<p><span style="color: #000000;">ព័ត៌មានកីឡា៖ ខ្សែបម្រើ ក្លឹប Chelsea ឈ្មោះថា Eden Hazard ដែលកាលពីរដូវកាលមុនមាន ប្រជាប្រិយភាពខ្លាំង និងទទួលបានការកោតសរសើរមិនដាច់ពីមាត់ពីថ្នាក់ដឹកនាំ ពេលនេះបានថ្លែងប្រាប់អ្នកសារព័ត៌មានថា កីឡាករនឹងគ្មានថ្ងៃដែល អាចលេងបានល្អដូច Ronaldo និង Messi នោះទេ ។ </span></p>
<p><span style="color: #000000;">Eden Hazard បានជួយឲ្យក្លឹប Chelsea លើកពាន Premier League បានដោយសុវត្ថិភាពកាលពីកាលមុន ជាមួយនឹងសមត្ថភាពស្វែងរកគ្រាប់បាល់បានរហូតដល់ទៅ ១៩ គ្រាប់ពេញមួយរដូវកាល ហើយមិនត្រឹមតែប៉ុណ្ណោះ គាត់ថែមទាំង ជាប់ឈ្មោះ ដណ្ដើមបានពានរង្វាន់ជាកីឡាករឆ្នើមប្រចាំឆ្នាំនៅ Premier League ទៀតផង។ </span></p>
<p><span style="color: #000000;">ខ្សែប្រយុទ្ធក្លឹប Barcelona គឺកីឡាករ Lionel Messi អាចរកគ្រាប់បាល់បាន ៥៨ គ្រាប់ក្នុងជំនួបប្រកួត ៥៨ ដង ចំណែក Cristiano Ronaldo វិញអាចរកគ្រាប់បាល់បាន ៦១ គ្រាប់ក្នុងជំនួបប្រកួត ៥៤ ដង កាលពីរដូវកាលមុន។ </span></p>
<p><span style="color: #000000;">Eden Hazard បានថ្លែងថា"ខ្ញុំតែងតែសួរខ្លួនឯងនូវអ្វីដែលខ្ញុំអាចធ្វើបាន ដើម្បីឲ្យដូចជា Messi និងRonaldo ហើយនឹងអាចស្វែងរកគ្រាប់បាល់បានដល់ទៅ ៥០ គ្រាប់ក្នុងមួយរដូវកាល...ជាការពិតណាស់ខ្ញុំតែងតែខិតខំប្រឹងប្រែងអស់ពីសមត្ថភាពណាស់ទៅហើយ ប៉ុន្ដែខ្ញុំដឹងថា ខ្ញុំមិនអាចធ្វើបានដូចជា ពួកគេឡើយ" ។ </span></p>
<p><span style="color: #000000;">លោក Jose Mourinho ពិតជាមានការកោតសរសើរខ្លាំងណាស់ នឹងសមត្ថភាពរបស់ Eden Hazard កន្លងមក កាលពីរដូវកាលមុន ។ ប៉ុន្ដែសម្រាប់ការស្វាគមន៍បើកទ្វារក្នុងរដូវកាលនេះ Chelsea ដូចជាឱនក្បាលចុះក្រោមខណៈដែល លោក Jose Mourinho ទាមទារឲ្យមានការខិតខំប្រឹងប្រែង ជាងនេះ ពី Eden Hazard ឲ្យដូចជារដូវកាលកន្លងមក។ </span></p>
<p><span style="color: #000000;"><a class="thickbox" title="" href="/FileManager/Commons/2015/9/3/9-3-2015-2-40-48-pm-03-09-2015--14-47-50.png"><span style="color: #000000;"><img src="/FileManager/Articles/mce/2015/9/3/9-3-2015-2-40-48-pm-03-09-2015--14-47-50.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/9/3/9-3-2015-2-44-02-pm-03-09-2015--14-50-31.png"><span style="color: #000000;"><img src="/FileManager/Articles/mce/2015/9/3/9-3-2015-2-44-02-pm-03-09-2015--14-50-31.png" alt="" /></span></a></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖express.co.uk</span></p>