមួយ ដែលនាំឲ្យខាតបង់ថវិកា និងទ្រព្យសម្បត្តិជាអសារបង់ និងសូមអំពាវនាវឲ្យបេក្ខជនទាំងអស់ បន្តខិតខំប្រឹងប្រែងរៀនសូត្រ និងគោរពតាមបទប្បញ្ញត្តិនានា ក្នុងដំណើរការប្រឡង»</strong>។</span></p>
<p><span style="color: #000000;">ក្រសួងអប់រំយុវជន និងកីឡា សូមធ្វើការបញ្ជាក់យ៉ាងដាច់អហង្ការថា តំណើរការប្រឡងសញ្ញាបត្រមធ្យមសិក្សាទុតិយភូមិ និងបំពេញវិជ្ជា សម័យប្រឡងថ្ងៃទី២២ សីហា ២០១៦ខាងមុខ និងប្រព្រឹត្តិទៅដោយគោរពតាមគោលការច្បាប់ យុតិ្តធម៌ តម្លាភាព និងលទ្ធផលទទួលយកបាន ស្របតាមទិសស្លោក «អ្នកចេះគឺជាប់»។</span></p>
<p><span style="color: #000000;">ជាមួយគ្នានេះ ក្រសួងអប់រំក៏ បានជំរុញឲ្យអាណាព្យាបាល មាតាបិតា និងបេក្ខជន ដែលត្រូវប្រឡងសញ្ញាបត្របាក់ឌុបទាំងអស់ រួមទាំងសាធារណជនផងដែរ មេត្តាផ្តល់ព័ត៌មាន និងអត្តសញ្ញាណជនខិលខូចដែលដើរសន្យារត់ការឲ្យជាប់បាក់ឌុប មកក្រសួង ដើម្បីចាត់វិធានការយ៉ាងម៉ឺងម៉ាត់ ដោយក្រសួងធានារក្សានូវការសម្ងាត់ជូន៕</span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/s960x960/13661965_1436686899691253_6187095350554395939_o.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>