<div class="article-content">
<p><strong>ភ្នំពេញ៖</strong> កម្លាំងនគរបាល ខណ្ឌដង្កោ ដឹកនាំដោយព្រះរាជអាជ្ញារង អមសាលាដំបូង រាជធានីភ្នំពេញ<br /> នៅព្រឹក ថ្ងៃទី៨ ខែតុលា ឆ្នាំ២០១៣នេះ បានចុះទៅឆែកឆេរ នៅវត្តសំបួរ សង្កាត់ដង្កោ ខណ្ឌដង្កោ<br /> ដោយឃាត់ ព្រះសង្ឃ ជាប់ពាក់ព័ន្ធ សកម្មភាព ចែកចាយ គ្រឿងញៀន ។</p>
<p>លោក យឹម សារ៉ាន់ អធិការ ខណ្ឌដង្កោ បានឲ្យដឹងថា មុននឹងឈាន ដល់ការឆែកឆេរ ទីតាំងវត្តសំបួរ <br />ខាងលើ នេះ គឺ កាលពីយប់ថ្ងៃទី៧ កម្លាំង នគរបាល ចម្រុះខណ្ឌដង្កោ បានចេញប្រតិបត្តិការ ជិះម៉ូតូ<br />ល្បាត ក្នុងមូលដ្ឋាន ដើម្បីការពារសុវត្ថិភាព ជូនប្រជាពលរដ្ឋ ឲ្យស្របទៅតាមគោល នយោបាយភូមិ<br /> សង្កាត់ មានសុវត្ថិភាព ហើយ ខណៈកម្លាំងកំពុងល្បាត ក៏បានជួបជាមួយនឹង ជនសង្ស័យម្នាក់ ជិះម៉ូតូ<br />មួយគ្រឿង ក្នុងល្បឿនលឿន គេចពី សមត្ថកិច្ច ដោយឃើញដូចនោះ សមត្ថកិច្ចមានការសង្ស័យក៏បាន<br />ដេញប្រផាប់ចាប់ប្រភីង រហូតឃាត់ខ្លួនបាន និងឆែកឆេរទៅលើខ្លួនរបស់គេ រកឃើញថ្នាំញៀនចំនួន<br />១៣កញ្ចប់តូច ។</p>
<p>លោក អធិការ បន្តថា ក្រោយពីឆែកឆេរ រកឃើញវត្ថុតាង ជាក់ស្តែង កម្លាំងសមត្ថកិច្ច ក៏សម្រេចឃាត់<br />ខ្លួន ជន សង្ស័យមួយរូបនោះ យកមកធ្វើការសាកសួរនៅអធិការដ្ឋាន នគរបាលខណ្ឌដង្កោ ទាំងយប់<br />តែម្តង ។ ដោយ នគរបាលសាកសួរ ទៅតាមជំនាញ ទើបជនសង្ស័យឆ្លើយសារភាព នឹងបែកធ្លាយ<br />រឿងព្រះសង្ឃនៅក្នុងវត្តសំបួរ ក៏សេពគ្រឿងញៀនដែរ ។ បន្ទាប់ពីទទួលបានចម្លើយ សារភាពភ្លាម រូប<br />លោកបានសុំបញ្ជាពីស្នងការ នគរបាល រាជធានីភ្នំពេញ និងសហការ ជាមួយព្រះរាជអាជ្ញារងអមសា<br />លាដំបូងរាជធានីភ្នំពេញ ចុះមកឆែកឆេរវត្តសំបួរ និងកុដ្ឋិព្រះសង្ឃទៅតាមចម្លើយ និងការចង្អុល<br />បង្ហាញរបស់ជនសង្ស័យ ដែលឃាត់ខ្លួន កាលពីយប់ ។</p>
<p>គួរបញ្ជាក់ថា ក្នុងប្រតិបត្តិការ នៃការឆែកឆេរ ខាងលើនេះ សមត្ថកិច្ចបានរកឃើញ នូវវត្ថុតាងមួយចំនួន<br /> ដូចជា ប្រដាប់ប្រដា ប្រើប្រាស់គ្រឿងញៀន មួយចំនួនធំ និងឧបករណ៍ផ្សេងៗទៀត ជាពិសេសនៅក្នុង<br /> កុដ្ឋិរបស់ព្រះ សង្ឃពីរ អង្គខាងលើនេះ គឺ បានរកឃើញសន្លឹកបៀរ កាំបិត ដំបងដែក និងកុំព្យូទ័រ ដែល<br />មានសុទ្ធតែរឿង អាស អាភាសថែមទៀតផង ។ ដោយយោងទៅ តាមវត្ថុតាងខាងលើ កម្លាំងសមត្ថកិច្ច<br /> បានសុំការអនុញ្ញាតិ ពី ព្រះចៅ អធិការវត្ត សំបួរមាស ដើម្បីឃាត់ខ្លួនព្រះសង្ឃទាំងពីរអង្គខាងលើនេះ<br />យកទៅធ្វើការសាកសួរ នៅអធិការ ដ្ឋាននគរបាលខណ្ឌដង្កោភ្លាមៗ ។</p>
<p>មុននឹងឃាត់ខ្លួន ព្រះសង្ឃពីរអង្គនេះ ព្រះចៅអធិការ វត្តបានចាប់ផ្សឹក សង្ឃទាំងពីរដោះស្បង់ជីពរ <br />ចេញ ដើម្បី ឲ្យសមត្ថកិច្ច ចាប់វាយខ្នោះ យកទៅ ឃុំខ្លួន ធ្វើការសាកសួរ និង រង់ចាំផ្តុំសំណុំរឿង <br />បញ្ជូនទៅសាលា ដំបូង រាជធានីភ្នំពេញ ផ្តន្ទាទោសតាមផ្លូវច្បាប់ ព្រោះដោយសង្កេតឃើញថា សង្ឃ<br /> ទាំងពីរនាក់នេះ បានប្រព្រឹត្តិអំពើ អបាយមុខ ខុសពីវិន័យសង្ឃនៅក្នុងវត្ត ។</p>
<p>គួរបញ្ជាក់ថា ប្រតិបត្តិការនេះ សមត្ថកិច្ចឃាត់ខ្លួន សង្ឃពីរនាក់និងកូនសិស្សលោកពីរនាក់ រួមជាមួយ<br /> ជន សង្ស័យ ម្នាក់ទៀត ជាអ្នកជួញដូរគ្រឿង ញៀន និងវត្ថុតាងមួយចំនួនទៀត យកទៅឃុំខ្លួនបណ្តោះ<br />អាសន្ន នៅអធិការដ្ឋាននគរបាលខណ្ឌដង្កោ រង់ចាំធ្វើការសាកសួរព័ត៌មាន លម្អិតនិង ស្រាវជ្រាវ តាម<br />ចាប់បក្ខពួក្ខរបស់គេយកមកផ្តន្ទាទោសតាមនីតិវិធីច្បាប់។</p>
<p>សមត្ថកិច្ច នៅមិនទាន់អាចបញ្ជាក់ ពីអត្តសញ្ញាណជនសង្ស័យ ទាំង៥នាក់ខាងលើនេះ បាននៅឡើយ<br />ទេ ដោយសារកំពុងស្ថិត ក្នុងការសាកសួរ ៕</p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0235.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0236.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0237.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0238.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0239.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0240.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0241.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0242.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0243.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0244.jpg" alt="Photo by DAP-NEWS" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>