<p><strong>ភ្នំពេញ៖</strong>ហេតុការណ៍ភ្ញាក់ផ្អើល បានកើតឡើង ដោយមានកូនភ្លោះ ស្រីពីរនាក់ បានចាប់កំណើត<br />ជាមួយគ្រួសារ មួយស្ថិតក្នុង ភូមិអន្លង់គងចាស់ សង្កាត់ព្រៃស ខណ្ឌដង្កោ រាជធានីភ្នំពេញ។</p>
<p>ស្ត្រីជាម្តាយរបស់កូនស្រី ភ្លោះមានឈ្មោះ ហុង ថាវី អាយុ២៦ឆ្នាំ មុខរបរកម្មការិនីរោង ចក្រទួល<br />ពង្រ និងស្វាមី ឈ្មោះ វ៉ាត ផល្លា អាយុ២៧ឆ្នាំ មានទីលំនៅ ភូមិអន្លង់គងចាស់ សង្កាត់ព្រៃស <br />ខណ្ឌដង្កោ រាជធានីភ្នំពេញ។ ស្ត្រីជា ម្តាយបានរៀបរាប់ឲ្យដឹងថា នាងបានរៀបការជាមួយ និង<br />ស្វាមីរបស់នាងតាំងពី ឆ្នាំ២០០៩មកម៉្លេះ ក្រោយ មកនាងមានផ្ទៃពោះ កើតបានកូនប្រុសម្នាក់ <br />ប៉ុន្តែដោយអនិចារ្យកូនកើត មកមិនគ្រប់ខែ ក៏បានស្លាប់ទៅវិញ។</p>
<p>នៅក្នុងរយៈពេលប៉ុន្មានឆ្នាំក្រោយ មកនាងក៏មានផ្ទៃ ពោះទៀត ហើយតាំងពីមាន ផ្ទៃពោះនោះមក <br />នាងតែងតែ ដេកយល់ សុបិន្តឃើញទេវតាស្រី យកក្រវិលពីរប្រអប់តូច ហើយក្នុងមួយប្រអប់មាន<br />ក្រវិល មួយគូមកហុចឲ្យនាង យកមករក្សាទុក។</p>
<p>ស្ត្រីជាម្តាយបានបញ្ជាក់ឲ្យដឹងទៀតថា ដោយអនុវត្តន៍តាមគ្រូពេទ្យ ជំនាញស្ត្រីគ្រប់រូប ដែលមាន<br />ផ្ទៃពោះ ត្រូវតែ ទៅពិនិត្យផ្ទៃពោះ ឲ្យបានទៀងទាត់ ហើយរួបនាងនិងឪពុក របស់នាង បានឌុបនាង<br />ទៅមន្ទីរពេទ្យ ឯកជនមួយ ឈ្មោះ សុខសួស្តី អតីត មន្ទីរពេទ្យច័ន្ទ្រាវុធ ស្ថិតតាម បណ្តោយផ្លូវមុនីរ៉េត<br /> ខាងលិចផ្សារ ស្ទឹងមានជ័យ ខណ្ឌ មានជ័យ ដើម្បីពិនិត្យអេកូ ដោយដំបូង ពិនិត្យឃើញទារកមួយ <br />ហើយនាងតែងតែទៅ ពិនិត្យផ្ទៃពោះនៅមន្ទីរពេទ្យ ជារៀងរាល់ខែ។</p>
<p>ស្ត្រីជាម្តាយបានបន្តរៀបរាប់ទាំង ទឹកមុខក្រៀមក្រំថា នៅពេលនាងឈឺពោះឆ្លងទន្លេ ក្រុមគ្រួសាររបស់<br />នាង បាននាំ ទៅមន្ទីរពេទ្យ សុខសួស្តី អតីត មន្ទីរពេទ្យច័ន្ទ្រាវុធ ពេលនោះពិនិត្យអេកូ ម្តងទៀត ឪពុក<br />របស់នាង ក៏បាននិយាយ តថ្លៃជាមួយពេទ្យ ដោយពេទ្យទារប្រាក់ ចំនួន៦០០ដុល្លា ឪពុកនាងក៏ព្រមឲ្យ<br />ដែរ ប៉ុន្តែគ្រូពេទ្យបាន នាំទៅឆ្លុះអេកូលើកទីពីរ ក៏ស្រាប់តែឃើញមាន ទារកពីរភ្លោះជាប់គ្នា ហើយគ្រូ<br />ពេទ្យទាំងនោះមិនបាននិយាយស្តី អ្វីជាមួយឪពុក របស់នាង និងស្វាមីនោះទេ ក៏ប្រញាប់ប្រញាល់ដឹក<br />បញ្ជូន នាងទៅមន្ទីរពេទ្យកាល់ម៉ែត។</p>
<p>បុរសម្នាក់ឈ្មោះ អ៊ុន សុភី អាយុ៥៧ឆ្នាំ ជាកសិករត្រូវជាឪពុកបង្កើត របស់នាងក៏បាន រៀបរាប់ឲ្យដឹង<br />ដែរ កាលពី ព្រឹកថ្ងៃម្សិលម៉ិញ នេះថា ក្រោយពីបញ្ជូនកូនស្រី របស់គាត់ទៅមន្ទីរពេទ្យ កាល់ម៉ែត កូន<br />របស់គាត់មិនអាចឆ្លង ទន្លេ តាមធម្មតាទេ គ្រូពេទ្យជំនាញបានរុញ ចូលបន្ទប់វះកាត់ ក៏បានចៅភ្លោះ<br />ស្រីពីរ ក្បាលពោះជាប់គ្នា ផ្ចិតតែ មួយ ដៃបួន ជើងបួន គួរឲ្យចំឡែក ហើយពេលនោះខាង គ្រូពេទ្យ<br />កាល់ម៉ែត ក៏បានបញ្ជូនកូនភ្លោះស្រី របស់គាត់ ទៅកាន់មន្ទីរពេទ្យ គន្ធបុប្ផា ក្នុងគោលបំណងឲ្យលោក<br /> ដុកទ័រជំនាញៗ នៅមន្ទីរពេទ្យនោះ ជួយវះកាត់ ។</p>
