<p><span style="color: #000000;">គ្រោះថ្នាក់ ស្ទើរតែមិនគួរអោយជឿ ៖ ស្ថិតនៅក្នុងវ័យជំទង់ វ័យ ១៤ ឆ្នាំ និងជាបេក្ខភាព អ្នកលេង កីឡាស្គីក្តារលើទឹកសមុទ្រនោះ ក្មេងប្រុសម្នាក់ សំណាងហួស អាចនៅរស់រានមានជីវិតពីការវាយ ប្រហារ ឆ្លាមកំណាច នៅឯឈូងសមុទ្រ រដ្ឋ Florida សហរដ្ឋអាមេរិក ក្រោយ ពី មានភាពហ៊ានក្លា ហ៊ានតទល់ជាមួយនឹង ឆ្លាមកំណាច ដោយ ដាល់ អំឡុងពេល វា វាយប្រហារ រហូត វាហែលគេច ខ្លួន នេះបើយោងតាមការគូសបញ្ជាក់ ដោយផ្ទាល់ មន្ត្រីសន្តិសុខ ល្បាតឆ្នេរសមុទ្រ ។ </span></p>
<p><a class="thickbox" title="" href="/FileManager/Commons/2015/10/7/13b-07-10-2015--15-20-27.jpg"><img src="/FileManager/Articles/mce/2015/10/7/13b-07-10-2015--15-20-27.jpg" alt="" /></a></p>
<p> <strong>បញ្ជាក់ ៖ រូបភាព ឯកសារ</strong></p>
<p><span style="color: #000000;">ជនរងគ្រោះ ជាក្មេងប្រុសវ័យជំទង់ ១៤ ឆ្នាំអោយដឹងថា ឆ្លាម កំណាច បានបើកការវាយប្រហារ ខាំដៃឆ្វេងរបស់គេ អោយរបួសជាទម្ងន់ "ឆ្លាមមួយក្បាលនោះ មាន ប្រវែងប្រមាណ ១ម៉ែត្រកន្លះ" ជាមួយនឹងភាពហ៊ានក្លា គេបានដាល់ឆ្លាមកំណាចមួយក្បាលនោះ រហូត ហែលគេចខ្លួន ខណៈ ខ្លួនឯងផ្ទាល់ ព្យាយាមហែល មកកាន់ដីគោក ដង្ហោយរកជំនួយ ពីអ្នករាល់គ្នា តួយ៉ាង ភ្លាមៗមន្រ្តី ល្បាតបានបញ្ជូនគេទៅសង្គ្រោះបន្ទាន់ នៅឯមន្ទីរពេទ្យ ។ </span></p>
<p><a class="thickbox" title="" href="/FileManager/Commons/2015/10/7/13a-07-10-2015--15-20-36.jpg"><img src="/FileManager/Articles/mce/2015/10/7/13a-07-10-2015--15-20-36.jpg" alt="" /></a></p>
<p><span style="color: #000000;">គ្រោះថ្នាក់ឆ្លាមបើកការវាយប្រហារ លើកនេះ បាន កើតឡើង វេលា ម៉ោង ៨ និង ៣០ នាទី ថ្ងៃ អាទិត្យកន្លងទៅនេះ នៅឯឆ្នេរ សមុទ្រ New Smyrna Beach រដ្ឋ Florida សហរដ្ឋអាមេរិក ។កំពុង តែសម្រាកព្យាបាល របួសនៅក្នុងមន្ទីរពេទ្យ ជំទង់ វ័យ ១៤ ឆ្នាំ បានធូរ ស្រាលច្រើនហើយ បន្ទាប់ ពីធ្វើការវះកាត់ ។ </span></p>
<p><span style="color: #000000;">ដោយឡែក មិត្តភក្កិជិតស្និទ្ធជនរងគ្រោះ វ័យ ១២ ឆ្នាំមានឈ្មោះថា Cole Toomsoo គូសបញ្ជាក់ ស្ថានការណ៍គ្រោះថ្នាក់អោយដឹងថា ពេលនោះ គេបានស្រែករកជំនួយ វាពិតជារន្ធត់ខ្លាំងណាស់ ព្រោះថា ពួកយើងតែងតែមកលេងឆ្នេរសមុទ្រមួយកន្លែងនេះ ជារៀងរាល់ចុងសប្តាហ៍ ។ សារព័ត៌ មានក្នុងស្រុក សហរដ្ឋអាមេរិក ចុះផ្សាយអោយដឹងថា អំឡុងឆ្នាំ ២០១៥ នេះមានករណីឆ្លាមវាយ ប្រហារ ហោចណាស់ ១០ ករណី នៅក្នុងតំបន់ឈូងសមុទ្រ នៃទីតាំងកើតហេតុ៕</span></p>
<p><a class="thickbox" title="" href="/FileManager/Commons/2015/10/7/13-07-10-2015--15-20-46.jpg"><img src="/FileManager/Articles/mce/2015/10/7/13-07-10-2015--15-20-46.jpg" alt="" /></a></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ស្កាយញូវ </span></p>