<p><span style="color: #000000;">កាលពីខែមុន បណ្តាព័ត៌មានជាច្រើនពីប្រទេសចិន បានធ្វើការបង្ហោះរូបភាព ដែលត្រូវបានគេចាត់ទុកជា កាលវិភាគនៃការបង្ហាញណែនាំផលិតផល របស់ក្រុមហ៊ុនប្រព័ន្ធទូរស័ព្ទធំជាងគេបំផុត លើពិភពលោក China Mobile។ នៅក្នុងកាលវិភាគនៃការបង្ហាញណែនាំផលិតផលនេះ ស្មាតហ្វូន iPhone 4 inch ថ្មីរបស់ Apple មានឈ្មោះហៅថា iPhone 7C ហើយនឹងបង្ហាញណែនាំខ្លួននៅក្នុងខែមេសា ខាងមុខនេះ។ ចំណែកប្រភព ព័ត៌មាន មួយចំនួនផ្សេងទៀត ចុះផ្សាយមានឈ្មោះហៅថា iPhone 6c វិញ។</span></p>
<p><span style="color: #000000;"><a class="thickbox" title="" href="/FileManager/Commons/2016/1/12/iphone5e-12-01-2016--11-02-26.jpg"><img src="/FileManager/Articles/mce/2016/1/12/iphone5e-12-01-2016--11-02-26.jpg" alt="" /></a><br /></span></p>
<p><span style="color: #000000;">ជាក់ស្តែងនៅថ្ងៃនេះ Out of China បានធ្វើការផ្សាយចេញនូវរបាយការណ៍ផ្សេងមួយ ដោយបានកំណត់បញ្ជាក់ ឈ្មោះហៅជាក់ស្តែងរបស់ iPhone 4 inch ថ្មីថា iPhone 5e។ អក្សរ “e” នៅក្នុងឈ្មោះហៅនេះ គឺជាអក្សរកាត់ នៃពាក្យ “enhanced” (ប្រសើរឡើង)។ ប្រភពព័ត៌មាននេះ បានបញ្ជាក់បន្ថែមថា Apple នឹងដកចេញនូវការ រចនាម៉ូតសំបកធ្វើពីសាររធាតុជ័រដូចនៅលើ iPhone 5C ហើយជំនួសមកវិញនូវសំបកធ្វើពី លោហធាតុ។</span></p>
<p><span style="color: #000000;">និយាយពីលក្ខណៈសម្បត្តិវិញ Out of China<em> </em>បានឲ្យដឹងថា iPhone 5e នឹងមិនខ្លាំងដូចទៅនឹងបណ្តាព័ត៌មាន ចចាមអារ៉ាម បានចុះផ្សាយកាលពីពេលមុនៗនោះទេ។ ជាក់ស្តែងវាប្រើប្រាស់ chip ដំណើរការ A8 មិនមែន A9 ទេ ចំណែក RAM វិញមានទំហំតែ 1GB ប៉ុណ្ណោះ។ ស្មាតហ្វូននេះនឹងមានគាំទ្រ Apple Pay, VoLTE, កាមេរ៉ា ក្រោយទំហំ 8 megapixel និងមានតម្លៃលក់ប្រហែល ៥០០ដុល្លារ។</span></p>
<p><span style="color: #000000;">បច្ចុប្បន្ន Apple iPhone 5e ត្រូវបានដាក់ចេញធ្វើការផលិតជាច្រើនគ្រឿង នៅក្នុងរោងចក្ររបស់ Foxconn ហើយត្រៀមខ្លួនបង្ហាញណែនាំនៅក្នុងខែមីនា ឆ្នាំនេះ ដែលមានអង្គផ្ទុកទិន្នន័យពីរទំហំគឺ ទំហំ 16GB និង 64GB។ របាយការណ៍ពីប្រទេសចិនបានឲ្យដឹងថា Apple ធ្វើការផ្តោតផលិតផលនេះ នៅតាមបណ្តាទីផ្សារ ដែលទើបតែរីកចម្រើន កន្លែងដែលពួកគេសង្ឃឹមអភិវឌ្ឍសេវាកម្មទូទាត់ដោយផ្ទាល់ Apple Pay។</span></p>
<p><span style="color: #000000;">បើគិតមកដល់ពេលនេះ រូបរាង iPhone 4 inch ថ្មីនៅតែស្ថិតក្នុងភាពអាថ៌កំបាំង ដែលវាខុសពីបណ្តាផលិតផល មុនៗមកពី Apple ដែលជារឿយៗច្រើនតែបែកធ្លាយរូបភាពជាច្រើន មុនពេលវេលានៃការបង្ហាញខ្លួន។ បណ្តា ព័ត៌មានចចាមអារ៉ាម ជាបន្តបន្ទាប់កាលពីពេលថ្មីៗនេះ កាន់តែធ្វើឲ្យអ្នកប្រើប្រាស់ មានភាពច្របូកច្របល់ជាង មុន ស្តីពីផលិតនេះ៕</span></p>
<p><span style="color: #000000;"><span style="color: #0000ff;"><em><a href="http://www.camnews.com.kh/News/Detail/1733/intel-stuns-during-ces-keynote-with-record-for-most-drones-airborne-simultaneously"><span style="color: #0000ff;">អានអត្ថបទ៖ Intel ទទួលបានកំណត់ត្រា Guinness ជាមួយការសម្តែងរបស់ Drone ចំនួន ១០០គ្រឿង ក្នុងពេលតែមួយ (Video Inside)</span></a></em></span><br /><br /></span></p>
<p style="text-align: right;"><br />ប្រែសម្រួល៖ មង្គល<br /> ប្រភព៖ <em>Out of China</em><em>, zing</em></p>