<div>
<p><span style="color: #000000;"><strong>(ភ្នំពេញ)៖</strong> តារាចម្រៀងប្រុស ពូកែតុបតែងខ្លួនក្នុងស្ទីលប្លែកៗ មានទឹកដមសំឡេងក្រអួនក្រអៅ និងជាគ្រូបង្វឹកក្នុងកម្មវិធីប្រឡងចម្រៀងលំដាប់ថ្នាក់ពិភពលោក «The Voice Cambodia & Cambodia IDOL» លោក ណុប បាយ៉ារិទ្ធ ហាក់ទទួលបានប្រជាប្រិយភាពទ្វេដង ក្រោយកាន់តំណែងទាំងពីរកម្មវិធីនេះ យ៉ាងណែនក្នុងដៃ ព្រោះមានតែលោក និងតារាចម្រៀងពីរដួងទៀតប៉ុណ្ណោះ ដែលមានវាសនាល្អ កាន់កម្មវិធីទាំងពីរ ក្រៅពីនោះពុំមានវាសនា ដូចជារូបលោកឡើយ។</span></p>
<p><span style="color: #000000;">ត្រកូល «ណុប» ដែលប្រឡូកក្នុងវិស័យសិល្បៈ ត្រូវបានមហាជនទទួលស្គាល់ថា ជាគ្រួសារមួយ ពូកែតុបតែងខ្លួនប្លែកៗ និង មានគំនិតច្នៃប្រឌិតខ្ពស់ ព្រោះបងប្អូនត្រកូល «ណុប» ប្រឡូកតាំងពីនៅកុមារមកម្ល៉េះ ដូចនេះគ្មានអ្វីត្រូវព្រឺរោម នឹងរឿងតុបតែងខ្លួននោះទេ ។</span></p>
<p><span style="color: #000000;">លោក ណុប បាយ៉ារិទ្ធ ក៏ធ្លាប់លេងខ្លួនឲ្យមានមហាជន ភ្ញាក់ផ្អើលច្រើនលើកច្រើនសាររួចមកហើយ តាមរយៈការលេងភ្លើងលើសម្លៀកបំពាក់ និង សម្លៀកពាក់ដែលធ្វើឡើង ពីកញ្ចក់រាប់សិបគីឡូ ក៏លោកធ្លាប់ពាក់រួចមកដែរ ។ ក្រៅពីនេះ លោកក៏និយមតុបតែងមុខ ដោយលាបភ្នែកពណ៌សូកូឡា និង គូសចិញ្ចើមតិចៗ ដែលជាស្ទីលកូរ៉េ ហើយអ្នកចម្រៀងសម័យថ្មី តែងនិយមលេងបែបនេះ ។</span></p>
<p><span style="color: #000000;">តែជារឿងហួសចិត្ត ដែលមនុស្សនិយមលេងបណ្ដាញសង្គមមួយចំនួន បានយករូបលោក ទៅប្រៀបប្រដូច តារាស្រីជំនាន់ទស្សវត្តន៍៧០ ដែលអ្នកខ្លះប្រដូចលោកទៅ លោកស្រី ឌី សាវ៉េត លោកស្រី ប៉ែន រ៉ន និង រស់ សេរីសុទ្ធាទៅវិញ ដែលហាក់មានចេតនាចំអកឡកឡើយឲ្យលោក ក្នុងការដែលលោកទើបតែបង្ហាញវត្តមាន ក្នុងកម្មវិធីប្រគំតន្ត្រីមួយ។ លោក ចន ច័ន្ទតារា ប្អូនប្រុសតារាសម្ដែងដ៏ល្បីល្បាញ នាង ចន ច័ន្ទលក្ខិណា បាននិយាយថា វាជាការលេងសើច តែជាធ្វើឲ្យសាមីខ្លួនៗឈឺចាប់ ។</span></p>
<p><span style="color: #000000;">លោក ណុប បាយារិទ្ធ មិនទាន់មានប្រតិកម្មអ្វីឡើយ នឹងការចំអកឡកឡឺយ ពីអ្នកលេងហ្វេសបុក ខាងលើនេះ៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xat1/v/t1.0-9/12510512_1327370017289305_4914494061447470777_n.jpg?oh=a27bea3f604fd8c20da67c4eae135319&oe=5739CE70" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xat1/v/t1.0-9/11113789_308670782666221_305053024103483863_n.jpg?oh=17569bb1388a68ad8a0b877fc4a27b08&oe=56FED671" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtp1/v/t34.0-12/12032480_752858574819026_1733849851_n.jpg?oh=4df4ba3954731f3db7cc12444009c9a3&oe=56A5E812" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xft1/v/t1.0-9/12004005_1469384470056987_2120134954587414609_n.jpg?oh=fac338f370ab0c29de3751b98b3aab28&oe=56FBE4AC&__gda__=1462907597_cda972b859fb9466bdc47a163b6f6cbf" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-prn2/v/t1.0-9/10689476_1406152853008663_1365179585362900043_n.jpg?oh=d8c4b30b4e8f83678c2ba9ad2b2e914e&oe=573D52DE" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>