<p>លោក អ៊ុន សុភី ប្រាប់បន្តទៀតថា ក្រោយមកដុកទ័រជំនាញៗ នៅមន្ទីរពេទ្យគន្ធបុប្ផា បានពិនិត្យឃើញ<br />ថា ចៅ ភ្លោះស្រីរបស់គាត់ពីរនាក់ នោះមានបេះដូងចំហរ មិនអាចវះកាត់បាន ទេ ហើយបញ្ជូនចៅភ្លោះ<br />ស្រី របស់គាត់ មកម្តាយគេវិញ នៅមន្ទីរពេទ្យកាល់ម៉ែត ។</p>
<p>លោក អ៊ុន សុភី ប្រាប់ឲ្យដឹងថា ចៅស្រីអភ័ពទាំងពីរ របស់គាត់បានកើតកាល ពីថ្ងៃទី៣ ខែតុលា ឆ្នាំ<br />២០១៣ វេលា ម៉ោង០៧យប់ រហូតមកដល់ថ្ងៃទី១១ ខែតុលានេះ មានរយៈពេល ៨ថ្ងៃហើយ។</p>
<p>ពាក់ព័ន្ធនឹងសុខភាពរបស់ស្ត្រី ជាម្តាយលោក អ៊ុន សុភី ក៏ប្រាប់ឲ្យដែរថា នាងមានសុខ ភាពល្អធម្មតា<br />ទេ ប៉ុន្តែគួរ ឲ្យអាណិតអាសូរ្យ នាងណាស់ មានកូនទីមួយកើត មកមិនគ្រប់ខែ ស្លាប់ទៅវិញបាត់ ចំ<br />ណែកកូនទីពីរ កើតមក ហើយ បែរជាអភ័ពមានក្បាលពោះជាប់គ្នា ផ្ចិតមួយ ដៃបួន ជើងបួន ក្បាលពីរ<br /> មើលទៅគួរឲ្យអាសូរ្យ ជាទីបំផុត ចៅរបស់គាត់មានឈ្មោះ ស្រីពីរ។</p>
<p>ជាមួយនេះដែរម្តាយក្មេងស្រីអភ័ព ក៏ដូចជាជីតា បានធ្វើការអំពាវនាវដល់ លោកគ្រូពេទ្យ ជំនាញទាំង<br />ក្នុង និង ក្រៅប្រទេស និងសម្បុរសជន មេត្តាជួយធ្វើការវះកាត់ ចៅស្រីកំសត់របស់គាត់ ដើម្បីឲ្យក្មេង<br />ស្រីទាំងពីរ មាន លក្ខណៈដូចមនុស្សធម្មតាផង ៕</p>
<p style="text-align: center;"><img src="http://image.dap-news.com:81/dap-news/dap-images/2013/october/id-078/Lay-098.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/october/id-078/Lay-095.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/october/id-078/Lay-096.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/october/id-078/Lay-097.jpg" alt="Photo by DAP-News" width="500" /></p>
<div class="ja-content-bottom clearfix"></div>
<div class="ja-content-bottom clearfix" style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល<span class="st_sharethis_large"><span class="stButton" style="text-decoration: none; color: #000000; display: inline-block; cursor: pointer;"><span class="stLarge" style="background-image: url('http://w.sharethis.com/images/sharethis:2.png');"><br /></span></span></span></div>