<p><span style="color: #000000;"><strong>ភ្នំពេញ៖</strong> សាលាដំបូងរាជធានីភ្នំពេញ នៅសៀលថ្ងៃសុក្រ ទី១២ ខែមិថុនា ឆ្នាំ២០១៥នេះ បានប្រកាស សាលក្រមផ្តន្ទាទោស ជនជាប់ចោទគ្រឿងញៀន ចំនួន២នាក់ ក្នុងនោះរួមមាន ជនជាប់ចោទម្នាក់ ជាអតីតតារាភាពយន្ត និងម្នាក់ទៀត ជាមិត្តភក្តិ ដាក់ពន្ធនាគារម្នាក់ៗ កំណត់៥ឆ្នាំ តែអនុវត្តទោសក្នុងពន្ធនាគារម្នាក់ៗ កំណត់៤ឆ្នាំ ទោសនៅ សេសសល់ត្រូវ ព្យួរទាំងអស់ និង ពិន័យជាប្រាក់សម្រាប់ ដាក់ចូលក្នុងថវិកាជាតិម្នាក់ៗចំនួន១០លានរៀល។</span></p>
<p><span style="color: #000000;">លោក ហេង កេសរោ ប្រធានចៅក្រមប្រឹក្សាជំនុំជម្រះ និងជាអនុប្រធាន នៃសាលាដំបូង រាជធានីភ្នំពេញ បានថ្លែងឲ្យក្នុងសវនាការថា ពួកគេទាំង២នាក់នេះមានឈ្មោះ ហ្វេស សល់ ភេទប្រុស អាយុ២៩ឆ្នាំ ( ជាអតីតជាតារាភាពយន្ត) និង ម្នាក់ទៀតមានឈ្មោះ ម៉ា ទីន ភេទ ប្រុស អាយុ២៩ឆ្នាំ។ ពួកគេត្រូវបានតុលាការចោទប្រកាន់ពីបទ « ជួញដូរដោយ ខុសច្បាប់នូវ សារធាតុញៀន» តាមមាត្រា៤០ នៃច្បាប់ស្តីការត្រួតពិនិត្យគ្រឿងញៀន និងត្រូវចាប់ខ្លួន កាលពីថ្ងៃទី៨ ខែឧសភា ឆ្នាំ ២០១៤ នៅក្នុងសង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ៕</span></p>
<p><span style="color: #000000;"><a class="thickbox" title="" href="/FileManager/Commons/2015/6/13/6-13-2015-9-46-11-am-13-06-2015--09-52-08.png"><span style="color: #000000;"><img src="/FileManager/Articles/mce/2015/6/13/6-13-2015-9-46-11-am-13-06-2015--09-52-08.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>