<p><span style="line-height: 1.8; color: #000000;"><strong>(ភ្នំពេញ)៖</strong> សម្តេចក្រុមព្រះ នរោត្តម រណឫទ្ធិ បានជំទាស់ទៅនឹងការបង្កើតគណបក្សថ្មី របស់លោក ញឹក ប៊ុនឆៃ ដែលបានយករូបស្លាកសញ្ញា (ឡូហ្គោ) ស្រដៀងនឹងគណបក្សហ៊្វុនស៊ិនប៉ិចចាស់ និងបានប្រើឈ្មោះ ដូចទៅនឹងគណបក្សដែលធ្លាប់បានបង្កើតរួចហើយ។ <strong>នេះបើតាមលិខិតរបស់សម្តេចក្រុមព្រះ ផ្ញើទៅកាន់សម្តេចក្រឡាហោម ស ខេង ដែល Fresh News ទទួលបាននៅព្រឹកថ្ងៃទី០៤ ខែកុម្ភៈនេះ។</strong></span></p>
<p><span style="color: #000000;">កាលពីម្សិលមិញ លោក ញឹក ប៊ុនឆៃ ក្នុងតួនាទីជាអនុប្រធានទី២ គណបក្សហ៊្វុនស៊ិនប៉ិច បានធ្វើសន្និសីទប្រកាសអំពីការបង្កើត គណបក្សថ្មីមួយឈ្មោះ «គណបក្សរួបរួមជាតិ» ដែលមានរូបឡូហ្គោស្រដៀងនឹងគណបក្សហ៊្វុនស៊ិនប៉ិចចាស់។</span></p>
<p><span style="color: #000000;">លិខិតរបស់សម្តេចក្រុមព្រះ នរោត្តម រណឫទ្ធិ ព្រះប្រធានគណបក្សហ៊្វុនស៊ិនប៉ិច បានលើកឡើងថា «<strong>ក្នុងឋានៈខ្ញុំជាប្រធានគណបក្សហ៊្វុនស៊ិនប៉ិច ខ្ញុំមិនបានអនុញ្ញាតិឱ្យបុគ្គលណា ឫក្រុមណា រៀបចំសមាជបង្កើតគណបក្សមួយថ្មីជំនួយគណបក្សហ៊្វុនស៊ិនប៉ិចបច្ចុប្បន្នឡើយ»</strong>។</span></p>
<p><span style="color: #000000;">សម្តេចក្រុមព្រះក៏បានស្នើឱ្យសម្តេចក្រឡាហោម ស ខេង មានវិធានការសមស្របចំពោះ ករណីបង្កើតគណបក្សរបស់លោក ញឹក ប៊ុនឆៃ ផងដែរ៕</span></p>
<p><span style="color: #000000;">ខាងក្រោមនេះជាលិខិតសម្តេចក្រុមព្រះ៖</span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpl1/t31.0-8/12628593_1553900421590990_3038474766788909887_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpt1/v/t1.0-9/12662004_1553900394924326_5866714808224446930_n.jpg?oh=291dc93e13c71c83fcc8dc61f741cb0a&oe=57366B75" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>